Vidi aquam egredientem de templo a latere dextro alleluia et omnes ad quos pervenit aqua ista salvi facti sunt et dicunt alleluia alleluia

Dum transisset*

Et valde devote*

Sedit angelus ad sepulcrum domini stola claritatis coopertus videntes eum mulieres nimio terrore perterritae astiterunt a longe tunc locutus est angelus et dixit eis nolite metuere dico vobis quia illum quem quaeritis mortuum jam vivit et vita hominum cum eo surrexit alleluia

Crucifixum in carne laudate et sepultum propter vos glorificate resurgentemque a morte adorate

Christus resurgens ex mortuis jam non moritur mors illi ultra non dominabitur quod enim vivit vivit deo alleluia alleluia

Dicant nunc Judaei quomodo milites custodientes sepulcrum perdiderunt regem ad lapidis positionem quare non servabant Petram justitiae aut sepultum reddant aut resurgentem adorent nobiscum dicentes

Christus vincit*

O mira*

Dicant nunc*

Alleluia laudate pueri dominum laudate nomen domini alleluia

Rex noster in cruce de bellans mortis principem tulit fortior armato spolia diluculo resurgens in gloria oppressis in mundo reliquit sudarium in sepulcro ad patris solium victor revexit tropheum alleluia

O mira Christi regis potentia quis vidit talia latronis crucem tollerans jubet cherubim gladium versantem crucis socio latroni paradisum aperire

Surrexit dominus*

Christus resurgens*

Dicant nunc*

O mira*

Rex noster*

Surrexit dominus de sepulcro qui pro nobis pependit in ligno

Ego sum alpha et o primus et novissimus initium et finis qui ante mundi principium et in saeculum saeculi vivo in aeternum manus meae quae vos fecerunt clavis confixe sunt propter vos flagellis caesus sum spinis coronatus sum aquam petii pendens et accetum porexerunt in escam meam fel dederunt et in latus lanceam mortuus et sepultus sum resurrexi vobis sum videte quia ipse ego sum et non est deus praeter me alleluia

Cum rex gloriae Christus infernum debellaturus intraret et chorus angelicus ante faciem ejus portas principum tolli praeciperet sanctorum populus qui tenebatur in morte captivus voce lacrimabili clamaverunt advenisti desiderabilis quem exspectabamus in tenebris ut educeres hac nocte vinculatos de claustris te nostra vocabant suspiria te larga requirebant lamenta tu factus es spes desolatis magna consolatio in tormentis alleluia

Sedit angelus*

Cum rex gloriae*

Sedit angelus*

Cum rex gloriae*

Exsurge*

Surgite*

Deprecamur*

Crux fidelis*

Dicite in nationibus*

Cornelius*

Tu es Petrus*

Venite post me*

Dilexit Andream*

Laudem dicite*

Laetamini*

Beatus Nicolaus*

Martinus Abrahae*

Agmina*

Candidi*

In servis suis*

Rex noster*

Ego sum*

Vox tonitrui*

Exsurge domine adjuva nos et libera nos propter nomen tuum

Surgite sancti de mansionibus vestris loca sanctificate plebem benedicite et nos humiles peccatores in pace custodire alleluia

In nomine domini dei nostri ambulabimus nos et omnes populi quoniam in Sion facta est lex et verbum domini de Jerusalem regnabit dominus in aeternum alleluia

Ego sum deus patrum vestrorum dicit dominus videns vidi afflictionem populi mei et gemitum ejus audivi et descendi liberare eos alleluia alleluia

Exaudi domine deprecationem servorum tuorum et miserere populo tuo ut sciant omnes gentes quia tu es deus saeculorum miserere civitatis sanctificationis tuae domine deus noster alleluia alleluia

Deprecamur te domine in omni misericordia tua ut auferatur furor tuus et ira tua a civitate ista et de domo sancta tua quoniam peccavimus alleluia

Invocantem dominum exclamemus ut respiciat populum suum conculcatum et dolentem ut protegat templum ne ab impiis contaminetur sed misereatur nimis afflictae civitatis suae alleluia

Populus Sion convertimini ad dominum deum nostrum et dicite ei potens es domine dimittere peccata nostra ut non inveniant nos iniquitates nostrae deus noster alleluia

Domine deus noster qui cum patribus nostris mirabilia magna fecisti et nostris glorificare temporibus qui misisti manum tuam de alto et liberasti nos alleluia

Confitemini domino filii Israel quia non est alius deus praeter eum ipse liberavit nos propter misericordiam suam aspicite quae fecit nobiscum et enarremus omnia mirabilia ejus alleluia

Exclamemus omnes ad dominum dicentes peccavimus tibi domine patientiam habe in nobis et erue nos a malis quae cottidie accrescunt super vos alleluia

Parce domine parce populo tuo quem redemisti Christe sanguine tuo ut non in aeternum irascaris nobis alleluia alleluia

Domine imminuti sumus propter peccata nostra hodie sed in animo contrito et spiritu humilitatis suscipiamur et fac nobiscum secundum mansuetudinem tuam quia non est confusio confidentibus in te alleluia alleluia

Iniquitates nostrae domine multiplicatae sunt super capita nostra delicta nostra creverunt usque ad caelos parce domine et inclina super nos misericordiam tuam alleluia

Domine non est alius deus praeter te et quia tibi de omnibus cura est eo quod omnium dominus es parce populo tuo qui das peccantibus largitatem ut convertatur malitia in bonitate alleluia

Miserere domine plebi tuae super quam invocatur nomen tuum ut sciant omnes qui habitant terram quia tu es deus populorum tuorum alleluia

Dimitte domine peccata populi tui secundum multitudinem misericordiae tuae sicut propitius fuisti patribus nostris propitius esto et nobis adimplebitur gloria tua universa terra alleluia

Multa sunt domine peccata nostra tibi peccavimus patientia Israel libera nos domine in tempore angustiae nostrae alleluia

Peccavimus domine et tu iratus es nobis et non est qui effugiat manum tuam sed supplicamus ut veniat super nos misericordia tua qui Niniven pepercisti miserere nobis alleluia

Dimitte domine peccata nostra tibi peccavimus patientia Israel libera nos domine in tempore angustiae nostrae alleluia

In Niniven civitate magna jejunebant et flebant orabant et dolebant nimis homines pecora de agris minabant segregati ab uberibus dolens dominus super universam congregationem terrae et clamaverunt ad dominum dicentes peccavimus precamur da nobis indulgentiam praesta domine et miserere nobis alleluia

Omnipotens deus supplices te rogamus et petimus ut intercessio archangelorum sit pro nobis ad te semper Michaelis et Gabrielis pariterque et Raphaelis ut digni offeramus domino hostias ad altare et appareamus ante salvatorem per intercessionem novem ordinum angelorum thronum et dominationum principatum et potestatum et virtutum cum cherubim et seraphim ut ipsi ut intercedant pro nobis qui non cessant clamare dicentes sanctus sanctus sanctus dominus deus exercituum rex Israel qui regnas sine fine dignare famulos tuos hodie exaudire alleluia

Oremus dilectissimi nobis deum patrem omnipotentem ut cunctis mundum purget erroribus morbos auferat famem repellat aperiat carceres vincla dissolvat peregrinantibus reditum infirmantibus sanitatem navigantibus portum salutis apereat et pacem tribuat in diebus nostris insurgentesque repellat inimicos et de manu inferni liberet nos propter nomen suum alleluia alleluia

Timor et tremor venit in Ninivem civitatem magnam per quem sceleratae plebi indicitur jejunium et luctuosa turba induitur cilicio contigit autem et regem nobilem de solio suo descendere ut esset humilior cunctis lugentibus et praedicavit per universum regnum omnes viri et sexus femineus non gustent quicquam boves et pecora non pascantur herbis terrae pueri et vituli non sugant matris ubera sed clament ad eum in fortitudine ternis diebus ne patiantur ut Sodoma sed tu deus omnipotens misericors et miserator misertus esto miseris nos sumus opera tua quos dedisti filio tuo in hereditatem sibi noli claudere aures tuas ad preces nostras …

Domine rex deus Abraham dona nobis pluviam super faciem terrae ut discat populus iste quia tu es dominus deus noster alleluia

Numquid est in idolis gentium qui pluat nisi tu deus aut caeli possunt dare pluviam nisi tu volueris tu es dominus deus noster quem exspectamus dona pluviam alleluia alleluia

Exaudi domine populum tuum confitentem nomini tuo et dimitte peccata servorum tuorum et populi tui Israel et dona pluviam super terram quam dedisti patribus --