Cooperante gratia spiritus sancti

Exaltabuntur*

Lux orta*

Custodiebant*

Constitues eos principes*

Reposita est mihi corona justitiae quam reddet mihi dominus in illum diem justus judex

Scio cui credidi*

Audistis enim conversationem meam aliquando in judaismo quoniam proficiebam supra multos coaetaneos meos in genere meo

Abundantius enim aemulator exsistens paternarum mearum traditionum

Cum autem placuit ei qui me segregavit de utero matris meae et vocavit per gratiam suam ut revelaret filium suum per me ut evangelizarem illum in gentibus

Continuo non acquievi carni et sanguini neque veni Jerusalem ad antecessores meos apostolos

Constitues eos principes*

Ter virgis caesus sum semel lapidatus sum ter naufragium pertuli pro Christi nomine

Nocte ac die in profundo maris fui

Dedisti hereditatem*

Saulus autem magis ac magis convalescebat et confundebat Judaeos qui habitabant Damasci affirmans quoniam hic est Christus

Fuit autem cum discipulis qui habitabant Damasci per dies aliquot et continuo in synagogis praedicabat Jesum

Gratia dei sum id quod sum sed gratia ejus in me vacua non fuit sed semper in me manet

Bonum certamen certavi cursum consummavi fidem servavi

Sancte Paule apostole praedicator veritatis et doctor gentium intercede pro nobis ad deum qui te elegit ut digni efficiamur gratia dei

Tu es vas electionis sancte Paule apostole praedicator veritatis in universo mundo

Magnus sanctus Paulus vas electionis vere digne est glorificandus qui et meruit thronum duodecimum possidere

A Christo de caelo vocatus et in terram prostratus ex persecutore effectus est vas electionis

Ego plantavi Apollo rigavit deus autem incrementum dedit alleluia

Unusquisque enim propriam mercedem accipiet secundum suum laborem

Libenter gloriabor in infirmitatibus meis ut inhabitet in me virtus Christi

Quando enim infirmor tunc fortior sum et potens

Sancte Paule apostole praedicator veritatis et doctor gentium intercede pro nobis ad deum qui te elegit

Ut digni efficiamur gratia dei

Gratia dei in me vacua non fuit sed gratia ejus semper in me manet

Gratia dei sum id quod sum

Damasci praepositus gentis Aretae regis voluit me comprehendere a fratribus per murum submissus sum in sporta et sic evasi manus ejus in nomine domini

Deus et pater domini nostri Jesu Christi scit quod non mentior

Nimis honorati*

Vos qui secuti estis me sedebitis super sedes judicantes duodecim tribus Israel dicit dominus

Cum sederit filius hominis in sede majestatis suae

Saulus qui et*

Magnus sanctus*

Tu es vas*

Bonum certamen*

Ego plantavi*

Libenter*

Sancte Paule*

Gratia dei*

Magnus sanctus Paulus*

Vos qui reliquistis omnia et secuti estis me centuplum accipietis et vitam aeternam possidebitis

Petrus apostolus et Paulus doctor gentium ipsi nos docuerunt legem tuam domine

Gloriosi principes terrae quomodo in vita sua dilexerunt se ita et in morte non sunt separati

Praeclarum late tibi vir sine fine beate nomen non fictae fidei manet o Benedicte

Membra specu claudis quo factus es hostia laudis carnem districte dum frenas o Benedicte

Instar tu Christi patiens ad cuncta fuisti pacis et indictae cultor pius o Benedicte

Hic probris actus tumidisque peripsima factus jam noys invictae palmam geris o Benedicte

Ecce jam cari*

Magna semper et praeclara deum decent praeconia cujus igne spernens mundum fulges in turba caelicum o confessor Benedicte vota servorum suscipe

Ut Christo celebri jubilemus laudes venite qui dedit aeternae Benedicto gaudia vitae

Benedictus tam nomine quam gratiarum munere e Nursia progenitus claris fulgit parentibus

Hic ergo Romae traditus disciplinis scholaribus nil scire duxit commodum nisi crucis mysterium

Mundum suis cum floribus scienter sprevit nescius Jesuque ferens stigmata speluncae petit abdita

Sanctum Romanus habitum dans illi fert subsidium sed magister invidiae saevit in illum lapide

In specu sub quo latitat dei miles se cruciat sed rex mundi cui militat hunc sacerdote visitat

Athleta dei gravibus poenis ardens exterius hostis in mente jacula igne restrinixit ignea

Florem mundi periturum despexit tamquam aridum ut floreat in aeternum Benedictus ante deum

Pennas sumens ut columbae recessit gaudens requie

Puer fletum subsecutae consolatus nutriculae vas ubi prece solidat fugit ne laude pereat

Elongatus a nutrice mansit in solitudine

Agnosce dei famule surrexit Christus hac die assunt quas misit epulae cujus amore percipe

Haec dies quam fecit deus in qua jubet exsultemus

Electo grex mortiferum patri ferebat poculum sed vir dei signo vitae vas rupit tamquam lapide

Intenderunt arcum suum ut perderent innoxium

Gloria patri et filio et spiritui sancto

Jam latius innotuit quasi lampas emicuit fit Benedictus celebris frequentatur a populis

Ejus ergo sub tramite multi dum certant vivere locis florent duodenis fulget ipse miraculis

Hic non impar Eliseo ciet ferrum de profundo sensus et corda conspicit praesens absentes arguit

Maurus verbo currens patris Petri fertur vestigiis super liquens elementum mersumque trahit Placidum

Favent cuncta Benedicto vas sponte manat oleo fugit vita spernit terra ejus privatum gratia

O quanta plenus gratia qui respectu rumpit vincla sedens curvat imperia Benedictus per saecula

Servus dei Benedictus stetit misertus illius qui clamitabat o meum o redde redde filium

Orans jacentem suscitat reddit patri qui clamitat

Benedictus quam devotas deo solvebat gratias ire videns ut columbam caelo sororis animam

Uterque duxit gaudia soror caelo hic in cella

O Israelita verus cor in deum dilatatus qui infra se angustatam vidit omnem creaturam

Caelo quoque ferri sanctam Germani cernens animam

Alme pater qui praescius tui sacrati transitus hunc praenotasti fratribus tuere nostros exitus

Per te ducem clarissimum ut transeamus a deum

Gloria patri et filio et spiritui sancto

Benedictum propheticis condecoremus canticis qui tam fulsit prophetia quam et doctrinae gratia

Grandi pater fiducia morte stetit pretiosa qui elevatis manibus caelos scandit in precibus

Fecit Christe quod jussisti te secutus spe praemii

Fratribus illuxit Benedictum quae via duxit usque polum surgens et multa lampade fulgens

Virque super candens micuit quae sit via pandens

Ecce jam cari noscite quam claro scandit tramite Benedictus ad sidera qui hic reliquit omnia

Accepit ergo centuplum et vitam in perpetuum

Gloria patri et filio et spiritui sancto

Gloria Christe tuo tibi personet in Benedicto quem faciens tecum sanctis regnantibus aequum jam quibus aequasti gaudentibus associasti

Nos ejus norma rege serva terge reforma

Gloria patri et filio et spiritui sancto

Armis praecinctus verae fidei Benedictus idola dum stravit sedem tibi Christe paravit

Huic jubilate quo pater iste par fit Eliae par quoque Moysi dum lapis illi flumina fundit corvus obaudit

Quemquam non laesit post te dominator adhaesit utque David doluit hostis ut occubuit

Laus puerilis hunc benedicat qui puerorum per Benedictum corpora vitae trinus et unus trina reformat