Hunc post mundi pericula caeli suscepit curia quem cum suis fidelibus jam salutavit dominus

Conemur totis nisibus jungamus preces precibus ut Augustini meritis caeli fruamur gaudiis

Deo patri sit gloria*

Ave maris stella dei mater alma atque semper virgo felix caeli porta

Sumens illud ave Gabrielis ore funda nos in pace mutans nomen Evae

Solve vincla reis profer lumen caecis mala nostra pelle bona cuncta posce

Monstra te esse matrem sumat per te precem qui pro nobis natus tulit esse tuus

Virgo singularis inter omnes mitis nos culpis solutos mites fac et castos

Vitam praesta puram iter para tutum ut videntes Jesum semper collaetemur

Sit laus deo patri summo Christo decus spiritui sancto honor trinus unus amen

Memento salutis*

Quem terra pontus aethera colunt adorant praedicant trinam regentem machinam claustrum Mariae bajulat

Cui luna sol et omnia deserviunt per tempora perfusa caeli gratia gestant puellae viscera

Beata mater munere cujus supernus artifex mundum pugillo continens ventris sub arca clausus est

Beata caeli nuntio fecunda sancto spiritu desideratus gentibus cujus per alvum fusus est

Gloria tibi domine qui natus es de virgine*

O gloriosa virginum sublimis inter sidera qui te creavit provide lactasti sacro ubere

Quod Eva tristis abstulit tu reddis almo germine intrent ut astra flebiles caeli fenestra facta es

Tu regis alti janua et porta lucis fulgida vitam datam per virginem gentes redemptae plaudite

Gloria tibi domine*

Signum crucis mirabile olim per orbem praenitet in qua pependit innocens Christus redemptor omnium

Haec arbor est sublimior cedris habet quas Libanus quae poma nescit noxia sed ferre vitae praemia

Tu Christe rex piissime hujus crucis signaculo horis momentis omnibus munire nos non abnuas

Ut ore tibi consono et corde devotissimo possimus omni tempore laudes referre debitas

Deo patri sit gloria*

O crux ave spes unica o redemptorum gloria auge piis justitiam reisque dona veniam

Te summa deus trinitas collaudet omnis spiritus quos per crucis mysterium salvas rege per saecula amen

Christe sanctorum decus angelorum rector humani generis et auctor nobis aeternum tribue benignus scandere regnum

Laetamini in domino et exsultate justi

Benedicamus patrem et filium cum sancto spiritu laudemus et superexaltemus eum in saecula

Benedictus es domine in firmamento caeli et laudabilis et gloriosus

Christi virgo dilectissima virtutum operatrix opem fer miseris subveni domina clamantibus ad te jugiter

Quoniam peccatorum mole premimur et non est qui adjuvet

Te sanctum dominum in excelsis laudant omnes angeli dicentes te decet laus et honor domine

Cherubim quoque et seraphim sanctus proclamant et omnis caelicus ordo dicens

Gloria patri et filio et spiritui sancto

Perpetuis nos domine sancti Joannis Baptistae tuere praesidiis et quanto fragiliores sumus tanto magis necessariis attolle suffragiis

Isti sunt viri sancti quos elegit dominus in caritate non ficta et dedit illis gloriam sempiternam quorum doctrina fulget ecclesia ut sole luna alleluia

Isti sunt sancti qui pro dei amore minas hominum contempserunt sancti martyres in regno aeterno exsultant cum angelis o quam pretiosa est mors sanctorum qui assidue assistunt ante dominum et ab invicem non sunt separati

Exsultent justi*

Inter natos mulierum non surrexit major Joanne Baptista qui viam domino praeparavit in eremo

Fuit homo missus a deo cui nomen Joannes erat

Qui sunt isti qui ut nubes volant et quasi columbae ad fenestras suas

Dorsa eorum plena sunt oculis et scintillae ac lampades in medio discurrentes

Isti sunt sancti qui pro testamento dei sua corpora tradiderunt et in sanguine agni laverunt stolas suas

Tradiderunt corpora sua ad supplicia ideo coronantur et accipiunt palmam

Gloria patri et filio et spiritui sancto

Fulgebunt justi et tamquam scintillae in arundineto discurrent judicabunt nationes et regnabunt in aeternum

Simile est regnum caelorum sagenae missae in mare et ex omni genere piscium congreganti quam cum impleta esset educentes et secus litus sedentes elegerunt bonos in vasa sua malos autem foras miserunt

O quam gloriosum est regnum in quo cum Christo gaudent omnes sancti amicti stolis albis sequuntur agnum quocumque ierit

Justi autem in perpetuum*

Sint lumbi vestri praecincti et lucernae ardentes in manibus vestris et vos similes hominibus exspectantibus dominum suum quando revertatur a nuptiis

Vigilate ergo quia nescitis qua hora dominus vester venturus sit

Audivi vocem de caelo venientem venite virgines sapientissimae oleum recondite in vasis vestris dum sponsus advenerit

Media nocte clamor factus est ecce sponsus venit

Concede nobis domine quaesumus veniam delitorum et intercedentibus sanctis quorum hodie sollemnia celebramus talem nobis tribue devotionem ut ad eorum pervenire mereamur societatem

Adjuvent nos eorum merita quos propria impediunt scelera excuset intercessio accusat quos actio et qui eis tribuisti caelestis palmam triumphi nobis veniam non deneges peccati

Gloria patri et filio et spiritui sancto

Justorum animae in manu dei*

Sancti tui domine florebunt sicut lilium alleluia et sicut odor balsami erunt ante te alleluia

Vox laetitiae in tabernaculis justorum alleluia alleluia alleluia

Absterget deus omnem lacrimam ab oculis sanctorum et jam non erit amplius neque luctus neque clamor sed nec ullus dolor quoniam priora transierunt alleluia alleluia

Sanctorum nomina scripta sunt in caelis gaudent cum Christo alleluia

Lux perpetua lucebit sanctis tuis domine alleluia et aeternitas temporum alleluia alleluia alleluia

Jesu salvator*

Justorum animae*

Laudem dicite deo nostro omnes sancti ejus et qui timetis deum pusilli et magni quoniam regnavit dominus deus noster omnipotens gaudeamus et exsultemus et demus gloriam ei

Sancti tui*

Concede nobis*

Jesu salvator*

Justorum animae in*

Te gloriosus apostolorum chorus te prophetarum laudabilis numerus te martyrum candidatus laudat exercitus te omnes sancti et electi voce confitentur unanimes beata trinitas unus deus

Da mihi domine sedium tuarum assistricem sapientiam et noli me reprobare a pueris tuis quoniam servus tuus sum ego et filius ancillae tuae

Domine pater et deus vitae meae ne derelinquas me in cogitatu maligno

Gloria*

Domine pater et deus vitae meae ne derelinquas me in cogitatu maligno extollentiam oculorum meorum ne dederis mihi et desiderium malignum averte a me domine aufer a me concupiscentiam et animo irreverenti et infrunito ne tradas me domine

Ne derelinquas me domine ne accrescant ignorantiae meae et multiplicentur delicta mea

Gyrum caeli circuivi sola et in fluctibus maris ambulavi in omni gente et in omni populo primatum tenui superborum et sublimium colla propria virtute calcavi

Ego in altissimis inhabitavi et thronus meus in columna nubis

Angelum pacis Michael ad istam caelitus mitte rogitamus aulam nobis ut crebro veniente crescant prospera cuncta

Angelus fortis Gabriel ut hostem pellat antiquum volitet ab alto saepius templum veniat ad istud viscere nostrum

Angelum nobis medicum salutis mitte de caelis Raphael ut omnes sanet aegrotos pariterque nostros dirigat actus

Hinc dei nostri genetrix Maria totus et nobis chorus angelorum semper assistat simul et beata contio tota

Praestet hoc nobis deitas beata patris ac nati pariterque sancti spiritus cujus reboat in omni gloria mundo amen

Tibi Christe splendor patris vita virtus cordium in conspectu angelorum votis voce psallimus alternantes concrepando melos damus vocibus

Collaudamus venerantes omnes caeli milites sed praecipue primatem caelestis exercitus Michaelem in virtute conterentem zabulum

Quo custode procul pelle rex Christe piissime omne nefas inimici mundos corde et corpore paradiso redde tuo nos sola clementia

Gloriam patri melodis personemus vocibus gloriam Christo canamus gloriam paraclito qui deus trinus et unus exstat ante saecula amen

Jesu salvator saeculi redemptis ope subveni et pia dei genetrix salutem posce miseris

Coetus omnes angelici patriarcharum cunei et prophetarum merita nobis praecentur veniam

Chorus sacratus martyrum confessio sacerdotum et virginalis castitas nos a peccatis abluant

Baptista Christi praevius et claviger aethereus cum ceteris apostolis nos solvant nexu criminis

Electorum suffragia omnesque cives caelici adnuant votis supplicum et vitae poscant praemium

Laus honor virtus gloria deo patri et filio una cum sancto spiritu in sempiterna saecula amen

Christe redemptor omnium conserva tuos famulos beatae semper virginis placatus sanctis precibus

Beata quoque agmina caelestium spirituum praeterita praesentia futura mala pellite

Vates aeterni judicis apostolique domini suppliciter exposcimus salvari vestris precibus

Martyres dei inclyti confessoresque lucidi vestris orationibus nos ferte in caelestibus

Chorus sanctarum virginum electorumque omnium simul cum sanctis omnibus consortes Christi facite

Gentem auferte perfidam credentium de finibus ut Christi laudes debitas persolvamus alacriter