Tradiderunt corpora sua propter deum ad supplicia et meruerunt habere coronas perpetuas

Ecce merces sanctorum copiosa est apud deum ipsi enim mortui sunt pro Christo et vivent in aeternum

Dabo sanctis meis locum nominatum in regno patris mei dicit dominus

Sancti mei*

In caelestibus regnis sanctorum habitatio est et in aeternum requies eorum

Virgam virtutis tuae emittet dominus in splendoribus sanctorum

Generatio rectorum benedicetur quia exortum est lumen rectis

Venientes venient cum exsultatione portantes manipulos suos

Justi confitebuntur nomini tuo et habitabunt recti cum vultu tuo

Fulgebunt justi et tamquam scintillae in arundineto discurrent judicabunt nationes et regnabunt in aeternum alleluia

Justorum autem animae in manu dei sunt et non tanget illos tormentum malitiae

Si coram hominibus tormenta passi sunt spes electorum est immortalis in aeternum

Sanctorum velut aquilae juventus renovabitur florent ut lilium in conspectu domini

Tamquam aurum in fornace probavit electos dominus et quasi holocausta accepit eos in aeternum

Exsultabunt sancti in gloria laetabuntur in cubilibus suis

Sancti per fidem vicerunt regna operati sunt justitiam adepti sunt promissiones

Justi autem in perpetuum vivent et apud dominum est merces eorum

Isti sunt sancti qui pro dei amore minas hominum contempserunt sancti martyres in regno aeterno exsultant cum angelis o quam pretiosa est mors sanctorum qui assidue assistunt ante dominum et ab invicem non sunt separati alleluia

In circuitu tuo domine lumen est quod numquam deficiet ibi constituisti lucidissimas mansiones ubi requiescunt animae sanctorum

Isti sunt sancti qui pro lege dei sui morti se traderunt non dubitaverunt ab iniquis interfecti sunt et in aeternum vivunt cum Christo agnum secuti sunt et acceperunt palmam

Cum essent in tormentis martyres Christi caelestia contemplantes dixerunt adjuva nos domine ut perficiamus opus tuum sine macula

Martyres Christi inter acerrimos dolores spe gaudentes in tribulatione orabant dominum et dicebant judica domine judicium nostrum et libera nos ab homine iniquo et doloso

Sancti estis dicit dominus multiplicabo numerum vestrum ut oretis pro populo meo in loco isto

Spiritus et animae justorum hymnum dicite deo nostro alleluia alleluia

Justi autem in perpetuum*

Haec est vera fraternitas quae numquam potuit violari certamine qui effuso sanguine secuti sunt dominum contemnentes aulam regiam pervenerunt ad regna caelestia

Verbera carnificum non timuerunt sancti dei morientes pro Christi nomine ut heredes fierent in domo domini

Cum vidisset Jesus turbas ascendit in montem et cum sedisset aperiens os suum docebat eos dicens beati pauperes spiritu quoniam ipsorum est regnum caelorum

Beatus vir qui suffert tentationem quoniam cum probatus fuerit accipiet coronam vitae quam repromisit deus his diligunt illum

Qui vult venire post me abneget semetipsum et tollat crucem suam et sequatur me dicit dominus

Regem martyrum adoremus dominum

In lege domini fuit voluntas ejus die ac nocte

Praedicans praeceptum domini constitutus est in monte sancto ejus

Voce mea ad dominum clamavi et exaudivit me de monte sancto suo

Filii hominum scitote quia dominus sanctum suum mirificavit

Scuto bonae*

In universa terra*

Gloria et honore*

Iste sanctus pro lege dei sui certavit usque ad mortem et a verbis impiorum non timuit fundatus enim erat supra firmam petram

Iste est qui contempsit vitam mundi et pervenit ad caelestia regna

Justus germinavit sicut lilium et florebit in aeternum ante dominum

Plantatus in domo domini in atriis domus dei nostri

Desiderium animae ejus tribuisti ei domine et voluntatem labiorum ejus non fraudasti eum

Quoniam praevenisti eum in benedictionibus dulcedinis posuisti eum in capite ejus coronam de lapide pretioso

Vir Israelita gaude coheres Christi intercede pro nobis

Ut precibus tuis a deo veniam speremus supplices ad te confugimus

Justus dominus et justitias dilexit aequitatem vidit vultus ejus

Habitabit in tabernaculo tuo requiescet in monte sancto tuo

Posuisti domine super caput ejus coronam de lapide pretioso

Iste pauper clamavit et dominus exaudivit eum

Beatus quem elegisti domine habitabit in atriis tuis

Justus ut palma florebit sicut cedrus Libani multiplicabitur

Posuisti domine*

Iste cognovit justitiam et vidit mirabilia magna et exoravit altissimum et inventus est in numero sanctorum

Iste est qui contempsit*

Stolam jucunditatis induit eum dominus et coronam pulchritudinis posuit super caput ejus

Induit eum dominus lorica fidei et amavit eum

Coronam auream super caput ejus expressa signo sanctitatis gloria honoris et opus fortitudinis

Quoniam praevenisti eum coronam*

Servus meus es tu quia in te complacuit animae meae ingredere jam in locum exsultationis et laetitiae sodalium tuorum

Pro eo quod rogasti me exaudivi te

Justus germinabit sicut lilium et florebit in aeternum ante dominum

Magna est gloria ejus*

Hic est vir qui non est derelictus a deo in die certaminis sui et ipse conculcavit caput serpentis antiqui modo coronabitur quia fideliter vicit in mandatis domini

Armis divinis praecinctus saevitiam persequentium feliciter superavit

Hic est vere martyr qui pro Christi nomine sanguinem suum fudit qui minas judicum non timuit nec terrenae dignitatis gloriam quaesivit sed ad caelestia regna pervenit

Justum deduxit dominus per vias rectas et ostendit illi regnum dei

Posuit coronam capiti meo et circumdedit me vestimento salutis ad expugnandas gentes et omnes inimicos

Judica domine nocentes me expugna impugnantes me apprehende arma et scutum

Gloria et honore coronasti eum domine et constituisti eum super opera manuum tuarum omnia subjecisti sub pedibus ejus

Quoniam praevenisti eum pretioso*

Qui me confessus fuerit coram hominibus confitebor et ego eum coram patre meo

Qui sequitur me non ambulabit in tenebris sed habebit lumen vitae dicit dominus

Qui mihi ministrat me sequatur et ubi ego sum illic sit et minister meus

Si quis mihi ministraverit honorificabit eum pater meus qui est in caelis dicit dominus

Volo pater ut ubi ego sum illic sit et minister meus

Laetabitur justus in domino et sperabit in eo

Et laudabuntur omnes recti corde

Si quis per me intraverit salvabitur et pascua inveniet dicit dominus

Hic vir despiciens mundum nec terrena triumphans divitias caelo condidit ore manu

Qui sequitur me*

Iste est qui contempsit vitam mundi et pervenit ad caelestia regna

Justus germinabit*

Jucundus homo*

Quid retribuam*

Domine libera animam*

Sustinuit anima*

Hic est vere martyr qui pro Christi nomine sanguinem suum fudit qui minas judicium non timuit nec terrenae dignitatis gloriam quaesivit sed ad caelestia regna feliciter pervenit

Justum deduxit dominus per vias rectas et ostendit illi regnum dei

Amavit eum dominus et ornavit eum stolam gloriae induit eum

Coronavit eum dominus corona justitiae et dedit illi nomen sanctum gloriae

Magnificavit eum in conspectu regum et dedit illi coronam gloriae

Justus autem in perpetuum vivet et apud dominum est merces eorum

Justus cor suum tradet ad vigilandum diluculo ad dominum qui fecit illum et in conspectu altissimi deprecabitur

Iste sanctus pro lege dei sui certavit usque ad mortem et a verbis impiorum non timuit

Justum deduxit dominus per vias rectas et ostendit illi regnum dei et dedit illi scientiam sanctorum honestavit illum in laboribus et complevit labores illius

Stolam jucunditatis induit eum dominus et coronam pulchritudinis posuit super caput ejus

O quam venerandus es egregie martyr Christi qui terrena contempsisti et caeli januas exsultans petisti modo victor fulges in virtute caelesti ideoque supplices exoramus ut intercedas pro nobis ad dominum Jesum Christum

Sacerdos et pontifex et virtutum artifex bonus pastor in populo sic placuisti domino

Regem confessorum dominum venite adoremus