Vivat anima tua domine ut non videamus mortem neque parvulos nostros deficientes

Merito haec patimur*

Dixit Ruben fratribus suis numquid non dixi vobis nolite peccare in puerum et non audistis me

Dixit Joseph undecim*

Biennum est quod coepit esse fames in terra adhuc restant alii quinque

Nuntiaverunt Jacob dicentes*

Cumque audisset Jacob quod filius ejus viveret quasi de gravi somno evigilans ait

Bonum mihi*

Manus tuae domine fecerunt me et plasmaverunt me da mihi intellectum ut discam mandata tua

Servus tuus*

Ut discam mandata tua

Septies in die*

Erravi sicut ovis quae perierat require servum tuum domine quia mandata tua non sum oblitus

O castitate fabricata*

In Dorotheae festo*

Laetare*

Praedecora facie fulgens et venusta procuratrix gratiae casta mitis justa

Populus*

Illustratur credulus sitque natus lucis famulator sedulus Christi supernii ducis

Inclinare*

Pervertentes convertuntur crucem tollunt et sequuntur Christum pro quo moriuntur

Gloria patri et filio et spiritui sancto

Dum Dorothea*

Dum clamant cuncti confundantur in idolis qui gloriantur

Sub mense Februario*

Omnes gentes properate Jesum Christum adorate

O flos virginitatis

O benigna pacis cella Dorothea flagrans stella pro tuis vernis interpella

Gloria patri et filio et spiritui sancto

Multi credunt*

Hoc factum est laudabile a deo tam mirabile

Dum sub ense*

Expleta tunc oratione exauditur in agone domini promissione

Contristatus est*

Et livore justi tactus caritatis odit actus

Gloria patri et filio et spiritui sancto

O nobilis athleta*

Tu candens veris primula*

Venite exsultemus domino jubilemus deo salutari nostro praeoccupemus faciem ejus in confessione et in psalmis jubilemus ei | Quoniam deus magnus dominus et rex magnus super omnes deos quoniam non repellit dominus plebem suam quia in manu ejus sunt omnes fines terrae et altitudines montium ipse conspicit | Quoniam ipsius est mare et ipse fecit illud et aridam fundaverunt manus ejus venite adoremus et procidamus ante deum ploremus coram domino qui fecit nos quia ipse est dominus deus noster nos autem populus ejus et oves pascuae ejus | Hodie si vocem ejus audieritis nolite obdurare corda vestra sicut in exacerbatione …

Venite exsultemus domino*

Lauda deum deum tuum devota Colonia qui te laude fecit dignam per undena milia virginalis coetus tibi missa de Britannia

Sponsus pulcher prae omnibus rex et sponsus virginum candidatis virginibus purpureis per gladium suum junxit conubium caeli jungendo civibus per passionis bravium super astris invexit

Exsultent omnes hodie collaudando dominum qui summae stola gloriae coetum sacratum virginum decoravit eximie

Diversis mundi partibus virgines quaeruntur virginis aspectibus Ursulae traduntur imbuendae

Undenis milibus consecratur coetus dei legibus semper meditatur

Ursula virgo regia moribus ornata vera docta scientia verbi spargit sata

Adducentur regi virgines post eam R. Proxime ejus afferentur tibi

Elegit deus nova bella contra mundi principem pugnavit aetas tenella vitam ducens caelibem cum puellis et puella in hunc mundi tramitem

Mundum spreverunt quia gaudia caelica quaerunt sexum vicerunt quia fortes mente fuerunt

Inter sanctas speciosa fuit nomine Pinnosa virgo fragrans velut rosa et inter mundi spinosa odorem fudit fragrantem

Instruit haec mentes sociarum recta sequentes

Novum creans super terram rex creator omnium statum quendam supernorum repraesentat civium

Gloria patri et filio et spiritui sancto

Quae nec nubunt nec nubentur angeli sunt similes soli Christo sponso suo adhaerentes virgines

Exercitus virginum fortiter pugnantes ducem habent dominum ipsum imitantes sursum levant animum sursum contemplantes

Offerrentur virgines Christo regi domino R. In laetitia et exsultatione

Erubescite barbati vitiorum ense strati nam virginum candidati exercitus pugnaverunt moriendo quem vicerunt et palmam promeruerunt

Pectore sub fragili certaverunt corde virili

Iste mundo derelicto carnis rident jacula nescientes in delicto thorum absque macula totae pulchrae sponso Christo fide nubunt patula

Vitiorum calcato fomite angusti callis currunt in tramite

Fulget dies laetitiae virginum chorus hodie de mundo triumphavit quem super thronum gloriae totius rex justitiae Christus exaltavit

Virgineus coetus divino robore fretus coetibus angelicis*

Ex tunc humus ossium custos beatorum non admisit reliquum corpus defunctorum

Gaudet chorus caelestium consortio sanctarum in capite gestantium diadema praeclarum quibus non deest lilium nec purpura rosarum

Angelico more fulgent ingente decore

Haec est dies quam fecit dominus dies festus caelorum civibus in qua nova lux orta tristibus pax terrenis laus sit caelestibus

Puellari de triumpho laudem canunt angeli civitati pace data gaudent cives singuli

Gloria patri et filio et spiritui sancto

Prudentes virgines aptate lampades vestras R. Ecce sponsus venit exite obviam ei

Regnans regnat dominus mundo factus comminus carnis per materiam quam traxit de virgine virginum in agmine ludens multifariam

Omnis terra jubilet jubilando celebret festum virginale in quo canit curia virginum de gloria melos triumphale

Ante lucem dominum lucis coetus virginum exspectans cum lumine ad agni convivium dum est patens ostium intrat laeto carmine

Benedicant omnia sua deum opera bonus quia dominus angelorum ordines caelum tellus homines et quo his inferius

Novum canamus canticum laudantes caeli dominum qui facit mirabilia juvencularum virginum in tympano canentium laus ejus in ecclesia

Media nocte clamor factus est*

Hodierna laetitia mundus illustratur qua caelestis curia valde jucundatur virginitatis lilia sponsus amplexatur nuptiarum convivia celebrat nunc ecclesia thalamus locatur sponsus decorus gloria sponsis daturus praemia sponsis sociatur

[Caelum resonet laudibus sacrum gerens tripudium cujus undenis milibus Christus auget consortium | Pulcher hodie virginum coetus migrat e saeculo adhaeret luci luminum fracto carnis ergastulo | Caeli venter eburneus decore pictus vario harum mor-] -te purpureus virginum candet lilio | Regali sata sanguine virgo procedit Ursula divino plena numine regis aeterni famula | Deposcit virgo virginum coetum meritis inclytum quarum est aput dominum merces magnumque meritum | Cui pater cum inclyto honor virtus et gloria et spiritu paraclito saecula sit per omnia amen

Hae sunt adolescentulae quae nimis Christum diligunt pro Christo Christi famulae corpus tormentis subigunt | Albis vallatae choreis caeli petunt vestigia in vestimentis aureis cum triumpho et gloria | O quam felix commercium pro terrenis caelestia contemptu mundialium caeli mercantur gaudia | Caelestis nempe curia gratanter his obsequitur sponsus decorus gloria sponsas sacras amplectitur | Harum placatus precibus cuncta depellat noxia nosque cum caeli civibus ad caeli ferat gaudia | Cui pater cum inclyto honor virtus et gloria et spiritu paraclito saecula sit per omnia amen

O dies dies virginum dies dierum gloria qua nova laus initium finem capit miseria | Quis digne fari poterit tot virginum praeconia solius cum supererit laudis referre debita | Hujus cohortis Ursula devota primiceria percepta mente sedula diva tractat mysteria | Instructis hinc sodalibus decursus sui termino velle fit unum omnibus virtutum jungi domino | Sit patri sponsi virginum ipsique sponso gloria cum spiritu qui gaudium hic donet et in patria amen

Agnum sponsum virginum regem regum dominum omnes adoremus | Virginum victorias et caelestes gratias laete decantemus | Haec sunt milia undena turba fortis et serena pugnans cum victoria | Rosae stellae margaritae rubent micant splendent vitae clara luminaria | Cum candore cum cruore virginali triumphali scandunt ad caelestia | Quam beatae quam sacratae luminosae quam formosae fulgent nunc in gloria | Spreta felix Ursula mundi regni insula et virili copula in caelo laetatur | Serto nitet regio in caeli palatio sponso regis filio Christo copulatur | Legit virgines decoras quas vocabat ad coronas baptizatae tollunt moras navigant coloniam | Cadunt …

Haec est dies*

Adducentur regi virgines post eam R. Proxime ejus offerentur tibi

Gaudent*

(...) o madens ut flumine tot virginum dotatur agmine

LACUNA

LACUNA

Alleluia Surgens Christus de funere rosam legit et lilium cujus haec profert munere candorem et martyrium

Alleluia Chorus sacratus virginum gloriae post agnum sponsum dominum hymnos canunt laetitiae

Felix Thomas doctor ecclesiae lumen mundi splendor Italiae candens virgo flore munditiae bina gaudet corona gloriae

Exsultet mentis jubilo laudans turba fidelium errorum pulso nubilo per novi solis radium | Thomas in mundi vespere fundit thesauros gratiae donis plenus ex aethere morum et sapientiae | De cujus fonte luminis verbi coruscant faculae scripturae sacrae numinis et veritatis regulae | Fulgens doctrinae radiis clarus vitae munditia splendens miris prodigiis dat toti mundo gaudia | Laus patri sit ac genito simulque sancto flamini qui sancti Thomae merito nos caeli jungat agmini amen

Sertum gestans*

Scandit doctor civis caelestium orbis decor dux lux fidelium norma limes lex morum omnium vas virtutum ad vitae bravium

Adsunt doctoris caelici Thomae festa sollemnia devotione supplici laudes promat ecclesia

Thomas insignis genere claram ducens originem subit aetatis tenerae praedicatorum ordinem | Typum gessit Luciferi splendens in coetu nubium plusquam doctores caeteri purgans dogma gentilium | Profunda scrutans fluminum in lucem pandit abdita dum supra sensus hominum obscura facit cognita | Sit paradisi fluvius quadripartite pervius fit Gedeonis gladius tuba lagenae radius | Laus patri sit

Doctor Thomas repletus gratia praemonstratus sacris oraculis mundi carnis hostisque vitia fugit exemplar datus saeculis

Mentis innocentia flosque puritatis exstiterunt praevia luci veritatis

Ope doctoris caelici tota gaudet ecclesia fulget ordo Dominici peculiari gloria

Sancti viri verbum propheticum praemonstravit mundo mirificum sanctum Thomam doctorem caelicum sectaturum sanctum Dominicum

Nam vir sanctus hunc matri gravidae ducem prompsit doctrinae lucidae

Christi pia tractus dulcedine mundum linquens probatur turbine pugil fortis raptus de ordine vicit prorsus pulsa libidine