Post transactum suae angelicae vitae cursum regi caelorum cui semper sine querela fortis athleta militavit hodierna luce spiritum reddidit nobis suis famulis sanctissimum corpus salutis pignus reliquit nunc instantissimas illi preces cuncti communi voto fundamus ut gregem suum visitet protegat custodiat peccatis omnibus absolvat et ad regna polorum ubi ipse cum Christo et angelis ejus in aeternum tripudiat glorioso illum triumpho victor cum palma perducat

Radix flos et germen caelestium pascuorum et omnium sane doctrinae dogmatum robur et columen christianitatis redolet ultra omnia aromata fortis et invictus Christi vernaculus almus Wunnebaldus qui inter alios confessores et sanctos abbates crystallum splendet nivem candet rosam rutilat lunam lucet te sanctissime pater cernuis vocibus effusis precibus pariter imploramus ut nobiscum omnes ad tuum caelestem transitum collectos ope tua praevenias persequaris solito foveas auxilio ut criminum sordibus expurgati tuo natali digne valeamus deservire

Verum summum et aeternum regem Christum qui dilectum suum sanctum Wunnebaldum suorum hodie sociavit caetibus sanctorum nos populus ejus et pascuae illius oviculae cantando laudando super omnia exaltando venite adoremus

Sanctus Wunnebaldus Christi confessor gloriosus abbas et sanctissimus de gente Anglisaxonum stirpe regia ortus fuit

Hic antequam decem annorum metam emergeret spretis omnibus puerilis vitae lasciviis rebus et pompis totum se dei servatio mancipavit intricare

His transactis magna dispensatione Christi et arcessione fratris sui Germani ad artiorem divinae contemplationis regulam totis nisibus se studuit

Patriam parentes consanguineos affines notos et omnes qui illum loco filii colebant et quibus ipse virtutum praerogativis redimitus praeceteris cordi erat

Hereditatem possessiones regales substantiam totam Christi amore relinquens peregre perfectus cum patre simul et fratre Romam iter direxit

Trajecto Mediterranea maris sinu per longos Hesperiae fines populosam urbem Luccam devenit relicto ibi patre mortuo et ad sanctum Frigdianum magnifice sepulto

His ita gestis quam coeperat viam aggressus ambulando reptando scandendo montes valles plana confragosa difficulter superando Romam laetus pervenit

Hanc ingressus rapido cursu Hilari vultu ad ecclesiam sancti Petri perruit et ante confessionem se prosternens uberrimus lacrimarum rivulis ipsam perfundens laudes et preces permiscuit

Infra et extra urbem loca sanctorum quodquod erant circumquaque jacentia prope sive longe inquirebat visitabat frequentabat voto demum satis faciens vigiliis jejuniis orationibus tam fortiter insudabat ut vix spiritum contrahaeret

Quod regressionem in patriam conatus est non hoc affectu patriae vel parentum intenderat sed quocumque suorum vel aliorum posset mundo renunciare compulisset

Illosque de saeculi transeuntis vanitate praemoneret et iterum revertendo Romam secum reduceret

Cum corda et mentes eorum in dei servitio confortaret et plerosque illorum paenitus mundo abstractos caelesti doctrina irradiaret quosdam secum ducendo Romam celeriter regressus est

Omnibus rite dispositis et ut lex divina poscebat digestis cum multo merore suorum illum retinere volentium

Romam reverso et spatio temporis decurso sanctus Bonifacius pontifex et martyr Christi gloriosus Romam venit beatum Petrum apostolorum principem exoratum suaque secutione commendandum

Inter procellas et turbines mundi sollicite conversatus ut haec pericula evadendi manum illi porrigeret et in littore quieto collocaret

Et cum ibi tunc sanctum Wunnebaldum pervidente domino invenisset magno repletus est gaudio quod talem et tante sanctitatis virum et jure consanguinitatis sibi astrictum maximum sui officii momentum in illo sibi deus ostenderet

Statimque illum blandis et suavibus agressus est sermonibus rogans et multum precatus ut revertens in Franciam cooperator sibi esset messis aeterne eo quod

Gloria patri et filio et spiritui sancto

Hoc responso laetus et hilaris effectus illum cum suis remisit in Germaniam quia persensit sibi eum plus oboedire

In omnibus quae gesserat tam prudenter se agebat ut cunctis notum et certum esset ipsum deum omnes actus ejus dirigere et ordinare et idcirco tam sanctus

Sanctus Wunnebaldus per Galliam iter accelerando Thuringiam usque pervenit et ibi ab eodem sanctissimo viro Bonifacio in presbyterii gradum promotus septem ecclesiarum regimen suscepit

Aliquanto deinde transacto annorum spacio ut latius praedicando propagaret sementem evangelici sermonis errorum variis excessibus implicatam ingressus Bajoariam Odilonem adiit ducem ut ejus auxilio ejusque potestate coeptum perficeret votum

Cum comperisset nobilem et victoriosam norice telluris gentem densis et diversis peccatorum tenebris offuscatam multimodas domino instanter effudit supplicationes

Gloria patri et filio et spiritui sancto sicut erat in principio et nunc et semper

Beatus Wunnebaldus gloriosi ducis fretus auspicio totam Bajoariam per trium annorum revolutiones monendo increpando blandiendo dulcibus amara per miscendo diversorum quisquiliis facinorum emaculavit

Post haec Mogontiam rediens a sancto Bonifacio humanissimae susceptus est et magna ibi saecularis vitae dignitate sed multo majore rectae conversationis rumore inter omnes insignis habebat

Inde discendens eo potissimum quod illam terram ubertas vini perfunderat quam monachiali regulae non parum obstare callebat et quasi naufragium abhorrebat ad fratrem suum sanctum Willibaldum revertens Heidenheim pervenit

Empto ibi devicinis agello ecclesiam fabricavit monasterium construxit monachos congessit eorum vitam ad unguem usque limavit paganismo deditos et barbarorum more viventes Sualaveldos ad viam convertit justitiae

Mens ejus humilis et deo devota numquam de saecularium gloria honorum elata jactantia non extollebatur irrogata non laude laetabatur humana nec reprehensione pravorum inpulsa precipitabatur in iram sed in adversis et prosperis aequa se trutina ponderabat

Illuster ille et prudens populi pedagogus monachiale apum examen quod suo dominus subrogavit magisterio sine paupertate et nuditate sine divitiis absque murmuratione cum divinis saecularibusque alimentis ubertim pascebat et ad alvearia mellis illexerat aeterna

O ineffabile opus conditoris o infinita pietas salvatoris o inscrutabilis majestas et bonitas redemptoris laudes illi et gratias referimus quod super longa locorum stadia super gelidas marium fluminumque latices ab extremo solis occasu ad primum aurorae ortum tam dispari termino talem suo gregi pastorem talem suo populo patronum procuravit dirigere atque isto in loco suis solatio pausare

Alleluia Stabat juxta aram templi beatus Wunnebaldus circa illum corona fratrum quasi plantatio cedri in monte Libano circa illum steterunt quasi rami palmae

Omnis terrarum regio | Gratuletur festa celebrans almi | Wunnebaldi confessoris praeclari | Plures perituros ac triformi mole strictos qui solvit | Et Christi nomen ejusque potestatem miram illis infudit | Ac homines beluino more sibi dissides | Evangelicis blandimentis vel minis paccatos reddit et unitos | Aegritudine dissolutos spassare fecit recidivos | Vincunt numerum quas per illum jam deus per multos confert sanitates | Nos exaudiri hac in die precamur | Huc conglobati qui sumus quam devoti Wunnebalde patrone | Qui hodie a Christo meruisti ex fide benedicte veni patris mei ac perenne posside regnum

Adest namque beatae Walburgis sacratissima dies in qua felicis cursum vitae feliciori fine complevit

Beata Walburgis Christi virgo triumphat coronata in caelis

Post discessum fratrum germanorum Willibaldi antistitis et Winnebaldi egregii confessoris virgo Walburgis cenobialis militiam disciplinae Christo favente suscepit

Cum autem in puro ejus pectore exuberavit religio castitatis coepit etiam pollere virtutibus

Ardens namque virgo Christi flamma divini spiritus corporeas contempsit voluptates

Sollemnis haec est die es in qua beata virgo deposito onere carneo delata angelicis manibus ad sinus aetherios coepit regnare cum Christo

Mentibus sinceris atque exsultantibus animis sollemnitatem hujus diei persolvamus

Beatissimae Christi virginis Walburgis dum sacrati cineres efferrentur a fidelium populus puer quidam parvulus caducus obviavit feretro et meruit sospitatem

Corde fidelissimo se univit vectitantibus feretrum et sub eodem prostratus humiliter jacuit et veniam postulavit

Eodem vero die priusquam ecclesiam ad quam ferebantur reliquiae virginis inferentur puer alter simili passione multatus celeri sanitati est restitutus

Mox ergo ut tenui corporis membra languenti a sanctae matris nostrae presidiis obtulit

Dumque jam dictante rei et temporis ratione domum cujusdam conprovincialis viri inviseret moribunda viscera languentis natae reparavit vitae

Quadam ergo volventis anni circuli nocte dum caereali lumine privaretur lumen aetheriae lampadis cenaculum sacrae virginis lustrans emicuit

Quo viso miraculo non ad humanae laudis est conversa favorem sed veram in arce pectoris humilitatem servavit

Advenit quidam rusticus contractus et curvus cellam beatae virginis introivit protinus nodosa congeries artuum protensa est

Cumque humi pavidus sterneretur et diutius quasi redditurus animam palpitaret

Tuae preterea virginis presidia requirentes venere mulieres manuum curvedine inhonestae quae missarum sollemnio dum astarent mox affuit Christi virtus et utraque indempta pristina sanitate laetae ad propria repedavere

Hae dum erectis ad superos oculos cordis et corporis auxilium a domino poposcissent et supplici devotione rogarent

Pauper quidam ex utero matris caecus oratorium sacratae matris introivit ibique preces divitissimas fudit et visum quem quaesierat recepit

Cum subito dilapsus in terram coepit pallida membra saxosa volutare tellure et quasi ultimum clausurus diem sese in pavimento reflectere

Non immerito ista virgo laudatur quae semetipsam ut aurum in fornace probavit

Ecce quae habuit pro deo obscuritatem praeparavit illi dominus claritatem in sempiternam

Dilecta deo in omnibus et laudibus et actibus modo suis meritis praesidium fert populis

Ecce virgo prudens quae aedificavit domum suam supra petram in cujus sancto corpore non est inventa labes quia deus elegit eam in sponsam sibi

Ecce vera Christi famula in qua dolus non est

Christi virgo dilectissima virtutum operatrix magnifica opem fer miseris subveni domina clamantibus ad te jugiter

Quoniam peccatorum mole premimur et non est qui adjuvet

Sancta Walburgis Christi virgo audi rogantes famulos et impetratam caelitus tu defer indulgentiam

O sancta mater servorum gemitus suscipe clementer

Igitur cum fide Christi plenissima moribus esset insignis caritate referta vocante domino caelos ascendit

Et facta est comes multitudo caelestis exercitus sanctissimae animae caelum gaudio penetranti laudans deum et dicens gloria tibi domine

Sacratae vero moniales virginis confamulae una cum fidelium turba populorum corpus ejus in loco celebri cum ejulatibus condiderunt

Cum una plangentium ac merentium vox populorum altius resonabat

O imitanda virginis castitas gloriosa quae calcatis mundi illecebris pro temporalibus mercata est sempiterna

Intuens in caelum beata virgo vidit gloriam sibi paratam et sanctissimam animam domino consignavit

Pretiosa et optima dei margarita Walburgis virgo animarabili conversatione benigno animo et moribus omnibus sobria aspectu decora placuit deo et hominibus

In eodem languore triennio continuabat expleto dum in ipso esset mortis articulo etiam desperaretur anxii parentes si mortem evaderet eum vovebant clericum

Cum pertinax multa primum obloqueretur et se id assequi non posse testaretur tandem victus meliflua filii ratione de regno dei et severiis Genhenne minis perterritus

Nativos propriae telluris cardines visitando magna usus prosperitate intravit statimque ingentia propinquis et amicis susceptus est gaudio quibus ille continuo aeternae spargebat indefessus semina vitae

Adveniens constipatus est multis suorum civium milibus illum ardenter videre et ab eo verbum salutis et mansurae felicitatis percipere cupientibus

Gloria patri et filio et spiritui sancto

Sanctus sancto talem dedit responsionis summam de ad omnia promptum et paratum fore quae suadaret et juberet magisque ejus precepto et auctoritati satis facere quam suae voluntati inobediens indulgere

Trium et quattuor annorum discursibus in hoc studio felicissime consumptis pauper et dives Wunnebaldus aeterni regis famulus in patriam repedare statuit

Cum peragrasset omnia ecclesiarum sacraria et cupidam sui ipsius mentem cuncta circuendo satiaret

Magnificandus et omnicolendus ubique timendus | Justitiae sedem qui Petri continet aedem | Nomine Paschalis venerandus vir specialis | Lux decus aecclesiae caput orbis imago sophiae | Examen juris pia forma sequenda futuris | Cujus ad adventum terror fregit Beneventum | Sit per eum salvus quem virginis aedidit alvus | Si genus et speciem dialectica cuncta novaret | Magnus Aristotiles si scire suum repararet | Tullius et Plato si surgant fonte renato | Si de Parnaso transferret carmina Naso | Magnificandus ut es vix dignum laude sonarent | Nobilitate tui generis nimis es specialis | Moribus et vita magis es …