Invocabo nomen tuum domine ne avertas aurem tuam a clamore meo

Tibi revelavi causam meam domine defensor vitae meae domine deus meus

Usquequo exaltabitur inimicus meus super me respice et exaudi me domine deus meus

Nequando dicat inimicus meus praevalui adversus eum

Magnum salutis*

Dederunt in escam*

Coeperunt omnes turbae descendentium gaudentes laudare deum voce magna super omnibus quas viderant virtutibus dicentes benedictus qui venit rex in nomine domini pax in caelo et gloria in excelsis

Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriatur patrem se habere deum videamus si sermones illius veri sint et si est verus filius dei liberet illum de manibus nostris morte turpissima condemnemus eum

Viri impii dixerunt opprimamus virum justum injuste et de spoliis ejus sortem mittamus

Viri impii dixerunt opprimamus virum justum injuste et deglutiamus eum tamquam inferi vivum auferamus memoriam illius de terra et de spoliis ejus sortem mittamus inter nos ipsi enim homicidae thesaurizaverunt sibi malum insipientes et maligni oderunt sapientiam et rei facti sunt in cogitationibus suis

Dixerunt impii apud se non recte cogitantes circumveniamus justum quoniam contrarius est operibus nostris

Conclusit vias meas inimicus insidiator factus est mihi sicut leo in abscondito replevit et inebriavit me amaritudine deduxerunt in lacum mortis vitam meam et posuerunt lapidem contra me vide domine iniquitates illorum et judica causam animae meae defensor vitae meae

Factus sum in derisum omni populo meo canticum eorum tota die

Faciem meam non averti ab increpantibus et conspuentibus in me

Non haberes in me potestatem nisi desuper datum tibi fuisset

Framea suscitare adversus eos qui dispergunt gregem meum

Appenderunt mercedem meam triginta argenteis quos appretiatus sum ab eis

Inundaverunt aquae super caput meum dixi perii invocabo nomen tuum domine deus

Labia insurgentium et cogitationes eorum vide domine

Recordare mei domine et tuere me ab his qui persequuntur me

Contumelias et terrores passus sum ab eis qui erant pacifici mei et custodientes latus meum dicentes decipiamus eum et praevaleamus illi sed tu domine mecum es tamquam bellator fortis cadent in opprobrium sempiternum et videam vindictam in eis quia tibi revelavi causam meam

Judica domine causam animae meae defensor vitae meae

Una hora non potuistis vigilare mecum qui eloquebamini mori pro me vel Judam non videtis quomodo non dormit sed festinat tradere me Judaeis

Dormite jam et requiescite ecce appropinquabit qui me traditurus est

Deus Israel propter te sustinui improperium operuit reverentia faciem meam extraneus factus sum fratribus meis et hospes filiis matris meae quoniam zelus domus tuae comedit me

Improperia improperantium tibi ceciderunt super me

Vide domine et considera quoniam tribulor velociter exaudi me

Nemo tollit a me animam meam sed ego pono eam et iterum sumo eam

Discerne causam meam domine ab homine iniquo et doloso eripe me

Dum tribularer clamavi ad dominum de ventre inferi et exaudivit me

Dixerunt impii opprimamus virum justum quoniam contrarius est operibus nostris

Potestatem habeo ponendi animam meam et iterum sumendi eam

Animae impiorum fremebant adversum me et gravatum est cor meum super eos

Synagogae populorum circumdederunt me et non reddidi retribuentibus mihi mala consumetur domine nequitia peccatorum et diriges justum

Tu autem domine susceptor meus es gloria mea et exaltans caput meum

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in panem ejus et conteramus eum de terra viventium

Audivi enim contumelias multorum et terrores in circuitu dicentium

Judas mercator pessimus osculo petit dominum ille ut agnus innocens non negat Judae osculum qui denariorum numero Christum Judaeis tradidit

Melius illi erat si natus non fuisset homo ille

Libera me de sanguinibus deus deus meus et exsultabit lingua mea justitiam tuam

Tanto tempore vobiscum eram docens vos in templo et non me tenuistis et ecce flagellatum ducitis ad crucifigendum

Contumelias et terrores passus sum ab eis sed dominus mecum est tamquam bellator fortis

Omnes inimici mei audierunt malum meum domine laetati sunt quoniam tu fecisti

Consilium fecerunt inimici mei dicentes conteramus eum de terra viventium

Ancilla dixit Petro vere tu ex illis es nam et loquela tua manifestum te facit

Cottidie apud vos eram in templo docens et non me tenuistis et ecce flagellatum ducitis ad crucifigendum

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Collegerunt ergo pontifices et pharisaei consilium

In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Verumtamen non sicut ego volo sed sicut tu vis

O Juda qui dereliquisti consilium pacis et cum Judaeis consiliatus es triginta argenteis vendidisti sanguinem justum et pacis osculum ferebas quam in pectore non habeas

Iuda osculo filium hominis tradidisti pium impiis prodidisti

Justificeris domine in sermonibus tuis et vincas cum judicaris

Traditor autem dedit eis signum dicens quem osculatus fuero ipse est tenete eum

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus est in virtute tua et in refectione sancta tua domine

Oblatus est quia ipse voluit et peccata nostra ipse portavit

Accepto pane Judas tradidit dominum sicut promiserat principibus sacerdotum

Si male locutus sum perhibe testimonium si autem bene quid me caedis

Filiae Jerusalem nolite flere super me sed super vos ipsas flete et super filios vestros

Cenantibus autem accepit Jesus panem benedixit ac fregit dedit discipulis suis

Omnes amici mei dereliquerunt me et praevaluerunt insidiantes mihi tradidit me quem diligebam et terribilibus oculis plaga crudeli percutiens aceto potabant me

Et dederunt in escam meam fel et in siti mea

Velum templi scissum est et omnis terra tremuit latro de cruce clamabat dicens memento mei domine dum veneris in regnum tuum

Amen dico tibi hodie mecum eris in paradiso

Tenebrae factae sunt dum crucifixissent Jesum Judaei et circa horam nonam exclamavit Jesus voce magna deus meus deus meus ut quid me dereliquisti et inclinato capite emisit spiritum tunc unus ex militibus lancea latus ejus aperuit et continuo exivit sanguis et aqua

Cum ergo accepisset acetum dixit consummatum est

Proprio filio suo non pepercit deus sed pro nobis omnibus tradidit illum

Posuerunt super caput ejus causam ipsius scriptam Jesus Nazarenus rex Judaeorum

Replevit et inebriavit me amaritudine inimicus meus

Ait latro ad latronem nos quidem digna factis recipimus hic autem quid fecit memento mei domine dum veneris in regnum tuum

Dum conturbata fuerit anima mea domine misericordiae memor eris

Memento mei domine deus dum veneris in regnum tuum

Accepto pane*

Si male*

Filiae Jerusalem*

Cum accepisset acetum dixit consummatum est et inclinato capite tradidit spiritum

In pace in idipsum R. Dormiam et requiescam

Sepulto domino signatum est monumentum volventes lapidem ad ostium monumenti ponentes milites qui custodirent eum

Ne forte veniant discipuli ejus et furentur eum et dicant plebi surrexit a mortuis

Recessit pastor noster fons aquae vivae in cujus transitu sol obscuratus est nam et ille captus est qui captivum tenebat primum hominem hodie portas mortis et seras pariter salvator noster dirupit

Destruxit quidem portas inferni et confregit potentias diaboli

Agnus dei Christus immolatus est pro salute mundi nam de parentis protoplasti fraude facta condolens quando pomi noxialis morsu in mortem corruit ipse lignum tunc notavit damna ligni ut solveret

Christus factus est pro nobis oboediens usque ad mortem mortem autem crucis

Caro mea R. Requiescet in spe

O mors ero mors tua morsus tuus ero inferne

Collocavit me in obscuris R. Sicut mortuos saeculi

Mulieres sedentes ad monumentum lamentabantur flentes dominum

Plangent eum quasi unigenitum quia innocens dominus occisus est

Attendite universi populi et videte dolorem meum

In pace in idipsum R. Dormiam et requiescam

A porta inferi erue domine animam meam

Caro mea R. Requiescet in spe

O vos omnes qui transitis per viam attendite et videte si est dolor sicut dolor meus

Collocavit me in obscuris R. Sicut mortuos saeculi

Te deum laudamus te dominum confitemur te aeternum patrem omnis terra veneratur tibi omnes angeli tibi caeli et universae potestates tibi cherubim et seraphim incessabili voce proclamant sanctus sanctus sanctus dominus deus sabaoth pleni sunt caeli et terra majestatis gloriae tuae te gloriosus apostolorum chorus te prophetarum laudabilis numerus te martyrum candidatus laudat exercitus te per orbem terrarum sancta confitetur ecclesia patrem immensae majestatis venerandum tuum verum unicum filium sanctum quoque paraclitum spiritum tu rex gloriae Christe tu patris sempiternus es filius tu ad liberandum suscepturus hominem non horruisti virginis uterum tu devicto mortis aculeo aperuisti credentibus regna caelorum tu …

Te decet laus te decet hymnus tibi gloria deo patri et filio cum sancto spiritu in saecula saeculorum amen

Gloria patri et filio et spiritui sancto

Gloria patri et filio et spiritui sancto