Exemplum enim dedi vobis ut et vos ita faciatis

Vos vocatis me magister et domine et bene dicitis sum etenim si ego lavi vestros pedes dominus et magister et vos debetis alter alterius lavare pedes

Dixit Jesus discipulis suis*

Mandatum novum do vobis ut diligatis invicem sicut dilexi vos dicit dominus

Beati immaculati in via qui ambulant in lege domini

In hoc cognoscent omnes quia mei estis discipuli si dilectionem habueritis ad invicem

Pacem meam do vobis pacem relinquo vobis

In diebus illis mulier quae erat in civitate peccatrix ut cognovit quod Jesus accubuisset in domo Simonis leprosi attulit alabastrum unguenti et stans retro secus pedes domini Jesu lacrimis coepit rigare pedes ejus et capillis capitis sui tergebat et osculabatur pedes ejus et unguento ungebat

Maria optimam partem elegit quae non auferetur ab ea

Maria ergo unxit pedes Jesu et extersit capillis suis et domus impleta est ex odore unguenti

Dimissa sunt ei peccata multa quoniam dilexit multum

Domine tu mihi lavas pedes respondit Jesus et dixit ei et si non lavero tibi pedes non habebis partem mecum

Domine non tantum pedes meos sed et manus et caput

Ubi est caritas et dilectio ibi sanctorum est congregatio ibi nec ira est nec indignatio sed firma caritas in perpetuum Christus descendit mundum redimere ut liberaret a morte hominem

Exemplum praebuit suis discipulis ut invicem pedes lavarent

Caritas est summum bonum amplum donum in qua pendet omnis ordo praeceptorum per quam vetus atque nova lex impletur per quam deus ac proximus diligitur per quam caelorum regnum adipiscitur

Ille namque tenet et quod latet et quod patet in divinis sermonibus qui caritatem servat in moribus

Diligamus nos invicem quia caritas ex deo est et qui diligit fratrem suum ex deo natus est et videt deum

Et hoc mandatum habemus a deo ut qui diligit deum diligat et fratrem suum

Ubi fratres in unum glorificant deum ibi dabit dominus benedictionem

Et vitam usque in saeculum

Congregavit nos Christus ad glorificandum seipsum reple domine animas nostras sancto spiritu

A solis ortu et occasu ab aquilone et mari

Congregavit nos in unum Christi amor timeamus et amemus Christum deum ubi caritas et amor ibi deus

Ecce quam bonum et quam jucundum habitare fratres in unum

Maneant in nobis fides spes caritas tria haec major autem his est caritas

Nunc autem manent fides spes caritas tria haec

Benedicat nos deus deus noster benedicat nos deus

Et metuant eum omnes fines terrae

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potavit me

Et dederunt in escam meam fel et in siti mea

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Amen dico tibi hodie mecum eris in paradiso

Tenebrae factae sunt dum crucifixissent Jesum Judaei et circa horam nonam exclamavit Jesus voce magna deus meus deus meus ut quid me dereliquisti et inclinato capite emisit spiritum tunc unus ex militibus lancea latus ejus aperuit et continuo exivit sanguis et aqua

Cum ergo accepisset acetum dixit consummatum est

Proprio filio suo non pepercit deus sed pro nobis omnibus tradidit illum

Posuerunt super caput ejus causam ipsius scriptam Jesus Nazarenus rex Judaeorum

Replevit et inebriavit me amaritudine inimicus meus

Ait latro ad latronem nos quidem digna factis recipimus hic autem quid fecit memento mei domine dum veneris in regnum tuum

Dum conturbata fuerit anima mea domine misericordiae memor eris

Memento mei domine deus dum veneris in regnum tuum

Accepto pane*

Cum accepisset acetum dixit consummatum est et inclinato capite tradidit spiritum

In pace in idipsum R. Dormiam et requiescam

Sepulto domino signatum est monumentum volventes lapidem ad ostium monumenti ponentes milites qui custodirent eum

Ne forte veniant discipuli ejus et furentur eum et dicant plebi surrexit a mortuis

Recessit pastor noster fons aquae vivae in cujus transitum sol obscuratus est nam et ille captus est qui captivum tenebat primum hominem hodie portas mortis et seras pariter salvator noster dirupit

Destruxit quidem portas inferni et confregit potentias diaboli

Agnus dei Christus immolatus est pro salute mundi nam de parentis protoplasti fraude facta condolens quando pomi noxialis morsu in mortem corruit ipse lignum tunc notavit damna ligni ut solveret

Christus factus est pro nobis oboediens usque ad mortem mortem autem crucis

Caro mea R. Requiescet in spe

O mors ero mors tua morsus tuus ero inferne

Principes*

Collocavit me in obscuris R. Sicut mortuos saeculi

Mulieres sedentes ad monumentum lamentabantur flentes dominum

Plangent eum quasi unigenitum quia innocens dominus occisus est

Attendite universi populi et videte dolorem meum

In pace*

A porta inferi erue domine animam meam

Caro mea*

O vos omnes qui transitis per viam attendite et videte si est dolor sicut dolor meus

Collocavit me*

Alleluia alleluia alleluia alleluia alleluia alleluia alleluia alleluia alleluia alleluia

Angelus domini*

Exsurge gloria mea R. Exsurgam diluculo alleluia

Vespere autem sabbati quae lucescit in prima sabbati venit Maria Magdalenae et altera Maria videre sepulcrum alleluia

Alleluia alleluia alleluia alleluia alleluia alleluia

Alleluia alleluia alleluia alleluia alleluia alleluia alleluia alleluia

Surrexit dominus de sepulcro R. Qui pro nobis pependit in ligno alleluia

Angelus domini descendit de caelo et accedens revolvit lapidem et super eum sedit et dixit mulieribus nolite timere scio enim quia crucifixum quaeritis jam surrexit venite et videte locum ubi positus erat dominus alleluia

Angelus domini locutus est mulieribus dicens quem quaeritis an Jesum quaeritis

Angelus domini locutus est mulieribus dicens quem quaeritis an Jesum quaeritis jam surrexit venite et videte alleluia alleluia

Ecce praecedet vos in Galilaeam ibi eum videbitis sicut dixit vobis

Dum transisset sabbatum Maria Magdalenae et Maria Jacobi et Salome emerunt aromata ut venientes ungerent Jesum alleluia alleluia

Et valde mane una sabbatorum veniunt ad monumentum orto jam sole

Maria Magdalenae et altera Maria ibant diluculo ad monumentum et dicit illis angelus quem quaeritis non est hic surrexit sicut locutus est praecedet vos in Galilaeam ibi eum videbitis alleluia alleluia

Cito euntes dicite discipulis ejus et Petro quia surrexit dominus

Alleluia alleluia alleluia alleluia alleluia alleluia alleluia alleluia

Surrexit dominus vere R. Et apparuit Simoni alleluia

Surgens Jesus dominus noster et stans in medio discipulorum suorum dixit pax vobis alleluia gavisi sunt discipuli viso domino alleluia

Surrexit dominus de sepulcro qui pro nobis pependit in ligno

Expurgate vetus fermentum ut sitis nova conspersio etenim pascha nostrum immolatus est Christus itaque epulemur in domino alleluia

Christus resurgens ex mortuis jam non moritur mors illi ultra non dominabitur

Virtute magna reddebant apostoli testimonium resurrectionis Jesu Christi domini nostri alleluia alleluia

Repleti quidem spiritu sancto loquebantur verbum dei cum fiducia

Tulerunt dominum meum et nescio ubi posuerunt eum ait ei angelus noli flere Maria surrexit sicut dixit praecedet vos in Galilaeam ibi eum videbitis alleluia alleluia

Dum ergo fleret inclinavit se et prospexit in monumentum viditque duos angelos in albis sedentes qui dicunt ei

Alleluia alleluia alleluia alleluia alleluia alleluia alleluia

Cognoverunt dominum R. In fractione panis alleluia

Si conresurrexistis cum Christo o quae sursum sunt quaerite ubi Christus est in dextera dei sedens quae sursum sunt sapite non quae super terram alleluia

Mortui enim estis et vita vestra abscondita est cum Christo

Ecce vicit leo de tribu Juda radix David aperire librum et solvere septem signacula ejus alleluia alleluia alleluia

Et unus de senioribus dixit mihi ne fleveris dignus est agnus qui occisus est accipere potestatem et fortitudinem

Surrexit dominus de sepulcro alleluia qui pro nobis pependit in ligno alleluia alleluia alleluia

Laetentur caeli et exsultet terra ante faciem domini

Et valde mane una sabbatorum veniunt ad monumentum orto jam sole alleluia

Maria Magdalenae et Maria Jacobi et Salome venerunt diluculo ad monumentum

Gloria patri et filio et spiritui sancto

Alleluia alleluia alleluia alleluia alleluia alleluia alleluia alleluia

Surrexit dominus vere alleluia alleluia