Credo videre bona domini in terra viventium

Domine abstraxisti ab inferis animam meam

Tu autem domine miserere mei R. Et resuscita*

Recessit pastor noster fons aquae vivae ad cujus transitum sol obscuratus est nam et ille captus est qui captivum tenebat primum hominem hodie portas mortis et seras pariter salvator noster destruxit

Ante cujus conspectum mors fugit ad cujus vocem mortui resurgunt videntes autem eum portae mortis confractae sunt

O vos omnes qui transitis per viam attendite et videte si est dolor similis sicut dolor meus

Attendite universi populi et videte dolorem meum

Ecce quomodo moritur justus et nemo percipit corde et viri justi tolluntur et nemo considerat a facie iniquitatis oblatus est justus et erit in pace memoria ejus

In pace factus est locus ejus et in Sion habitatio ejus

Deus adjuvat me et dominus susceptor est animae meae

In pace factus est locus ejus et in Sion habitatio ejus

Factus sum sicut homo sine adjutorio inter mortuos liber

In pace factus est locus ejus*

Aestimatus sum cum descendentibus in lacum factus sum sicut homo sine adjutorio inter mortuos liber

Et sicut vulnerati dormientes projecti in monumento quorum non es memor amplius et ipsi de manu tua repulsi sunt

Agnus dei Christus immolatus est pro salute mundi nam de parentis protoplasti fraude facta condolens quando pomi noxialis morte morsu corruit ipse lignum tunc notavit damna ligni ut solveret

Christus factus est pro nobis oboediens usque ad mortem mortem autem crucis

Sicut ovis ad occisionem ductus est et dum male tractaretur non aperuit os suum traditus est ad mortem ut vivificaret populum suum

In pace factus est locus ejus et in Sion habitatio ejus

O mors ero mors tua morsus tuus ero inferne

Plangent eum quasi unigenitum quia dominus innocens occisus est

Attendite universi populi et videte dolorem meum

A porta inferi erue domine animam meam

O vos omnes qui transitis per viam attendite et videte si est dolor sicut dolor meus

O mors ero mors tua R. Morsus tuus ero inferne

Mulieres sedentes ad monumentum lamentabantur flentes dominum

Ululate pastores et clamate aspergite vos cinere quia completi sunt dies domini

Videbunt in quem transfixerunt et plangent super eum omnes tribus terrae

Joseph ab Arimathia petiit corpus Jesu et sepelivit eum in sepulcro suo

Sepulto domino signatum est monumentum ponentes milites qui custodirent illud

Alleluia alleluia alleluia

Crucifixus*

Vespere autem sabbati quae lucescit in primam sabbati venit Maria Magdalena et altera Maria videre sepulcrum alleluia

Alleluia alleluia alleluia

Ego sum qui sum et consilium meum non est cum impiis sed in lege domini voluntas mea est alleluia

Postulavi patrem meum alleluia dedit mihi gentes alleluia in hereditatem alleluia

Ego dormivi et somnum coepi et exsurrexi quoniam dominus suscepit me alleluia alleluia

Quem quaeris mulier R. Viventem cum mortuis alleluia

Angelus domini descendit de caelo et accendens revolvit lapidem et super eum sedit et dixit mulieribus nolite timere scio enim quia crucifixum quaeritis jam surrexit venite et videte locum ubi positus erat dominus alleluia

Angelus domini locutus est mulieribus dicens quem quaeritis an Jesum quaeritis

Angelus domini locutus est mulieribus dicens quem quaeritis an Jesum quaeritis jam surrexit venite et videte alleluia alleluia

Ecce praecedet vos in Galilaea ibi eum videbitis sicut dixit vobis

Dum transisset sabbatum Maria Magdalena et Maria Jacobi et Salome emerunt aromata ut venientes ungerent Jesum alleluia alleluia

Et valde mane una sabbatorum veniunt ad monumentum orto jam sole

Et dicebant ad invicem quis revolvet nobis lapidem ab ostio

Quem quaeritis in sepulcro hoc christicolae

Jesum Nazarenum crucifixum o caelicolae

Non est hic surrexit sicut praedixerat ite nuntiate quia surrexit de sepulcro

Et recordatae sunt*

Ad monumentum venimus gementes angelos domini sedentes vidimus et dicentes quia surrexit Jesus

Currebant duo simul et ille*

Dicant nunc Judaei quomodo milites custodientes sepulcrum perdiderunt regem ad lapidis positionem quare non servabant Petram justitiae aut sepultum reddant aut resurgentem adorent nobiscum dicentes alleluia alleluia

Surrexit enim sicut dixit dominus*

Te deum laudamus*

Angelus autem domini descendit de caelo et accedens revolvit lapidem et sedebat super eum alleluia alleluia

Et ecce terraemotus factus est magnus angelus autem domini descendit de caelo alleluia

Erat autem aspectus ejus sicut fulgur vestimenta ejus candida sicut nix alleluia

Prae timore autem ejus exterriti sunt custodes et facti sunt velut mortui alleluia

Respondens autem angelus dixit mulieribus nolite timere scio enim quod Jesum quaeris alleluia

Surrexit Christus et illuxit populo suo alleluia alleluia

Quem redemit sanguine suo

Resurrexit dominus R. Sicut dixit*

Et valde mane una sabbatorum veniunt ad monumentum orto jam sole alleluia

Alleluia sancta dei genetrix alleluia intercede pro nobis alleluia alleluia

In caelestibus regnis*

Surgens Jesus mane prima sabbati apparuit primo Mariae Magdalenae de qua ejecerat septem daemonia alleluia

In resurrectione tua Christe R. Caelum et terra*

Et respicientes viderunt revolutum lapidem erat quippe magnus valde alleluia

Surrexit dominus vere R. Et apparuit Simoni alleluia

Nolite expavescere Jesum Nazarenum quaeritis crucifixum non est hic surrexit alleluia

Surrexit dominus de sepulcro R. Qui pro nobis*

Alleluia alleluia alleluia alleluia alleluia alleluia alleluia alleluia alleluia

Mane nobiscum domine alleluia alleluia

Quoniam advesperascit et inclinata est jam dies

Gavisi sunt discipuli R. Viso domino

Surrexit enim sicut dixit dominus ecce praecedet vos in Galilaeam alleluia ibi eum videbitis alleluia alleluia alleluia

Surrexit dominus vere alleluia

Surrexit dominus vere alleluia et apparuit Simoni alleluia

Quem quaeris mulier*

Maria Magdalena et altera Maria ibant diluculo ad monumentum Jesum quem quaeritis non est hic surrexit sicut locutus est praecedet vos in Galilaeam ibi eum videbitis alleluia alleluia

Cito euntes dicite discipulis ejus et Petro quia surrexit dominus

Surgens Jesus dominus noster stans in medio discipulorum suorum dixit pax vobis alleluia gavisi sunt discipuli viso domino alleluia

Surrexit dominus de sepulcro qui pro nobis pependit in ligno

Congratulamini mihi omnes qui diligitis dominum quia quem quaerebam apparuit mihi et dum flerem ad monumentum vidi dominum meum alleluia

Tulerunt dominum meum et nescio ubi posuerunt eum si tu sustulisti eum dicito mihi

Cognoverunt dominum alleluia in fractione panis alleluia

Tulerunt dominum*

Angelus autem*

Jesus junxit se discipulis suis in via et ibat cum illis oculi eorum tenebantur ne eum agnoscerent et increpabat eos dicens o stulti et tardi corde ad credendum in his quae locuti sunt prophetae alleluia

Tu solus peregrinus es et non audisti de Jesu quomodo tradiderunt eum in damnationem mortis alleluia

Nonne sic oportuit pati Christum et intrare in gloriam suam alleluia

Et incipiens a Moyse et omnibus prophetis interpretabatur illis scripturas de omnibus quae de ipso erant alleluia

Et coegerunt illum dicentes mane nobiscum domine quia advesperascit alleluia

Qui sunt hi sermones quos confertis ad invicem ambulantes et estis tristes alleluia alleluia respondens unus cui nomen Cleophas dixit ei tu solus peregrinus es in Jerusalem et non cognovisti quae facta sunt in illa his diebus alleluia quibus ille dixit quae et dixerunt de Jesu Nazareno qui fuit vir propheta potens in opere et sermone coram deo et omni populo alleluia alleluia

Et intravit cum illis et factum est cum recumberet cum eis accepit panem benedixit fregit ac porrigebat illis alleluia

Tulerunt dominum*

Virtute magna reddebant apostoli testimonium resurrectionis Jesu Christi domini nostri alleluia alleluia

In omnem terram exivit sonus eorum

Tulerunt dominum meum et nescio ubi posuerunt eum ait illi angelus noli flere Maria surrexit sicut dixit praecedet vos in Galilaeam ibi eum videbitis alleluia alleluia