Responsum accepit Simeon a spiritu sancto non visurum se mortem nisi videret dominum

Accipiens Simeon puerum in manibus gratias agens benedixit dominum

Tolle puerum et matrem ejus et vade in terram Juda

Revertere in terram Juda mortui sunt enim qui quaerebant animam pueri

Obtulerunt pro eo domino par turturum aut duos pullos columbarum

Cum inducerent puerum Jesum parentes ejus accepit eum Simeon in ulnas suas et benedixit deum dicens nunc dimittis domine servum tuum in pace

Simeon justus et timoratus exspectabat redemptionem Israel et spiritus sanctus erat in eo

Puer Jesus proficiebat aetate et sapienti coram deo et hominibus

Adorna thalamum tuum Sion et suscipe regem Christum quem virgo concepit virgo peperit virgo post partum quem genuit adoravit

Nunc dimittis domine servum tuum in pace quia viderunt oculi mei salutare tuum

Lumen ad revelationem gentium et gloriam plebis tuae Israel

O quam pulchra es casta generatio cum claritate

Beata mater et innupta virgo gloriosa regina mundi intercede pro nobis ad dominum

Hodie beata virgo Maria puerum Jesum praesentavit in templo et Simeon repletus spiritu sancto accepit eum in ulnas suas et benedixit deum alleluia

Homo erat in Jerusalem cui nomen Simeon homo iste justus et timoratus exspectabat redemptionem Israel et spiritus sanctus erat in eo

Beata Agatha ingressa carcerem benedicebat dominum Jesus Christum

Ingenua sum et exspectabilis genere ut omnis parentela mea testatur

Summa ingenuitas ista est in qua servitus Christi comprobatur

Ancilla Christi sum ideo me ostendo servilem personam

Agatha sancta dixit si feras mihi promittis audito Christi nomine mansuescunt

Si ignem adhibeas rorem mihi salvificum de caelo angeli ministrabunt

Agatha laetissima et glorianter ibat ad carcerem et quasi ad epulas invitata agonem suum domino precibus commendabat

Nisi diligenter perfeceris corpus meum a carnificibus attrectari non potest anima mea in paradisum domini cum palma intrare martyrii

Vidisti domine agonem meum quomodo pugnavi in stadio sed quia nolui oboedire mandatis principum jussa sum in mamilla torqueri

Propter fidem castitatis jussa sum suspendi in equuleo adjuva me domine deus meus in tortura mamillarum mearum

Quis es tu qui venisti ad me curare vulnera mea ego sum apostolus Christi nihil in me dubites filia

Medicinam carnalem corpori meo numquam exhibui sed habeo dominum Jesum Christum qui solo sermone restaurat universa

Gratias tibi ago domine Jesu Christe quia memor es mei et misisti ad me apostolum tuum curare vulnera mea

Benedico te pater domini mei Jesu Christi quia per apostolum tuum mamillam meam meo pectori restituisti

Qui me dignatus est ab omni plaga curare et mamillam meam meo pectori restituere ipsum invoco deum vivum

Paganorum multitudo fugiens ad sepulcrum virginis tulerunt velum ejus contra ignem ut comprobaret dominus quod a periculis incendii meritis Agathae martyris suae eos liberaret

Mentem sanctam spontaneam honorem deo et patriae liberationem

Mens mea solidata est et a Christo fundata

Beata Agatha ingressa carcerem expandit manus suas ad deum et dixit domine qui me fecisti vincere tormenta carnificum jube me domine ad tuam misericordiam pervenire

Dilecte mi noli me deserere ut usque mane loquamur de caelestibus

Tunc inclinato capite in manibus imbrem orando a domino obtinuit

Rogavi te nec potui obtinere quod volui rogavi dominum meum et exaudivit me

Hymnis et laudibus deo gratias referens sororis obitum fratribus denuntiavit

Celsa secreta in columbae specie pernicitate volucris petere vidit sanctae Scholasticae animam beatus Benedictus

Beatus Gregorius natione romanus nobilitatem suam moribus et probis actibus decoravit

Hauriebat adhuc in parva aetate sitibundo pectore fluenta doctrinae

O bone pastor*

Iste sanctus dum pro colligendis animabus satageret dedit illi dominus ut totam pariter Anglorum converteret gentem

Rogavit pontificem apostolicae sedis ut genti Anglorum praedicatores mitteret asserens seipsum in hoc opus esse paratum

Missis namque doctoribus tantam deus gratiam contulit ut verbum fidei quod ore praedicabant signorum efficacia confirmarent