Regali ex progenie Maria virgo exorta refulget cujus precibus nos adjuvari mente et spiritu devotissime poscimus

Corde et animo Christo canamus gloriam in hac sacra sollemnitate praecelsae genetricis dei

Nativitas tua dei genetrix virgo gaudium annuntiabit universo mundo ex te enim ortus est sol justitiae Christus deus noster qui solvens maledictionem dedit benedictionem et confundens mortem donavit nobis vitam sempiternam

Ave Maria gratia*

Felix namque es sacra virgo Maria et omni laude dignissima quia ex te ortus est sol justitiae Christus deus noster

Ora pro populo interveni pro clero intercede pro devoto femineo sexu sentiant omnes tuum levamen quicumque celebrant tuum natalem

Nativitas gloriosae virginis Mariae ex semine Abrahae ortae de tribu Juda ex clara stirpe David cujus vita inclyta cunctas illustrat ecclesias

Gloriosae virginis Mariae ortum dignissimum recolamus

Nativitas gloriosae virginis Mariae ex semine Abrahae orta de tribu Juda clara ex stirpe David

Nativitas est hodie sanctae Mariae virginis cujus vita inclyta cunctas illustrat ecclesias

Regali ex progenie Maria exorta refulget cujus precibus nos adjuvari mente et spiritu devotissime poscimus

Corde et animo Christo canamus gloriam in hac sacra sollemnitate praecelsae genetricis dei Mariae

Cum jucunditate nativitatem beatae Mariae celebremus ut ipsa pro nobis intercedat ad dominum Jesum Christum

Audi filia*

Benedicta filia*

Nativitatem hodiernam perpetuae virginis genetricis dei Mariae sollemniter celebremus qua celsitudo throni processit alleluia

Sancta dei genetrix*

Adest namque*

Quando nata est virgo sacratissima tunc illuminatus est mundus stirps beata radix sancta et benedictus fructus ejus

Beatissimae virginis Mariae nativitatem devotissime celebremus ut ipsa pro nobis intercedat ad dominum Jesum Christum

Nativitas*

Nativitas est hodie*

Regali ex*

Cum jucunditate*

Felix namque*

Benedicta filia tua*

Hodie nata est beata virgo Maria ex progenie David alleluia alleluia alleluia

Haec est sancta sollemnitas in qua martyres Christi pervenerunt ad gaudia regni hanc ergo pervenientes digne studeamus hoc in mundo celebrare quatenus cum illis simul et cum angelis mereamur perpetim et aeternam gloriam possidere

Cum vidisset impiissimus tyrannus Decius sanctorum Felicis et Regulae fixam et immobilien in dei nomine constantiam jussit eos capitalem subire sententiam

Sancti martyres Christi dum tyranni sententiam in amputandis capitibus audissent summum regem invocabant dicentes vias tuas domine demonstra nobis quoniam tu es salvator noster

Cumque tam dulci modulamine Christum deum exoraret animas que creatori commendarent palmis in caelum expansis flexis cervicibus spiculatori colla submittebant

Christi autem venerandi triumphatores dum capita illorum amputarentur ad coronas sibi praeparatas morte gloriosa migraverunt

Vox audita est angelorum psallentium et dicentium in paradisum perducant vos angeli cum gloria suscipiant vos martyres perducentes ad sanctam civitatem Jerusalem

O praeclara et miranda Christi potentia quae post mortem operata est tanta mirabilia nam amputata capita de ripa fluminis illius ubi decollari meruerunt ad sinum vicini monticelli quadraginta cubitis suis manibus portaverunt alleluia

Oramus te domine ut intercessione sanctorum tuorum Felicis et Regulae omnes qui istam celebritatem ob illorum amorem coluerunt praesentia evadant pericula et futura justorum percipiant donante te praemia

O magnum pietatis opus mors mortua tunc est in ligno quando mortua vita fuit

Salva nos Christe salvator per virtutem crucis qui salvasti Petrum in mari miserere nobis

O crux admirabilis evacuatio vulneris restitutio sanitatis

Nos autem gloriari oportet in cruce domini nostri Jesu Christi

Crux benedicta nitet dominus qua carne pependit atque cruore suo vulnera nostra lavit

Mihi autem absit*

Mihi autem absit gloriari*

Super omnia ligna cedrorum tu sola excelsior in qua vita mundi pependit in qua Christus triumphavit et mors mortem superavit alleluia

Per signum crucis*

Lignum vitae*

Adoremus crucis*

Adoramus te*

O magnum pietatis*

Salva nos Christe*

O crux admirabilis*

Crux benedicta*

Crux fidelis*

Salva nos Christe*

O crux splendidior cunctis astris mundo celebris hominibus multum amabilis sanctior universis quae sola fuisti digna portare salutem mundi dulce lignum dulces clavos dulcia ferens pondera salva praesentem catervam in tuis hodie laudibus congregatam

O crux gloriosa o crux adoranda o lignum pretiosum et admirabile signum per quod et diabolus est victus et mundus Christi sanguine redemptus alleluia

Isti sunt sancti*

Cordis et oris jubilo exsultemus omnes in domino die celebrantes sollemnem Thebaeae legionis martyrio quae terreni principis spreto imperio obtulit se regi mactandam caelesti cum sancto duce Mauritio o vos martyres Christi vestro triumphali dulicisono melo in caelesti Sion nos commendate deorum deo

Regem regum dominum venite adoremus quia ipse est corona Thebaeorum martyrum

Quanta excolendus est reverentia sacer ille locus in quo tot pro Christo martyrum milia ferro caesa referuntur

Si quis veri dei cultum profiteri audebat statim ad supplicia saeva et necem rapiebatur

Hi sancti viri in rebus bellicis strenui virtute nobiles sed fide nobiliores permanserunt

Nos pugnare adversus impios scimus laniare pios et concives poenitus ignoramus

Pugnavimus semper pro justitia et pietate Christianorum salute

Tenemus ecce arma et non resistimus quia magis mori quam occidere parati sumus

Partibus venit Europae imperio excita Romano militatura sancta sub Maximiano Thaebea legio scilicet viri religiosi in bellicis rebus strenui virtute nobiles sed fide nobiliores

Nefandis edictis percelluntur negare Christum Christianos persequi praecipiuntur

Juravimus in sacramenta primo divina juravimus in sacramenta regia si fides in primus praerumpitur de secundis nihil nobis restat ut credatur Nolumus ergo Christum negare vel pios laniare parati magis mori quam occidere quod praelegimus quam nocenter vivere

Hujus modi responsa dant sanctorum consortia tam pia quam fortia

Incitamentum tamen maximum fidei in illo tempore penes sanctum Mauritium fuit primicerium

Sub Maximiano qui Romanae rei publicae cum Diocletiano collega imperium tenuit

Audiens Maximianus sanctae legionis in fide Christi constantiam in decimum quemque capitalem praecipitavit sententiam

Ut supplicio mortis deficeret constantia fortis

Gloria patri et filio et spiritui sancto

Cumque missi ad sanctam legionem venissent strinxerunt in sanctos martyres crudeles impie ferrum

Omnes unanimes unum aeternitatis deum se colere professi sunt et ideo jugulati coronam regni perceperunt

Haec igitur crudelitate confectus est sanctorum populus qui contempsit rem praesentium ob spem futurorum

Reliqua vero se militum multitudo mutuo sermone instigabant ut in tam praeclaro opere viriliter permanerent

Tunc Exsuperius et Candidus singulos ammonebant ut imitarentur contubernales suos

Haec sacra legio cum sanctis angelorum legionibus jam collaudant in caelis dominus deus sabaoth

Ad novum mortis imperium totus miles sponte dearmatur et collis submissis quisquis forte obvenerat vigilabatur

Mori lucrum reputant quia post mortem vitam sperant

Maximiano dixit sancta legio in nos decerne quicquid potueris excogitare pro tuo imperio ignes feras vel gladium pati vel si quid durius statueris pro deo sumus parati

Christum deum numquam relinquemus pro quo arma tenentes non resistimus

O quantum lupus audet in agnos ubi nullum sentit obstaculum en mortis eadem lege belua cruenta reparavit sibi ferale spectaculum

Impia jussa redintegrantur quae justi recusantes laniantur

Inclytus Mauritius Maximiano dixit milites sumus imperii tui sed tamen sumus servi dei tibi debemus militiam illi innocentiam stipendium a te laboris accipimus ab illo vitae aeternae gaudia praeoptamus

Christiani sumus christianos persequi non possimus

Gloria patri et filio et spiritui sancto

In sanctorum devotionibus sanctus Mauritius triumphavit sanctorum gloriam beatus Exuperius ordinavit spem immortalitas sanctus Candidus et Victor fide ornaverunt

Isti sunt sancti qui pro testamento dei sua corpora tradiderunt et in sanguine agni laverunt stolas suas

Tradiderunt corpora sua propter deum ad supplicia et meruerunt habere coronas perpetuas

Gloria patri et filio et spiritui sancto

Tradiderunt corpora sua ad supplicia propter dominum

Mauritius dux sanctae legionis confortavit omnes in fide Christianae professionis et mutua sanctorum ortamenta nullum mortis sinebant timere tormenti

Jam jussis injustis toto ore reclamatur jam una mortis sententia totus miles Christi damnatur

Mactantur ergo sancti milites ultro colla jugulo submittentes morte Non ferro justitiae causam probantes amore vitae mori praeoptantes

Dealbatis stolis sanguine agni ipsum saecuti sunt candidi

O multum felix Thebaea Christi legio rubens martyrio ut florens rosa in Jericho cum sancto duce Mauritio nos commenda regi regum domino

Cum angelis dulcisona in caelis agno pangens cantica

Gloria patri et filio et spiritui sancto