Jubilet deo omnis terra et caelestis hierarchia serviat ei alleluia

Fecit dominus potentiam in bracchio suo dispersit superbos mente cordis sui alleluia

Deposuit potentes de sede et exaltavit humiles alleluia

Esurientes implevit bonis et divites dimisit inanes alleluia

En miranda*

Elegit eam deus*

Benedictus dominus deus Israel quia visitavit et fecit redemptionem plebis suae sicut locutus est per os sanctorum alleluia

Adsunt festa jubilaea*

Suscepit Israel puerum suum recordatus misericordiae suae sicut locutus est ad patres nostros Abraham et semini ejus in saecula alleluia

Juravit dominus David veritatem de fructu ventris tui ponam super sedem tuam

Gloria patri et filio et spiritui sancto

Visitatio tua dei genetrix virgo*

Magnificat dominum totum genus fidelum concrepat harmonica laudae cohors angelica in Mariae gaudia alleluia

Ad cenam agni providi et stolis albis candidi post transitum maris Rubri Christo canamus principi

Ad cenam agni providi et stolis albis candidi post transitum maris Rubri Christo canamus principi

Cujus corpus sanctissimum in ara crucis torridum cruore ejus roseo gustando vivimus deo

Protecti paschae vespere a devastante angelo erepti de durissimo Pharaonis imperio

Jam pascha nostrum Christus qui immolatus agnus est sinceritatis azyma caro ejus oblata est

O vere digna hostia per quam fracta sunt tartara redempta plebs captivata redduntur vitae praemia

Consurgit Christus tumulo victor redit de barathro tyrannum tradens vinculo et reserans paradisum

Quaesumus auctor omnium in hoc paschali gaudio ab omni mortis impetu tuum defende populum

Gloria tibi domine qui surrexisti a mortuis cum patre et sancto spiritu in sempiterna saecula amen

Joannes schola virtutum magisterium vitae sanctitatis forma norma justitiae virginitatis speculum pudicitiae titulus castitatis exemplum paenitentium via peccatorum venia fidei disciplina Joannes major homine par angelis legis summa evangelii satio apostolorum vox silentium prophetarum lucerna mundi praecursor judicis Christi metator domini testis totius medius trinitatis hic tantus datur incestui traditur adulterae addicitur saltatrici

Ut queant laxis resonare fibris mira gestorum famuli tuorum solve polluti labii reatum sancte Joannes

Nuntius celso veniens Olympo te patri magnum fore nasciturum nomen et vitae seriem gerendae ordine promit

Ille promissi dubius superni perdidit promptae modulos loquelae sed reformasti genitus peremptae organa vocis

Ventris obstruso positus cubili senseras regem thalamo manentem hinc parens nati meritis uterque abdita pandit

Antra deserti teneris sub annis civium turmas fugiens petisti ne levi saltem maculare vitam famine possis

Praebuit hirtum tegimen camelus artubus sacris strophium bidentes cui latex haustum sociata pastum mella locustis

Ceteri tantum cecinere vatum corde praesago jubar affuturum tu quidem mundi scelus auferentem indice prodis

Non fuit vasti spatium per orbis sanctior quisquam genitus Joanne qui nefas saecli meruit lavantem tingere lymphis

O nimis felix meritique celsi nesciens labem nivei pudoris praepotens martyr eremique cultor maxime vatum

Serta ter denis alios coronant aucta crementis duplicata quosdam trina centeno cumulata fructu te sacer ornant

Nunc potens nostri meritis opimis pectoris duros lapides repelle asperum planans iter et reflexos dirige calles

Ut pius mundi sator et redemptor mentibus pulsa livione puris rite dignetur veniens sacratos ponere gressus

Laudibus cives celebrant superni te deus simplex pariterque trine supplices et nos veniam precamur parce redemptis amen

Aurea luce et decore roseo lux lucis omne perfudisti saeculum decorans caelos inclyto martyrio hac sacra die quae dat reis veniam

Janitor caeli doctor orbis pariter judices saecli vera mundi lumina per crucem alter alter ense triumphans vitae senatum laureati possident

O felix Roma quae tantorum principum es purpurata sanguine non laude tua sed ipsorum meritis excellis omnem mundi pulchritudinem

Jam bone pastor Petre clemens accipe vota precantum et peccati vincula resolve tibi potestate tradita qua cunctis caelum verbo claudis aperis

Doctor egregie Paule mores instrue et mente polum nos transferre satage donec perfectum largiatur plenius evacuato quod ex parte gerimus

Sit trinitati sempiterna gloria honor potestas atque jubilatio in unitate cui manet imperium ex tunc et modo per aeterna saecula amen

Aeterna Christi munera*

Doctor egregie*

Adsunt festa jubilaea in Mariae nunc gaudia tota psallat ecclesia devota laudum dramata

Cujus sacrata viscera dei invisit gratia ut esset virgo gravida tori virilis nescia

Haec paranympho dum credit sacrum hanc pneuma replevit alvus tumescit et gerit verbum patris quod meruit

Confestim montes adiit Elisabeth salutavit obviis eam suscipit ulnis stringit et circuit

Sacri junguntur uteri milesque sui domini praesentiam dum percipit hunc exsultando suscipit

Clamat anus cum jubilo plena sancto paraclito beata tu in filio quae credidisti domino

Exsultet caeli regia et mundialis machina abyssus atque maria laudent deum per saecula

Patri summo cum filio sancto quoque spiritu sit sempiterna gloria in unitate solida amen

O Christi mater fulgida scatens fons omni gratia lux pellens quaeque nubila Maria venustissima

Gestas quae castimonia intacta patrem filia virgo monarcham inclyta genetrix pudicissima

Tua prece hanc miseram pusillamque plebeculam subleva per auxilium quae jacet nexu criminum

O advocata strenua hostem nostrum extermina depelle quaeque noxia impetra caeli gaudia

Sit gloria deo patri Jesu Chistoque filio spiritui paraclito trino et uni domino amen

Ab intus in fimbriis aureis circumamicta varietate

Speciosa facta es et suavis in deliciis tuis alleluia altitudo tua similis est palmae indeficenti in plenitudine caritatis alleluia alleluia alleluia

Ego diligentes me diligo et qui mane vigilaverint ad me invenient me

Veniens a Libano quam pulchra facta est alleluia et odor vestimentorum tuorum super omnia aromata alleluia alleluia

Speciosa facta es et suavis in deliciis tuis

Gloria*

Alleluia ego sum vitis

Jesu corona*

Elegit eam*

Filiae Jerusalem*

Alleluia ego sum vitis*

Tristitia*

Nolite timere*

Si manseritis*

Omnis sapientia a domino deo est et cum illo fuit semper et est ante aevum

Sapientia aedificavit sibi domum excidit columnas septem subdidit sibi gentes superborum et sublimium colla propria virtute calcavit

Dominus possedit me initio viarum suarum antequam quicquam faceret a principio necdum erant abyssi et ego parturiebar quando praeparabat caelos aderam cum eo componens omnia

Ego in altissimis habito et thronus meus in columna nubis

Venite*

Nocte surgentes

Servite*

In principio deus antequam terram faceret priusquam abyssos constitueret priusquam produceret fontes aquarum antequam montes collocarentur ante omnes colles generavit me dominus

Ego ex ore altissimi prodivi primogenita ante omnem creaturam

Emitte domine sapientiam de sede magnitudinis tuae ut mecum sit et mecum laboret ut sciam quid acceptum sit coram te omni tempore

Da mihi domine sedium tuarum assistricem sapientiam

In Mariam vitae viam veram matrem viventium pie venit qui redemit peccata delinquentium

Gressum coepit cum concepit Maria multum properans visitavit confortavit Elisabeth congratulans

Salutatur inflammatur Elisabeth et filius inaudita fiunt ita de dono sancti spiritus

Impraegnata gravidata fit mater olim sterilis infans datus nondum natus exsultat Christo jubilis

Servit major gaudet minor Maria fert solatium visitatis praeparatis ad spiritum propheticum

Praecursorem et doctorem Maria manu indicat qui rectorem purgatorem digito mundi nuntiat

Leva gregem duc ad regem Maria cunctos visitans ut salvetur et laetetur cum tu sis mater medians amen

En miranda prodigia concepit nam virguncula fit Jesu Christi gerula Maria sacratissima

Anus aetate marcida prolis gestat solatia tument ad partum gelida grandaevae matris viscera

Hic perit omnis regula naturaeque molimina hic cessat omnis ratio cedens dei miraculo

Salutat mater domini matrem vatis mirifici et vates cum praeconio reddit salutes domino

Laudemus et nos dominum patrem et patris filium sanctum quoque paraclitum nunc et per omne saeculum amen

Magno salutis gaudio laetetur omne saeculum Jesus redemptor omnium sanavit orbem languidum

Sex ante paschae ferias advenit in Bethaniam ubi pie post triduum resuscitavit Lazarum

Nardi Maria pistici sumpsit libram mox optimi unxit beatos domini pedes rigando lacrimis

Honor decus imperium sit trinitati unicae patri nato paraclito per infinita saecula amen

Hujus obtentu*

Jam bone pastor*