Sanctus Remigius meritis sanctitatis armatus verbi praecepit imperio ut iniquus praedo per quod ingressus fuerat discederet et Christi famulam relaxaret itaque cum nimio vomitu et obsceno fetore per os quo fuerat intromissus abscessit

Solis namque agnoscitur vivere meritis qui tantis fulget exemplis

Praesul Remigius nobilis genere nobilior sanctitate qui gentem barbaricam Francorum primus perduxit ad fidem catholicam

Iste est de sublimibus caelorum praepotentibus unus quem manus domini consecravit matris in visceribus cujus nos meritis adjuvari deposcimus

Triumphator aeternus Remigius in gentibus confessor officio martyr quoquo studio invictus certamine palmam quaerens sanguine beatus athleta dei quem si gladius persequentium non tetigit dignitatem martyrii non amisit

Justus germinabit sicut lilium R. Et florebit*

Per beatum Remigium fiunt divina mysteria per orationes ejus caeci illuminantur et natale ejus daemonia effugantur et infirmi sanantur

Peccatorum indulgentia condonatur et reorum vincula relaxantur

Beatus Remigius cum lacrimis ad pavimenta sanctorum in oratione prostratus et reliquos ut ita facerent adhortatus est | tunc effuso lacrimarum imbre consurgens suscitavit mortuam quam prius sanavit aegrotam

Precibus est populi supplicantis evictus ut orationem pro ipsa funderet et parentum lacrimis condoleret

Iste est de sublimibus caelorum praepotentibus unus quem manus domini consecravit matris in visceribus cujus nos meritis adjuvari supplices deposcimus

Iste est qui ante deum magnas virtutes operatus est et omnis terra doctrina ejus repleta est

Remigius sanctus antequam natus Ciliniae matri diu sterili ut praecursor domini ad parandam illi plebem perfectam per Montanum monachum divino est oratio ex nomine nuntiatus

Remigius meritis gloriosus Benedicti filiam Alarici precibus ex ipsis inferni claustris redivivam reddidit parentibus

Beatus Remigius quemdam habens obviam caecum occulta daemonum infestatione vexatum ut stipendia petentem aspexit ab immundo spiritu repente elisum ingemuit et ad orationem procumbens ut est perfusus lacrimis caecus lumen recepit daemone caruit et subsidium quod petebat accepit

Beatus Remigius ut vidit igni valido civitatem Remorum conflagare per daemones suscipiens in caelum ingemuit et dixit deus deus meus adesto voci meae

Concito cursu beatus Remigius civitatem petiit ad cujus adventum ignis fuga labens quo se vertit vir dei urbem egressus est

Ora pro nobis beate Remigie*

Gloriosus cultor dei Remigius barbarorum doctor egregius ferocitatem gentium praedomuit mores crudelium superavit victor in Christo populum acceptabilem domino praeparavit

Remigius sanctus*

Remigius*

Iste confessor*

Ora pro nobis*

Gentem Francorum inclytam simul cum rege nobili beatus Remigius sumpto caelitus chrismate sacro sanctificavit gurgite atque spiritus sancti pleno ditavit munere

Insignes praeconiis almae tuae nobilitatis consonant voces collaudantes verbo supplici prosequamur ave inclyte martyr angelorum consors apostolorum socius prophetarum concivis et martyrum coheres sancte Dionysie cum sociis tuis intercede pro nostra omniumque salute

Adoremus regem magnum dominum qui in sanctis suis semper est mirabilis

Secus decursus*

Tres viri isti trinitatis fidem studiose praedicantes hodierna die trinum martyrium consecuti sunt pariter

Beatus Dionysius Rusticus et Eleutherius in hac ergo fidei constantia permanentes

Beatus Dionysius Rusticus et Eleutherius in hac ergo fidei constantia permanentes reddentes terrae corpora beatas animas caelo cum gaudio intulerunt

Beatorum animae sanctorum Dionysii Rustici et Eleutherii relictis glebis secuti sunt redemptorem

Vir inclytus Dionysius martyr domini pretiosus succensus igne divini amoris constanter sustinuit supplicia passionis et per immanitatem tormentorum pervenit ad societatem angelorum

Hujus igitur intercessio pro nobis obtineat veniam qui per tormenta passionis aeternam meruit palmam et sempiternam gloriam

Hi sancti viri beati Dionysii numquam sustinuerunt abesse praesentia quos in unum interrogatio percussoris invenit

In hac ergo fidei constantia permanentes reddentes terrae corpora beatas caelo animas intulerunt

Tali namque a domino meruerunt confessione migrare ut amputatis capitibus adhuc putaretur lingua palpitans dominum confiteri

Beata nimium et deo nostro grata societas inter quos nec primus alter potuit esse nec tertius sed trinitatem confitentes trino meruerunt decorari martyrio

Et facta est comes multitudo caelestis exercitus exanimi corporis beati Dionysii caput proprium deportantis laudans deum et dicens gloria tibi domine

O beate Dionysi magna est fides tua intercede pro nobis ad dominum Jesum Christum ut qui qualitate tibi sumus dissimiles tua gratia largiente faciat esse consortes

Adest namque beati Dionysii sacratissima dies in qua triumphans agonem explevit et coronam martyrii accipere meruit de manu domini

In sanctorum devotionibus sanctus Victor triumphavit sanctorum gloriam beatus Gereon ordinavit spem immortalitas sanctus Cassius et Florentius fide armaverunt

Christum regem adoremus cum sanctis qui sub throno dei clamant in albis

Dominus Jesus Christus thebeorum legionem per passionis suae triumphum ad honorem sui nominis destinavit

Haec fraterna cohors praecepta regis non renuit sed iter quod coeperat cum duce peregit

Ob dei nutum sedavit pius ille cuneum sacrum ut subsisterent sectantes imperatoris jussum

Exsultent justi in conspectu dei*

Sancta per orbem crescente fide post domini ascensionem fieri meruerunt plures Christi martyres in qua societate electus est Thebaeorum exercitus ad gloriosum dei regnum

Gaudet beata mater ecclesia quod universa ad fidem colligitur mundus

Jubente rege ut idolis immolarent illi concors congregatio respondit se Christum colere nullumque alium deum adorare praeter eum cui omnia subduntur et cujus conspectui omnia patent

Noluit sanctum agmen idolis flectere cervicem sed repente respuit et deum caeli adoravit

Beatus Mauritius dum juberet pios pergere iter consodales insecuti sunt carnifices eorum vestigia cedentes donec tertius eorum per ordinem sententia consumeretur capitali

O martyrum pretiosus cruor quem effuderunt in Rhodani alveo

Monuit Mauritius miles sanctum fortiter agmen in agone stare quousque deliniretur infestantium rugitus

Modicum differebant intervallum qui benignum prosequebantur populum sperantes eos idolis sacrificare suis

Interrogante rege si sacrificaret legio responderunt minime unde decimum in ea ferire jubebat

Justi autem*

Turmis inde euntibus sanctarum societatum Italiae finibus translapsis gubernante deo ad illuminationem suae sacrae ecclesiae dignatus est mittere et die noctuque ad intercessionem Christianorum

Sanctorum sempiterna augetur gloria quia deus semper adest orationibus eorum

Beatae turbae Alpes praetergressae appropiaverunt dirae Franciae per pietatis societatem divisae finibus civitatis Veronae residentes duo cum septenis fuerunt ibi interempti

Cassium cum Florentio milites regis insecuti sunt et eos ibi trucidaverunt

Benigna mater ecclesia gaudet per orbem in qua semper manet gratia septiformis spiritus eo tenore cum pio Cassio et Florentio ipsa eadem hodie transvexit septem ad superos

Exsultent justorum animae in beatitudine sanctorum et in caelestibus ibunt de virtute in virtutem

Christiani nominis rex inimicus ut audivit a suis in Christum credere sanctos spiculatore cum satellibus misso iterum eos necari jussit

Tunc praecepit eos omnes gladio consumi at illi devoti laetantes colla sua subdiderunt inimicis

Sanctus occidebatur Mauritius cum sociis sacris collegionibus sparsim per vestigia gradientibus ierunt speciose usque adveni partes

Beato Gereone Agrippinam cum trecentis decem et octo appropiante et in cujus confidente adfuerunt regis insecutores qui eos gladio interemerunt jactantes ibidem in puteum

Veronam Gereone regresso consodales pacifice admonuit ut essent stabiles in fide una cum fratribus in agone

Sancto Victore per pelagus Rheni recto tramite cum sociis gradiente Troiae confines per prata amena extendentibus tabernacula aderant illis iniquorum viri qui eos callide mortificaverunt

Ibique trecentis triginta decollatis membra eorum in palustria projecerunt loca

O gloriosi martyres Christi qui meruistis fieri defensores sanctae plebis intervenite pro cuncto clero pacem ferte humili populo quia vestra nomina in libro vitae scripta manent

Fulget in gloria pretiosus sanguis vester et deus sabaoth in vitae speculo reget vos

Ista sanctorum pia societas decrevit omnino magis mori quam relinquere Christianitatem et abnuere salutiferam fidem

Aeternae trinitatis gloria amplior crescit honoris decus cum triumphantium victoria sublimatur ante suae majestatis sedem

Inter agmina colligitur angelorum concors societas sanctorum et adducuntur istorum animae beatorum ubi in aevum fruuntur suavi dei claritatis visione

Hymnum deo semper jubilemus et laudes ubique sonemus cum voce triumphantium hodiernae festivitatis

Hodie est jucunditas supernorum civium ac penes nos gaudia ab eis super nos stillantia unde et sempiterna in istis amplior manet beatitudo

Mirabilis deus in sanctis suis R. Deus Israel*

Gloriam deo in excelsis populi concinunt qui est semper mirabilis in suis sanctis et quos hodie ecclesia mater transmisit ad caelestia regna

Ista sanctorum pia societas*

Rex gloriose martyrum*

O veneranda martyrum gloriosa sollemnitas qui in suis corporibus pro Christo immania pertulerunt tormenta et ideo percipere meruerunt immarcescibilem aeternae gloriae coronam

Scimus quoniam diligentibus deum omnia cooperantur in bonum his qui secundum propositum vocati sunt sancti

Sapientiam sanctorum narrant populi et laudem eorum pronuntiat omnis ecclesia

Reddet deus mercedem laborum sanctorum suorum et deducet illos in via mirabili

Sanctum est verum lumen et admirabile ministrans lucem his qui permanserunt in agone certaminis recipiunt ab ipso splendorem sempiternum in quo assidue felices laetantur

Gaudent in caelis animae sanctorum qui Christi vestigia sunt secuti et quia pro ejus amore sanguinem suum fuderunt ideo cum Christo exsultant sine fine

Beati estis sancti dei omnes qui meruistis consortes fieri caelestium virtutum et perfrui aeternae claritatis gloria ideoque precamur ut memores nostri intercedere dignemini pro nobis ad dominum Jesum Christum

Gaudete et exsultate quoniam nomina vestra scripta sunt in caelis

Jesu salvator saeculi redemptis ope subveni et pia dei genetrix salutem posce miseris

Laetamini in domino*

O quam gloriosum est regnum in quo cum Christo gaudent omnes sancti amicti stolis albis sequuntur agnum quocumque ierit

Jesu salvator*

In civitate domini ibi sonant jugiter organa sanctorum ibi cinnamomum et balsamum odor suavissimus carmina eorum ibi angeli et archangeli hymnum deo decantant ante thronum dei alleluia

Regem regum dominum venite adoremus quia ipse est corona sanctorum omnium

Novit dominus viam justorum qui in lege ejus meditantur die ac nocte

Mirificavit dominus sanctos suos et exaudivit eos clamantes ad se

Admirabile est nomen tuum domine quia gloria et honore coronasti sanctos tuos et constituisti eos super opera manuum tuarum

Laetamini in domino et exsultate*

Benedicamus*

Benedictus es*