Annuntiabit nomen domini in Sion et laudem ejus in Jerusalem

Ananias dum intravit Saulum fratrem appellavit dicens Jesus Christus qui te stravit in via hoc mihi mandavit ut imponam tibi manus ut per eum fias sanus

Accipe benedictionem a domino et misericordiam a deo salutari tuo

Dum imponit illi manus surgit Paulus et fit sanus mox sancti spiritus gratia replevit eum et postea a propheta baptizatur et per cibum confortatur

Memoriam fecit mirabilium suorum misericors et miserator escam dedit timentibus se

Gloria patri et filio et spiritui sancto

Post conversionem in Damasco habitabat cum discipulis et confidenter praedicabat Christum natum incarnatum ex Maria virgine crucifixum et damnatum pro suorum crimine

Hanc doctrinam audientes stupefacti et dicentes nonne vir iste illum impugnabat qui nomen Christi invocabat

Paulus nimis convalescebat et Judeos confundebat cum graecis et gentibus disputabat fideles et credentes confortabat

Synagoga quaerebat capere vas electum et interficere sed submissus per murum a fratribus venit Jerusalem quantocius

Barnabas discipulus omnibus narravit quid egisset dominus hi jam non timentes crediderunt et benigne eum susceperunt

O oriens ex alto nos illumina et sedentes in umbra mortis visita et pedes nostros de valle miseriae ad verum montem cum pace dirige per sancti Pauli apostoli merita da nobis Jesu Christe summa gaudia

In Paulo prophetia est impleta quam praedixit patriarcha et propheta Benjamin erit lupus rapax et in praeda nimis capax mane comedet prohibita et sero dividet spolia in sancta ecclesia per sacra officia

Dum imponit*

O oriens*

Tu es vas electionis sancte Paule apostole praedicator veritatis in universo mundo per quem omnes gentes cognoverunt gratiam dei intercede pro nobis ad deum qui te elegit

O admirabile cum aliis

Gaude*

Senex puerum portabat puer autem senem regebat quem virgo peperit et post partum virgo permansit ipsum quem genuit adoravit

Ecce venit ad templum sanctum suum dominator dominus gaude et laetare Sion occurrens deo tuo

Benedicta tu in mulieribus et benedictus fructus ventris tui

Sicut myrrha electa odorem dedisti suavitatis sancta dei genetrix

Ante torum hujus virginis frequentate nobis dulcia cantica dramatis

Diffusa est*

Adorna thalamum tuum Sion et suscipe regem Christum quem virgo concepit virgo peperit virgo post partum quem genuit adoravit

Accipiens Simeon puerum in manibus gratias agens benedixit dominum

Senex puerum portabat puer autem senem regebat quem virgo concepit virgo peperit virgo post partum quem genuit adoravit

Accipiens Simeon*

Responsum acceperat Simeon a spiritu sancto non visurum se mortem nisi videret Christum domini et benedixit deum et dixit nunc dimittis servum tuum in pace quia viderunt oculi mei salutare tuum domine

Lumen ad revelationem gentium et gloriam plebis tuae Israel

Gloria patri et filio et spiritui sancto

Specie tua et pulchritudine tua intende prospere procede et regna

Adjuvabit eam deus vultu suo deus in medio ejus non commovebitur

Sicut laetantium omnium nostrum habitatio est in te sancta dei genetrix

Specie tua et pulchritudine tua

Suscipiens Jesum in ulnas suas Simeon exclamavit et dixit tu es verum lumen ad illuminationem gentium et gloriam plebis tuae Israel

Responsum accipiens Simeon a spiritu sancto non visurum se mortem nisi videret Christum domini

Simeon justus et timoratus exspectans redemptionem Israel et spiritus sanctus erat in eo

Responsum accipiens Simeon a spiritu sancto non visurum se mortem nisi videret Christum domini

Cum inducerent puerum Jesum parentes ejus accepit eum Simeon in ulnas suas et benedixit deum et dixit nunc dimittis domine servum tuum in pace

Lumen ad revelationem gentium et gloriam plebis tuae Israel

Haec est quae nescivit torum in delicto habebit fructum in respectione animarum sanctarum

Dignare me laudare te virgo sacrata da mihi virtutem contra hostes tuos

Post partum virgo inviolata permansisti dei genetrix intercede pro nobis

Adjuvabit eam deus vultu suo

Videte miraculum mater domini concepit virgo virile ignorans consortium stans onerata nobili onere Maria et matrem se laetam cognoscit quae se nescit uxorem

Casta parentis viscera caelestis intrat gratia venter puellae bajulat secreta quae non noverat

Postquam completi sunt dies purgationis Mariae secundum legem Moysi tulerunt Jesum in Jerusalem ut sisterent eum domino sicut scriptum est in lege domini quia omne masculinum adaperiens vulvam sanctum domino vocabitur

Obtulerunt pro eo domino par turturum aut duos pullos columbarum

Gaude Maria virgo cunctas haereses sola interemisti quae Gabrielis archangeli dictis credidisti dum virgo deum et hominem genuisti et post partum virgo inviolata permansisti

Gabrielem archangelum credimus divinitus te esse affatum uterum tuum de spiritu sancto credimus impraegnatum erubescat Judaeus infelix qui dicit Christum ex Joseph semine esse natum

Gloria patri et filio et spiritui sancto

Responsum accepit Simeon a spiritu sancto non visurum se mortem nisi videret dominum

Accipiens Simeon puerum in manibus gratias agens benedixit dominum

Tolle puerum et matrem ejus et vade in terram Juda

Revertere in terram Juda mortui sunt enim qui quaerebant animam pueri

Obtulerunt pro eo domino par turturum aut duos pullos columbarum

Cum inducerent puerum Jesum parentes ejus accepit eum Simeon in ulnas suas et benedixit deum dicens nunc dimittis domine servum tuum in pace

Tecum principium*

A solis*

Hodie beata virgo Maria puerum Jesum praesentavit in templum et Simeon repletus spiritu sancto accepit eum in ulnas suas et benedixit deum in aeternum

Ecce completa sunt omnia quae dicta sunt per angelum de virgine Maria

Adest nobis celeberrimus dies festus beati Blasii quem egregium martyrem et mirae sanctitatis pontificem mirabili signorum praerogativa praeditum ut intercessorem apud dominum pro nostris excessibus sentiamus tota mentis intentione flagitemus illius ut precibus adjuti mereamur absolvi de durissima delictorum nostrorum catena

Angelus autem domini descendens ad beatum Blasium dixit egredere fortis agonista dei egredere et suscipe paratam tibi a deo coronam

Quicumque in pericula vel infirmitates varias inciderit et nomen servi tui Blasii creduliter invocaverit domine deus meus suscipe oracula illorum et solitum adjutorium tuum in quibuscumque necessitatibus petierint gaudentes experiantur

Angelus*

Martyr dei*

Domine rex aeterne qui es tuorum spes certa sanctorum per orationem servi tui Blasii memento nostri

Veni electa*

Regnum mundi*

Beata Agatha ingressa carcerem expandit manus suas ad deum et dixit domine qui me fecisti vincere tormenta carnificum jube me domine ad tuam misericordiam pervenire

Regem virginum*

Ingenua sum et exspectabilis genere ut omnis parentela mea testatur

Summa ingenuitas ista est in qua servitus Christi comprobatur

Ancilla Christi sum ideo me ostendo servilem personam

Diffusa est gratia in labiis tuis

Dum ingrederetur beata Agatha in carcerem dixit ad judicem impie crudelis et dire tyranne non es confusus amputare in femina quod ipse in matre suxisti

Ego habeo mamillas integras intus in anima mea quas ab infantia domino consecravi

Vidisti domine et exspectasti agonem meum quomodo pugnavi in stadio sed quia nolui obedire mandatis principum jussa sum in mamilla torqueri

Propter veritatem et mansuetudinem et justitiam

Quis es tu qui venisti ad me curare vulnera mea ego sum apostolus Christi nihil in me dubites filia ipse me misit ad te quem dilexisti mente et puro corde

Nam et ego apostolus ejus sum et novi medicinam

Gloria patri et filio et spiritui sancto

Agatha laetissimae et glorianter ibat ad carcerem et quasi ad epulas invitata agonem suum domino precibus commendabat

Si ignem adhibeas rorem mihi salvificum de caelo angeli ministrabunt

Agatha sancta dixit si feras mihi promittis audito Christi nomine mansuescunt

Ipse me coronavit qui per apostolum Petrum in custodia me confortavit pro eo quod jussa sum suspendi in equuleo propter fidem castitatis adjuva me domine deus meus in tortura mamillarum mearum

Vidisti domine agonem meum quomodo pugnavi in stadio et quia nolui oboedire mandatis principum

Agatha laetissimae et glorianter ibat ad carcerem et quasi ad epulas invitata agonem suum domino precibus commendabat

Mens mea solidata est et a Christo fundata

Ego autem adjuta a domino perseverabo in confessione ejus qui me salvam fecit et consolatus est me

Gratias tibi ago domine Jesu Christe qui misisti ad me apostolum tuum curare vulnera mea

Gloria patri et filio et spiritui sancto

Nisi diligenter perfeceris corpus meum a carnificibus attrectari non potest anima mea in paradisum domini cum palma intrare martyrii

Vidisti domine agonem meum quomodo pugnavi in stadio sed quia nolui oboedire mandatis principum jussa sum in mamilla torqueri

Propter fidem castitatis jussa sum suspendi in equuleo adjuva me domine deus meus in tortura mamillarum mearum

Gaudeamus omnes in domino diem festum celebrantes in honore Agathae martyris de cujus passione gaudent angeli et collaudant filium dei

Immaculatus dominus immaculatam sibi famulam in hoc fragilitatis corpore positam misericorditer consecravit

Pulchra facie sed pulchrior fide beata es virgo respuens mundum laetaberis cum angelis intercede pro omnibus nobis

Specie tua et pulchritudine tua intende prospere procede et regna