Vade jam et noli peccare ne deterius tibi aliquid contingat

Assumpsit Jesus discipulos suos et ascendit in montem et transfiguratus est ante eos

Domine bonum est nos hic esse si vis faciamus hic tria tabernacula tibi unum Moysi unum et Eliae unum

Faciamus hic tria tabernacula tibi unum Moysi unum et Eliae unum

Descendentibus illis de monte praecepit Jesus dicens nemini dixeritis visionem

Visionem quam vidistis nemini dixeritis donec a mortuis resurgat filius hominis

Nemini dixeritis visionem donec filius hominis a mortuis resurgat

Quoniam deus magnus dominus et rex magnus super omnes deos

Tolle arma tua pharetram et arcum et affer de venatione tua ut comedam et benedicat tibi anima mea

Cumque venatu aliquid attuleris fac mihi inde pulmentum ut comedam

Ecce odor filii mei sicut odor agri pleni quem benedixit dominus crescere te faciat deus meus sicut harenam maris et donet tibi de rore caeli benedictionem

Qui maledixerit tibi sit ille maledictus et qui benedixerit tibi benedictionibus repleatur

Det tibi deus de rore caeli et de pinguedine terrae abundantiam serviant tibi tribus populi esto dominus fratrum tuorum

Et incurventur ante te filii matris tuae

Dum iret Jacob de Bersabee et pergeret Aran locutus est ei deus dicens terram in qua dormis tibi dabo et semini tuo

Aedificavit autem ibi Jacob ex lapidibus altare in honorem domini fundens oleum desuper et benedixit eum deus dicens

Dum exiret Jacob de terra sua vidit gloriam dei et ait quam terribilis est locus iste non est hic aliud nisi domus dei et porta caeli

Vere dominus est in loco isto et ego nesciebam

Si dominus deus meus fuerit mecum in via ista qua ego ambulo et custodierit me et dederit mihi panem ad edendum et vestimentum quo operiar et revocaverit me cum salute erit mihi dominus in refugium et lapis iste in signum

Vere dominus est in loco isto et ego nesciebam

Erit mihi dominus in deum et lapis iste quem erexi in titulum vocabitur domus dei et de universis quae dederis mihi decimas et hostias pacificas offeram tibi

Si dominus deus meus fuerit mecum in via ista qua ego ambulo et custodierit me

Minor sum cunctis miserationibus tuis domine Abraham in baculo meo transivi Jordanem istum et nunc cum duabus turmis regredior libera me domine de manibus Esau quia valde contremit cor meum illum timens

Tu locutus es quod mihi bene faceres et dilatares semen meum sicut harenam maris

Missus sum ad oves quae perierant domus Israel dicit dominus

Oravit Jacob et dixit domine qui dixisti mihi revertere in terram nativitatis tuae erue me de manu fratris mei quia valde eum timeo

Deus in cujus conspectu ambulaverunt patres mei domine qui pascis me a juventute mea

Dixit angelus ad Jacob dimitte me aurora est respondit ei non dimittam te nisi benedixeris mihi et benedixit eum in eodem loco

Benedicens benedicam tibi et multiplicabo te

Vidi dominum facie ad faciem et salva facta est anima mea

Et dixit nequaquam vocaberis Jacob sed Israel erit nomen tuum

Pater peccavi in caelum et coram te jam non sum dignus vocari filius tuus fac me sicut unum ex mercennariis tuis

Quanti mercennarii in domo patris mei abundant panibus ego autem hic fame pereo surgam et ibo ad patrem meum et dicam ei

Domine labia mea aperies et os meum annuntiabit laudem tuam

Dextera domini fecit virtutem dextera domini exaltavit me

Factus est adjutor meus deus meus

Trium puerorum cantemus hymnum quem cantabant in camino ignis benedicentes dominum

Statuit ea in aeternum et in saeculum saeculi praeceptum posuit et non praeteribit

Ab omni via mala prohibui pedes meos ut custodiam mandata tua domine

A judiciis tuis non declinavi quia tu legem posuisti mihi

Egressus Jesus secessit in partes Tyri et Sidonis et ecce mulier Chananaea a finibus illis egressa clamabat dicens miserere mei domine fili David

Domine dimitte eam quia clamat post nos ait illis Jesus non sum missus nisi ad oves quae perierunt domus Israel

Missus sum ad oves*

O mulier*

Vade mulier*

Servus tuus ego sum da mihi intellectum domine

Ut discam mandata tua

Dixit dominus mulieri Chananaeae non est bonum sumere panem filiorum et mittere canibus ad manducandum utique domine nam et catelli edunt de micis quae cadunt de mensa dominorum suorum ait illi Jesus mulier magna est fides tua fiat tibi sicut petisti

Ego principium qui et loquor vobis

Qui me misit mecum est et non reliquit me solum quia quae placita sunt ei facio semper

Unus est enim magister vester qui in caelis est Christus dominus

Qui major est vestrum erit minister vester quia omnis qui se exaltat humiliabitur dicit dominus

Ecce ascendimus Jerusalem et filius hominis tradetur ad crucifigatur

Tradetur enim gentibus ad illudendum et flagellandum et crucifigendum

Sedere autem mecum non est meum dare vobis sed quibus paratum est a patre meo

Pater Abraham miserere mei et mitte Lazarum ut intinguat extremum digiti sui in aquam ut refrigeret linguam meam

Dives ille guttam*

Fili recordare*

Malos male perdet et vineam suam locavit aliis agricolis

Malos male perdet et vineam suam locavit aliis agricolis qui reddant ei fructum temporibus suis

Quaerentes eum tenere timuerunt turbas quia sicut prophetam eum habebant

Vadam ad patrem meum et dicam ei pater fac me sicut unum ex mercennariis tuis

Dixit autem pater ad servos suos cito proferte stolam primam et induite illum et date annulum in manu ejus et calceamenta in pedes ejus

Fili tu semper mecum fuisti et omnia mea tua sunt

Dixit Judas*

Fili tu semper mecum es et omnia mea tua sunt epulari autem et gaudere oportebat quia frater tuus mortuus fuerat et revixit perierat et inventus est

Deus magnus dominus et rex magnus super omnes deos

Videntes Joseph a longe loquebantur mutuo fratres dicentes ecce somniator venit venite occidamus eum et videamus si prosint illi somnia sua

Cumque vidissent Joseph fratres sui quod a patre cunctis fratribus plus amaretur oderant eum nec poterant ei quicquam pacifice loqui unde et dicebant

Dixit Judas fratribus suis ecce Ismaelitae transeunt venite venumdetur et manus nostrae non polluantur caro enim et frater noster est

Cumque abisset Ruben ad puteum et non invenisset eum scissisque vestibus pergens ad fratres ait puer non comparet et ego quo ibo

Videns Jacob vestimenta Joseph scidit vestimenta sua cum fletu et dixit fera pessima devoravit filium meum Joseph

Vide si tunica filii tui sit an non et cum vidisset pater ait

Joseph dum intraret in terram Aegypti linguam quam non novit audivit manus ejus in laboribus servierunt et lingua ejus inter principes loquebatur sapientiam

Divertit ab oneribus dorsum ejus

Memento mei dum bene tibi fuerit ut suggeras pharaoni ut educat me de isto carcere quia furtim sublatus sum et hic innocens in lacum missus sum

Tres enim adhuc dies sunt post quos recordabitur pharao ministerii tui et revocat te in gradum pristinum tunc memento mei

Tollite hinc vobiscum munera et ite ad dominum terrae et cum inveneritis adorate eum super terram deus autem meus faciat vobis eum placabilem et remittat et hunc fratrem vestrum vobiscum et eum quem tenet in vinculis

Tollite de fructibus terrae in vasis vestris et offerte viro munera

Iste est frater vester minimus de quo dixeratis mihi deus misereatur tibi fili mi festinavitque in domum et ploravit quia erumpebant lacrymae et non poterat se continere

Attollens autem oculos Joseph vidit Benjamin stantem commota sunt omnia viscera ejus super fratre suo

Dixit Ruben fratribus suis numquid non dixi vobis nolite peccare in puerum et non audistis me en sanguis ejus exquiritur

Merito haec patimur quia peccavimus in fratrem nostrum videntes angustiam animae ejus dum deprecaretur nos et non audivimus

Qui non colligit mecum dispergit et qui non est mecum contra me est

Merito haec patimur quia peccavimus in fratrem nostrum videntes angustiam animae ejus dum deprecaretur nos et non audivimus idcirco venit super nos tribulatio

Dixit Ruben fratribus suis numquid non dixi vobis nolite peccare in puerum et non audistis me

Dixit Joseph undecim fratribus ego sum Joseph quem vendidistis in Aegypto adhuc vivit pater noster senior de quo dixeratis mihi ite adducite eum ad me ut possit vivere

Biennum est quod fames coepit esse in terra adhuc restant alii quinque

Nuntiaverunt Jacob dicentes Joseph filius tuus vivit et ipse dominatur in tota terra Aegypti quo audito revixit spiritus ejus et dixit sufficit mihi vadam et videbo eum antequam moriar

Cumque audisset Jacob quod filius ejus viveret quasi de gravi somno evigilans ait

Salus nostra in manu tua est domine respiciat super nos misericordia tua ut securi serviamus tibi

Vivat anima tua domine ut non videamus mortem neque parvulos nostros deficientes

Fac benigne in bona voluntate tua ut aedificentur domine muri Jerusalem

Dominus mihi adjutor est non timebo quid faciat mihi homo

Deus misereatur nostri et benedicat nobis

Vim virtutis suae oblitus est ignis ut pueri tui liberarentur illaesi

Sol et luna laudate deum quia exaltatum est nomen ejus solius

Declara super nos deus tuam misericordiam

Declaratio sermonum tuorum dat intellectum domine

Si in digito dei ejicio daemonia profecto venit in vos regnum dei