Gloria tibi domine qui surrexisti a mortuis*

Chorus novae Jerusalem novam melos dulcedinem promat colens cum sobriis paschale festum gaudiis

Quo Christus invictus leo dracone surgens obruto dum voce viva personat a morte functos excitat

Quam devorarat improbus praedam refundit tartarus captivitate libera Jesum sequuntur agmina

Triumphat ille splendide et dignus amplitudine soli polique patriam unam facit rem publicam

Ipsum canendo supplices regem precemur milites ut in suo clarissimo nos ordindet palatio

Per saecla metae nescia patri supremo gloria honorque sit cum filio et spiritu paraclito amen

Aurora lucis rutilat caelum laudibus intonat mundus exsultans jubilat gemens infernus ululat

Cum rex ille fortissimus mortis confractis viribus pede conculans tartara solvit a poena miseros

Ille qui clausus lapide custoditur sub milite triumphans pompa nobili victor surgit de funere

Solutis jam gemitibus et inferni doloribus quia surrexit dominus resplendens clamat angelus

Gloria tibi domine qui surrexisti a mortuis*

Aeterne rex altissime redemptor et fidelium quo mors soluta deperit datur triumphus gratiae

Scandens tribunal dexterae patris potestas omnium collata est Jesu caelitus quae non erat humanitus

Ut trina rerum machina caelestium terrestrium et inferorum condita flectat genu jam subdita

Tremunt videntes angeli versa vice mortalium culpat caro purgat caro regnat deus dei caro

Tu esto nostrum gaudium manens Olympo praeditum mundi regis qui fabricam mundana vincens gaudia

Hinc te precantes quaesumus ignosce culpis omnibus et corda sursum subleva ad te superna gratia

Ut cum repente coeperis clarere nube judicis poenas repellas debitas reddens coronas perditas

Gloria tibi domine qui ascendisti ad superos cum patre et sancto spiritu in sempiterna saecula amen

Veni creator spiritus mentes tuorum visita imple superna gratia quae tu creasti pectora

Qui paraclitus diceris donum dei altissimi fons vivus ignis caritas et spiritalis unctio

Tu septiformis munere dextrae dei tu digitus tu rite promisso patris sermone ditans guttura

Accende lumen sensibus infunde amorem cordibus infirma nostri corporis virtute firmans perpeti

Hostem repellas longius pacemque dones protinus ductore sic te praevio vitemus omne noxium

Per te sciamus da patrem noscamus atque filium te utriusque spiritum credamus omni tempore

Sit laus patri cum filio sancto simul paraclito nobisque mittat filius charisma sancti spiritus amen

Beata nobis gaudia anni reduxit orbita cum spiritus paraclitus effulsit in discipulos

Ignis vibrante lumine linguae figuram detulit verbis ut essent proflui et caritate fervidi

Linguis loquuntur omnium turbae pavent gentilium musto madere deputant quos spiritus repleverat

Jam Christus astra ascenderat regressus unde venerat promissum patris munere sanctum daturus spiritum

Sollemnis urgebat dies quo mystico septemplici orbis volutus septies signat beata tempora

Dum hora cunctis tertia repente mundus intonat orantibus apostolis deum venisse nuntiat

De patris ergo lumine decorus ignis almus est qui fida Christi pectora calore verbi compleat

Impleta gaudent viscera afflata sancto spiritu voces diversas intonant fantur dei magnalia

Ex omni gente cogniti Graecis Latinis barbaris cunctisque admirantibus linguis loquuntur omnibus

Judaea tunc incredula vesano tumens spiritu ructare musti crapulam alumnos Christi concrepat

Sed signis et virtutibus occurrit et docet Petrus falsos probavit perfidos Joelis testimonio

Sit laus patri cum filio*

Patrata sunt haec mystice paschae peracto tempore sacro dierum numero quo lege fit remissio

Te nunc deus piissime vultu precamur cernuo illapsa nobis caelitus largire dona spiritus

Dudum sacrata pectora tua replesti gratia dimitte nunc peccamina et da quieta tempora

Sit laus patri cum filio*

O lux beata trinitas et principalis unitas jam sol recedit igneus infunde lumen cordibus

Te mane laudum carmine te deprecemur vesperi te nostra supplex gloria per cuncta laudet saecula

Deo patri sit gloria*

Nocte surgentes*

Ecce jam noctis tenuatur*

Pange lingua gloriosi corporis mysterium sanguinisque pretiosi quem in mundi pretium fructus ventris generosi rex effudit gentium

Nobis datus nobis natus ex intacta virgine et in mundo conversatus sparso verbi semine sui moras incolatus miro clausit ordine

In supremae nocte cenae recumbens cum fratribus observata lege plene cibis in legalibus cibum turbae duodenae se dat suis manibus

Verbum caro panem verum verbo carnem efficit fitque sanguis Christi merum et si sensus deficit ad firmandum cor sincerum sola fides sufficit

Tantum ergo sacramentum veneremur cernui et antiquum documentum novo cedat ritui praestet fides supplementum sensuum defectui

Genitori genitoque laus et jubilatio salus honor virtus quoque sit et exaltatio procedenti ab utroque compar sit laudatio amen

Sacris sollemniis juncta sint gaudia et ex praecordiis sonent praeconia recedant vetera nova sint omnia corda vota et opera

Noctis recolitur cena novissima qua Christus creditur agnum et azyma dedisse fratribus juxta legitima priscis indulta patribus

Post agnum typicum expletis epulis corpus dominicum datum discipulis sic totum omnibus quod totum singulis ejus fatemur manibus

Dedit fragilibus corporis ferculum dedit et tristibus sanguinis poculum dicens accipite quod trado vasculum omnes ex eo bibite

Sic sacrificium istud instituit cujus officium committi voluit solis presbyteris quibus sic congruit ut sumant et dent ceteris

Panis angelicus fit panis hominum dat panis caelicus figuris terminum o res mirabilis manducat dominum pauper servus et humilis

Te trina deitas unaque poscimus sic nos tu visitas sicut te colimus per tuas semitas duc nos quo tendimus ad lucem quam inhabitas amen

Verbum supernum prodiens nec patris linquens dexteram ad opus suum exiens venit ad vitae vesperam

In mortem a discipulo suis tradendus aemulis prius in vitae ferculo se tradidit discipulis

Quibus sub bina specie carnem dedit et sanguinem ut duplicis substantiae totum cibaret hominem

Se nascens dedit socium convescens in edulium se moriens in pretium se regnans dat in praemium

O salutaris hostia quae caeli pandis ostium bella premunt hostilia da robur fer auxilium

Uni trinoque domino sit sempiterna gloria qui vitam sine termino nobis donet in patria amen

Nativitas tua dei genetrix virgo gaudium annuntiavit universo mundo ex te enim ortus est sol justitiae Christus deus noster qui solvens maledictionem dedit benedictionem et confundens mortem donavit nobis vitam sempiternam

Hortus conclusus*

Coepit amare deum totumque relinquere mundum caelica mente petens et Christo semper adhaerens

Hanc pius in propriam sibi Christus sumere sponsam dignatus caeli provexit ad atria summi

Jam Christi thalamum scandit Catharina beatum juncta suo sponso pro quo tulit aspera mundo

O Christi pietas o virtus atque potestas virginis ex membris sacri fluit unda liquoris unde fides aegris infundit dona salutis

Virginis ob meritum manet hoc memorabile signum

Gloria patri et filio et spiritui sancto*

O Christe virginum gloria | Sponsus palma et victoria | Te virgo beata cernit hodie Catharina in patris dextera | Obtinet ut sponsa tua gaudia ejus praesta nobis per merita dona salutis

Catharinae collaudemus*

Inclyta sanctae virginis Catharinae sollemnia suscipiat alacriter sancta mater ecclesia ave virgo deo digna ave dulcis et benigna obtine nobis gaudia quae possides cum gloria

Adoretur virginum rex in saeculorum saecula virgini qui Catharinae contulit caelestia

Pange lingua*

Virgo sancta Catharina Graeciae gemma urbe Alexandria Costi regis filia

Specie corporis decora nimis enituit sed fide pulchrior sponso superno placuit

Stirps Jesse*

Ave maris stella*

Post partum*

Corde et voce simul Christum regem veneremur virginis et matris jubiletur nobilis ortus

Quem terra*

Ecce tu pulchra*

Speciosa facta*

Hodie nata est beata virgo Maria ex progenie David per quam salus mundi credentibus apparuit cujus vita gloriosa lucem dedit saeculo

Beatissimae virginis Mariae nativitatem devotissime celebremus

Beatissimae virginis Mariae nativitatem devotissime celebremus ut ipsa pro nobis intercedat ad dominum Jesum Christum

Dignum namque est ut ei summa cum devotione famulemur per quam virginitatis insignia pullularunt

Solem justitiae regem paritura supremum stella Maria maris hodie processit ad ortum

Cernere divinum lumen gaudete fideles

Gloria patri et filio et spiritui sancto

Nativitas tua dei genetrix virgo gaudium annuntiavit universo mundo ex te enim ortus est sol justitiae Christus deus noster qui solvens maledictionem dedit benedictionem et confundens mortem donavit nobis vitam sempiternam

Ave Maria gratia plena dominus tecum

Nativitas gloriosae virginis Mariae ex semine Abrahae orta de tribu Juda clara ex stirpe David cujus vita inclyta cunctas illustrat ecclesias

Nativitas est hodie sanctae Mariae virginis