Janitor caeli doctor orbis pariter judices saeculi vera mundi lumina per crucem alter alter ense triumphans vitae senatum laureati possident

Doctor egregie Paule mores instrue et mente polum nos transferre satage donec perfectum largiatur plenius evacuato quod ex parte gerimus

Sit trinitati sempiterna gloria honor potestas atque jubilatio in unitate cui manet imperium ex tunc et modo per aeterna saecula amen

Olivae binae pietatis unicae fide devotos spe robustos maxime fonte repletos caritatis geminae post mortem carnis impetrate vivere

Olivae binae*

Doctor egregie*

Sit trinitati*

Nobis datus nobis natus ex intacta virgine et in mundo conversatus sparso verbi semine sui moras incolatus miro clausit ordine

In supremae nocte cenae recumbens cum fratribus observata lege plene cibis in legalibus cibum turbae duodenae se dat suis manibus

Verbum caro panem verum verbo carnem efficit fitque sanguis Christi merum et si sensus deficit ad firmandum cor sincerum sola fides sufficit

Tantum ergo sacramentum veneremur cernui et antiquum documentum novo cedat ritui praestet fides supplementum sensuum defectui

Genitori Genitoque laus et jubilatio salus honor virtus quoque sit et benedictio procedenti ab utroque compar sit laudatio amen

In mortem a discipulo suis tradendus aemulis prius in vitae ferculo se tradidit discipulis

Quibus sub bina specie carnem dedit et sanguinem ut duplicis substantiae totum cibaret hominem

Se nascens dedit socium convescens in edulium se moriens in pretium se regnans dat in praemium

O salutaris hostia quae caeli pandis ostium bella premunt hostilia da robur fer auxilium

Uni trinoque domino sit sempiterna gloria qui vitam sine termino nobis donet in patria amen

Tu scis quod ante gessimus tu nunc quod ecce poscimus arce sagittas daemonis confer medelam languidis

Vim quam tenes in nomine imple potenti numine serva gregalem copiam praestans salutis gratiam

Servando jam qui municeps caelestis aulae factus es et nos fideles vernulos servando numquam deseras

Hic te per illum quaesumus a quo redempti vivimus quem laus et omnis gloria per cuncta decet saecula amen

Calcans beata luridam saeculi ruentis machinam ardore sancti spiritus ignes subegit lubricos

Haec sacras Jesu lacrimis plantas rigavit intimis tersit capillis osculans mentis tenebras expians

Te quaesumus gratissima nobis deposce veniam caelestis aulae tinnulis quo perfruamur organis

Regi caelorum gloria ejusque soli filio sanctoque sit spiritui in sempiterna saecula amen

Fore hoc sacerdos dixerat jam Sixtus affixus crucis Laurentium flentem videns crucis sub ipso stipite

Desiste discessu meo fletum dolenter fundere praecedo frater tu quoque post hoc sequeris triduum

Extrema vox episcopi praenuntiatrix gloriae nihil fefellit jam dies praedicta palmam praestitit

Deo patri sit gloria*

Tu cum virgineo mater honore angelorum domino pectoris aulam sacris visceribus casta parasti natus hinc deus est corpore Christus

Quem cunctus venerans orbis adorat cui nunc rite genuflectitur omne a quo te petimus subveniente abjectis tenebris gaudia lucis

Hoc largire pater luminis auctor natum per proprium flamine sancto qui tecum nitida vivit in aethra regnans ac moderans saecula cuncta amen

Deum de deo genitum tu genuisti filium qui non habet initium in te sumpsit exordium

Caelum terramque qui regit in te formatus exstitit quem mundus totus non capit in tuo ventre jacuit

Deus et homo nascitur unus et Christus colitur Jesus redemptor omnium salvator atque gentium

Hunc nobis nasci profuit a morte nos eripuit pro nobis ipse mortuus et nos per illum vivimus

Deo patri sit gloria*

Angelum pacis Michael ad istam caelitus mitte rogitamus aulam nobis ut crebro veniente crescant prospera cuncta

Angelus fortis Gabriel ut hostem pellat antiquum volitet ab alto saepius templum veniens ad istud visere nostrum

Angelum nobis medicum salutis mitte de caelis Raphael ut omnes sanet aegrotos pariterque nostros dirigat actus

Hinc dei nostri genetrix Maria totus et nobis chorus angelorum semper assistat simul et beata contio tota

Praestet haec nobis deitas beata patris ac nati pariterque sancti spiritus cujus reboat omni gloria mundo amen

Collaudamus venerantes omnes caeli milites sed praecipue primatem caelestis exercitus Michaelem in virtute conterentem Zabulon

Quo custode procul pelle rex Christe piissime omne nefas inimici mundo corde et corpore paradiso redde tuo nos sola clementia

Gloriam patri melodis resonemus vocibus gloriam Christo canamus gloriam paraclito qui deus trinus et unus exstat ante saecula amen

Tu fabricator omnium discretor atque temporum fessa labore corpora noctis quiete recrea

Te deprecamur supplices ut nos ab hoste liberes ne valeat seducere tuo redemptos sanguine

Ut dum gravi in corpore brevi manemus tempore sic caro nostra dormiat ut mens soporem nesciat

Sit Christe rex piissime tibi patrique gloria cum spiritu paraclito et nunc et in perpetuum amen

Remedium praestans magnum precibus miserorum hic membris redolendo sacris pius ac venerandus

Deo patri atque nato laus cum sancto spiritu semper sit per infinita saeculorum saecula amen

Subveniat nunc magnificus nostris quoque votis aeternae patriae cives fore quo mereamur

Coetus omnes angelici patriarcharum cunei et prophetarum merita noli praecentur veniam

Baptista Christi praevius et claviger aethereus cum caeteris apostolis nos solvant nexu criminis

Chorus sacratus martyrum confessio sacedotum et virginalis castitas nos a peccatis abluat

Monachorum suffragia omnesque cives caelici annuant votis supplicum et vitae poscant praemium

Laus honor virtus*

Tu Christe supple quod minus vis nostra languens efficit tu da quietos temporum nobis dies praesentium

Martinus autem praevius fac ut sit horis omnibus ne daemonum fallacia pes noster impactus ruat

Hic arma nobis caelica instante pugna conferat hoc proeliante cominus hostis fugetur noxius

Hic nos triumpho nobiles et laureatos mystice aptet tuis conspectibus junctos supernis civibus amen

Hic nos per undas saeculi clavo gubemet prospero ne forte nostram spumea puppim charybdis sorbeat

Cantemus pariter carmen amabile Martini meritis oppido nobili clerus cum populo consonet organo grandi nam volupe est psallere gaudio

Martinus quoniam vota fidelia accendit tribuens cuncta salubria confert hic famulis rite canentibus stellis aureola serta micantibus

Cunctis candelabrum luminis extitit a multis tenebras mortis et expulit virtutum statuit crescere germina in quorum fuerant pectore crimina

His nos subsidiis undique praediti pangamus proprio cantica praesuli laudemus parili voce quod approbat damnemus vigili mente quod improbat

Martinum precibus gens modo Gallica dignis solicitet nostraque Fresia Martinus faciat tempora prospera mundi Christe salus o tibi gloria amen

Vos saeculi justi judices et vera mundi lumina votis precamur cordium audite preces supplicum

Quorum praecepto subditur salus et languor omnium sanate aegros moribus nos reddentes virtutibus

Qui caelum verbo clauditis serasque ejus solvitis nos a peccatis omnibus solvite jussu quaesumus

Ut cum judex advenerit Christus in fine saeculi nos sempiternis gaudiis faciat esse compotes

Laus honor virtus gloria*

Tui precatus munere nostrum reatum dilue arcens mali contagium vitae removens taedium

Soluta sunt jam vincula tui sacrati corporis nos solve vinculis saeculi amore filii dei

Deo patri sit gloria*

Aurem benignam protinus appone nostris vocibus tropaea sacra pangimus ignosce quod deliquimus

Tu vincis in martyribus parcendo confessoribus tu vince nostra crimina donando indulgentiam

Deo patri sit gloria*

Haec tua virgo duplici beata sorte dum gestit fragilem domare corporis sexum domuit cruentum corpore saeculum

Unde nec mortem nec amica mortis saeva poenarum genera pavescens sanguine fuso meruit secretum scandere caelum

Cujus obtentu deus alme nostris parce jam culpis vitia remittis quo tibi puri resonemus almum pectoris hymnum

Gloria patri genitaeque proli et tibi Christe genite superne cum quibus sanctis simul et beatus spiritus regnat amen

Qui pascis inter lilia septus choreis virginum sponsas decorans gloria sponsisque reddens praemia

Quocumque pergis virgines sequuntur atque laudibus post te canentes cursitant hymnosque dulces personant

Te deprecamur largius nostris adauge mentibus nescire prorsus omnia corruptionis vulnera

Deo patri sit gloria*

Qui carne quondam contegi dignatus es pro perditis nos membra confer effici tui beati corporis

Prae sole vultu flammeus ut nix amictu candidus in monte dignis testibus apparuisti conditor

Laudes tibi nos canimus aeterne regum rex deus qui trinus semper rector es per cuncta regnans saecula amen

Gressum coepit cum concepit Maria multum properans visitavit confortavit Elisabeth compatiens

Salutatur inflammatur Elisabeth et filius inaudita fiunt ita de dono sancti spiritus

Impraegnata gravidata fit mater olim sterilis infans datus nondum natus exsultat Christo jubilis

Servit major gaudet minor Maria fert solatium visitatis praeparatis ad spiritum propheticum

Praecursorem et doctorem Maria manu indicat qui rectorem purgatorem digito mundi nuntiat

Leva gregem duc ad regem Maria cunctos visitans ut salvetor et laetetur cum tu sis mater medians amen

Qui carne quondam contegi dignatus es pro perditis nos membra confer effici tui beati corporis

Prae sole vultu flammeus ut nix amictu candidus in monte dignis testibus apparuisti conditor

Laudes tibi nos canimus aeterne regum rex deus qui trinus semper rector es per cuncta regnas saecula amen

Votis nostris annue o tu cohors beata huic in martyrio aeque comparata nostra quod intentio fiat domino grata

Laude digna tu probaris nam a deo veneraris usa jugi gaudio in caeli palatio pro curtae poenae praemio potiris serto laureo