Seraphim stabant super illud sex alae uni et sex alae alteri

Aspice domine de sede sancta tua et cogita de nobis inclina deus meus aurem tuam et audi aperi oculos tuos et vide tribulationem nostram

Non enim in justificationibus nostris prosternimus preces ante faciem tuam sed in miserationibus tuis multis

Aspice domine quia facta est desolata civitas plena divitiis sedet in tristitia domina gentium non est qui consoletur eam nisi tu deus

Plorans ploravit in nocte et lacrimae ejus in maxillis ejus

Super muros tuos Jerusalem constitui custodes tota die et nocte non tacebunt laudare nomen domini

Qui reminiscimini domini ne taceatis et ne detis silentium ei

Muro tuo inexpugnabili circumcinge nos domine et armis tuae potentiae protege nos semper libera domine deus Israel clamantes ad te

Erue nos in mirabilibus tuis et da gloriam nomini tuo

Sustinuimus pacem et non venit quaesivimus bona et ecce turbatio cognovimus domine peccata nostra non in perpetuum obliviscaris nos

Peccavimus cum patribus nostris injuste egimus iniquitatem fecimus

Misit dominus angelum suum et conclusit ora leonum et non me contaminaverunt quia coram eo justitia inventa est in me

Misit deus misericordiam suam et veritatem suam animam meam eripuit de medio catulorum leonum

Angustiae mihi sunt undique et quid eligam ignoro melius est mihi incidere in manus hominum quam derelinquere legem dei mei

Si enim hoc egero mors mihi est si autem non egero non effugiam manus vestras

Laudabilis populus quem dominus exercituum benedixit dicens opus manuum mearum tu es hereditas mea Israel

Beata gens cujus est dominus deus ejus populus quem elegit in hereditatem sibi

Redemit dominus populum suum et liberabit eos et venient et exsultabunt in monte Sion et gaudebunt de bonis domini super frumento vino et oleo et ultra non esurient

Eritque anima eorum quasi hortus irriguus

A facie furoris tui deus conturbata est omnis terra sed tu domine miserere et ne facias consummationem

Converte nos deus salutaris noster et averte iram tuam a nobis

Fluctus tui super me transierunt et ego dixi expulsus sum ab oculis tuis putas videbo templum sanctum tuum

Abyssus vallavit me et pelagus cooperuit caput meum

Homo quidam erat dives et induebatur purpura et bysso et epulabatur cottidie splendide et erat quidam mendicus nomine Lazarus qui jacebat ad januam ejus ulceribus plenus cupiens saturari de micis quae cadebant de mensa divitis et nemo illi dabat sed et canes veniebant et lingebant ulcera ejus alleluia

Pater Abraham miserere mei et mitte Lazarum ut intinguat extremum digiti sui in aquam ut refrigeret linguam meam

Homo quidam fecit cenam magnam et vocavit multos et misit servum suum hora cenae dicere invitatis ut venirent quia omnia parata sunt alleluia

Exi cito in plateas et vicos civitatis et pauperes ac debiles caecos et claudos compelle intrare ut impleatur domus mea alleluia

Quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam alleluia

Quae mulier habens drachmas decem et si perdiderit drachmam unam nonne accendit lucernam et evertit domum et quaerit diligenter donec inveniat

Estote ergo misericordes sicut et pater vester misericors est dicit dominus

Nolite judicare et non judicabimini in quo enim judicio judicaveritis judicabimini dicit dominus

Ascendens Jesus in navim et sedens docebat turbas alleluia

Praeceptor per totam noctem laborantes nihil cepimus in verbo autem tuo laxabo rete

Nisi abundaverit justitia vestra plus quam scribarum et pharisaeorum non intrabitis in regnum caelorum

Si offers munus tuum ante altare et recordatus fueris quia frater tuus habet aliquid adversum te relinque ibi munus tuum ante altare et vade prius reconciliari fratri tuo et tunc veniens offeres munus tuum alleluia

Cum turba multa esset cum Jesu nec haberent quod manducarent convocatis discipulis ait illis misereor super turbam quia jam triduo sustinent me nec habent quod manducent alleluia alleluia

Misereor super turbam quia ecce jam triduo sustinent me nec habent quod manducent et si dimisero eos jejunos deficient in via alleluia

Attendite a falsis prophetis qui veniunt ad vos in vestimentis ovium intrinsecus autem sunt lupi rapaces a fructibus eorum cognoscetis eos

Non omnis qui dicit mihi domine domine intrabit in regnum caelorum sed qui facit voluntatem patris mei qui in caelis est ipse intrabit in regnum caelorum alleluia

Dixit dominus villico quid hoc audio de te redde rationem villicationis tuae alleluia

Quid faciam quia dominus meus aufert a me villicationem fodere non valeo mendicare erubesco scio quid faciam ut cum amotus fuero a villicatione recipiant me in domos suas

Cum appropinquaret dominus Jerusalem videns civitatem flevit super illam et dixit quia si cognovisses et tu quia venient dies in te et circumdabunt te et coangustabunt te undique et ad terram prosternent te eo quod non cognovisti tempus visitationis tuae alleluia

Scriptum est enim quia domus mea domus orationis est cunctis gentibus vos autem fecistis illam speluncam latronum et erat cottidie docens in templo

Stans a longe publicanus nolebat oculos ad caelum levare sed percutiebat pectus suum dicens deus propitius esto mihi peccatori

Omnis qui se exaltat humiliabitur et qui se humiliat exaltabitur

Quanto eis praecipiebat tanto magis plus praedicabant et eo amplius admirabantur dicentes bene omnia fecit et surdos fecit audire et mutos loqui

Bene omnia fecit surdos fecit audire et mutos loqui

Homo quidam descendebat ab Jerusalem in Jericho et incidit in latrones qui etiam despoliaverunt eum et plagis impositis abierunt semivivo relicto

Quis tibi videtur proximus fuisse illi qui incidit in latrones et ait illi qui fecit misericordiam in illo vade et tu fac similiter alleluia

Cum ingrederetur Jesus quoddam castellum occurrerunt ei decem viri leprosi qui steterunt a longe et levaverunt vocem dicentes Jesu praeceptor miserere nostri

Nonne decem mundati sunt et novem ubi sunt non est inventus qui rediret et daret gloriam deo nisi hic alienigena vade quia fides tua te salvum fecit alleluia

Nolite solliciti esse dicentes quid manducabimus aut quid bibemus scit enim pater vester caelestis quid vobis necesse sit alleluia

Quaerite primum regnum dei et justitiam ejus et haec omnia adicientur vobis alleluia

Accessit autem Jesus et tetigit loculum hi autem qui portabant steterunt et ait adolescens tibi dico surge et resedit qui erat mortuus alleluia

Accepit autem omnes timor et magnificabant deum dicentes quia propheta magnus surrexit in nobis et quia deus visitavit plebem suam

Dixit Jesus ad legisperitos et pharisaeos si licet sabbato curare at illi tacuerunt ipse vero apprehendens hydropicum sanavit eum ac dimisit

Cum vocatus fueris ad nuptias recumbe in novissimo loco ut dicat tibi qui te invitavit amice ascende superius et erit tibi gloria coram simul discumbentibus alleluia

Magister quod est mandatum magnum in lege ait illi Jesus diliges dominum deum tuum ex toto corde tuo alleluia

Quid vobis videtur de Christo cujus filius est dicunt ei omnes David dixit eis Jesus quomodo David in spiritu vocat eum dominum dicens dixit dominus domino meo sede a dextris meis

Dixit dominus paralytico confide fili remittuntur tibi peccata tua

Tulit ergo lectum suum in quo jacebat magnificans deum et omnis plebs ut vidit dedit laudem deo

Dicite invitatis ecce prandium meum paravi venite ad nuptias dicit dominus

Nuptiae quidem paratae sunt sed qui invitati erant non fuerunt digni ite ad exitus viarum et quoscumque inveneritis vocate ad nuptias dicit dominus

Erat quidam Regulus cujus filius infirmabatur Capharnaum hic cum audisset quid Jesus adveniret in Galilaeam rogabat eum ut descenderet et sanaret filium ejus

Cognovit ergo pater quia illa hora erat in qua dixit Jesus filius tuus vivit et credidit ipse et domus ejus tota

Dixit autem dominus servo redde quod debes procidens autem servus ille rogabat eum dicens patientiam habe in me et omnia reddam tibi

Serve nequam omne debitum dimisi tibi quoniam rogasti me nonne ergo oportuit et te misereri conservi tui sicut et ego tui misertus sum dicit dominus

Magister scimus quia verax es et viam dei in veritate doces alleluia

Reddite ergo quae sunt Caesaris Caesari et quae sunt dei deo alleluia

Cum sublevasset oculos Jesus et vidisset maximam multitudinem venientem ad se dixit ad Philippum unde ememus panes ut manducent hi hoc autem dicebat tentans eum ipse enim sciebat quid esset facturus

Cum vidissent turbae signum quod fecerat Jesus dicebant vere hic est propheta qui venit in mundum

Stephanus autem plenus gratia et fortitudine faciebat signa magna in populo

Christum natum qui beatum hodie coronavit Stephanum venite adoremus

Beatus vir*

Hesterna die dominus natus est in terris ut Stephanus nasceretur in caelis ingressus est dominus mundum ut Stephanus ingrederetur in caelum

Heri enim rex noster trabea carnis indutus de aula uteri virginalis egrediens visitare dignatus est mundum

Stephanus autem plenus gratia et fortitudine faciebat signa magna et prodigia in populo

Cum autem esset plenus spiritu sancto et fide beatus Stephanus

Videbant omnes Stephanum qui erant in concilio et intuebantur vultum ejus tamquam vultum angeli stantis inter illos

Et concurrentes rapuerunt eum et adduxerunt in concilium

Iste sanctus pro lege dei sui certavit usque ad mortem et a verbis impiorum non timuit fundatus enim erat supra firmam petram

Munimine regio septus nullatenus est ab adversariis superatus

Lapidabant Stephanum invocantem et dicentem domine Jesu Christe accipe spiritum meum et ne statuas illis hoc peccatum

Positis autem genibus beatus Stephanus orabat dicens

Domine iste*

Impii super justum jacturam fecerunt ut eum morti traderent at ille gaudens suscepit lapides ut mereretur accipere coronam gloriae

Continuerunt aures suas et impetum fecerunt unanimes in eum

Stephanus servus dei quem lapidabant Judaei vidit caelos apertos vidit et introivit beatus homo cui caeli patebant

Stephanus autem plenus gratia et fortitudine faciebat prodigia et signa magna in populo

Impetum fecerunt unanimes in eum et ejecerunt eum extra civitatem invocantem et dicentem domine accipe spiritum meum

Et testes deposuerunt vestimenta sua secus pedes adolescentis qui vocabatur Saulus et lapidabant eum

Pretiosus athleta domini Stephanus positis genibus oravit dicens domine Jesu Christe ne statuas illis hoc peccatum

Lapidabant Judaei Stephanum at ille orabat dicens

Nisi granum*

Intuens in caelum beatus Stephanus vidit gloriam dei et ait ecce video caelos apertos et filium hominis stantem a dextris virtutis dei

Cumque aspiceret beatus Stephanus in caelum vidit gloriam dei et ait

Patefactae sunt januae caeli Christi martyri beato Stephano qui in numero sanctorum inventus est primus et ideo triumphat in caelis coronatus

Mortem enim quam salvator dignatus est pro omnibus pati hanc ille primus reddidit salvatori

Positis genibus beatus Stephanus clamavit voce magna dicens domine Jesu ne statuas illis hoc peccatum et cum hoc dixisset obdormivit in domino

Lapidabant Stephanum invocantem et dicentem domine Jesu accipe spiritum meum