Tympana laeta chori mens consona concinet ori ac dominum laudet quo servus in aethere gaudet

Benedictus es domine qui Benedicti animae dum caeli confers gaudia glorificas terris membra dum et specu quo latuit per te virtus emicuit

Benedictus*

Hic non impar*

Favent cuncta*

O quanta*

Virgam virtutis*

Gloria Christe*

O caelestis norma vitae doctor et dux Benedicte cujus cum Christo spiritus exsultat in caelestibus gregem pastor alme serva sancta prece corrobora via caelos clarescente fac te duce penetrare

Maria plorans*

Fidelis sermo et omni acceptione dignus quia Christus venit in hunc mundum peccatores salvos facere et qui nasci dignatus est de Maria virgine tangi non dedignatus est de Maria peccatrice haec est illa Maria cui dimissa sunt peccata multa quia dilexit multum haec est illa Maria quae resurgentem a mortuis prima omnium videre meruit dominum Jesum Christum quem prout nostris reatibus oret quaesumus in aeternum

Ploremus coram domino cum Maria ut veniam mereamur cum illa

Intravit Jesus in quoddam castellum et ecce Martha soror Mariae gaudens eum excepit in domum

Soror Marthae Maria sedens secus pedes domini audiebat verbum illius

Martha satagebat circa frequens ministerium at Maria

Martha stetit et ait domine non est tibi curae quod soror mea Maria reliquit me sola ministrare

Dic ergo illi ut me adjuvet

Respondens Jesus dixit Martha Martha sollicita es erga plurima porro unum est necessarium

Maria optimam partem elegit quae non auferetur ab ea

Post habito Marthae actualis vitae labore Maria contemplativae vitae delectatur dulcedine

Dum terrenorum strepitus actuum in ea quiescunt a cogitatione

Gloria patri et filio et spiritui sancto

Rogabat Jesum quidam pharisaeus ut manducaret cum illo et ingressus domum pharisaei discubuit et ecce mulier quae erat in civitate peccatrix ut agnovit quod accubuisset in domo pharisaei attulit alabrastrum unguenti

Accepit Maria libram unguenti nardi pistici pretiosi et unxit pedes Jesu et capillis capitis sui extersit

Stans retro secus pedes Jesu lavit lacrimis suis et exosculabatur eos

Conversus Jesus ad Mariam dixit mulier dimittuntur tibi peccata fides tua te salvam fecit

Cui plus dimittitur plus diligit vade in pace

Maria ut Jesum adesse audivit cito surgit et ad eum venit

In illo loco ubi Martha ei occurrit Maria

Cum venisset Maria ubi erat Jesus videns eum cecidit ad pedes ejus

Sicut peccatorum veniam sic fratri suo obtinuit vitam

Gloria patri et filio et spiritui sancto

Cum esset Bethaniae Jesus venit Maria habens alabastrum unguenti nardi spicati pretiosi et fracto alabastro effudit super caput ejus

Fregit Maria super caput Jesu alabastrum ungenti nardi spicati pretiosi indignati sunt autem discipuli ejus dicentes ut quid perditio haec facta est

Potuit hoc vendi multo et dari pauperibus

Dixit Jesus discipulis suis quid molesti estis huic mulieri opus bonum operata est in me

Quod habuit haec fecit praevenit unguere corpus meum in sepulturam

Maria plorans ad monumentum foris stabat et flendo se inclinans in monumentum denuo prospiciebat quamvis quidem vacuum viderat tamen iterum videre desiderabat

Non sufficiens sibi semel aspexisse vis amoris multiplicabat in ea intentionem inquisitionis

Gloria patri et filio et spiritui sancto

Dixit Jesus Mariae noli me tangere nondum enim ascendi ad patrem meum vade et dic fratribus meis ascendo ad patrem meum et patrem vestrum

Venit Maria nuntians discipulis quia vidi dominum meum et haec dixit mihi

Gloria patri et filio et spiritui sancto

Una sabbati Maria Magdalena venit mane cum adhuc tenebrae essent ad monumentum Jesu alleluia

Videns lapidem sublatum a monumento Maria cucurrit et venit ad Simonem Petrum et ad alium discipulum et dicit eis tulerunt dominum de monumento alleluia

Stans autem foris plorans inclinavit se et prospexit in monumentum Maria et vidit duos angelos in albis sedentes alleluia

Dicunt ei illi mulier quid ploras dicit eis quia tulerunt dominum meum et nescio ubi posuerunt eum alleluia

Haec cum dixisset conversa est retrorsum et vidit Jesum stantem et nesciebat quia Jesus est alleluia

Dixit Jesus Maria conversa illa dicit ei rabboni et dicit ei noli me tangere nondum enim ascendi ad patrem meum alleluia alleluia

Unxit Maria pedes Jesu et capillis suis extersit et domus impleta est ex odore unguenti

Dimissa sunt a domino Jesu Mariae Magdalenae peccata multa quoniam dilexit multum

Vocavit Martha sororem suam Mariam silentio dicens illi magister adest et vocat te

Maria dixit ad Jesum domine si hic fuisses non esset mortuus frater meus

Una sabbati*

Videns lapidem*

Stans autem*

Dicunt ei*

Cum venisset*

Congaudendum est matri ecclesiae quae colit festum filiae beatae Mariae in qua peccatores consolantur pro qua angeli in caelis jucundantur dum pastor inveniens perditam de morte perduxit ad vitam ad quam ut et nos perveniamus pro nobis ipsa intercedat quaesumus

Quem dicunt homines esse filium hominis dixit Jesus discipulis suis respondens Petrus dixit tu es Christus filius dei vivi et ego dico tibi quia tu es Petrus et super hanc petram aedificabo ecclesiam meam

In plateis ponebantur infirmi in lectulis ut veniente Petro saltim umbra illius obumbraret quemquam illorum et liberarentur ab infirmitatibus suis

Ait Petrus principibus sacerdotum Jesus quem vos interemistis suspendentes in ligno hunc deus suscitavit et principem ac salvatorem exaltavit ad dandam paenitentiam in remissionem peccatorum

Petrus apostolus dixit paralytico Aenea sanet te dominus Jesus Christus surge et sterne tibi qui continuo surrexit et omnes qui viderunt conversi sunt ad dominum

Factum est ut quaedam discipula nomine Thabita plena operibus bonis et eleemosynis infirmata moreretur miserunt autem discipuli ad Petrum rogantes ne pigriteris venire usque ad nos

Adveniente Petro circumsteterunt illum omnes viduae flentes et ostendentes tunicas et vestes quas faciebat illis Dorcas

Angelus domini astitit et lumen refulsit in habitaculo carceris percussoque latere Petri suscitavit eum dicens surge velociter et ceciderunt catenae de manibus ejus

Ponens Petrus genua sua orabat et conversus ad corpus dixit Tabita surge at illa aperuit oculos et viso Petro resedit dansque illi manum erexit eam et sanctis ac viduis assignavit vivam

Cornelius centurio vir religiosus ac timens deum vidit manifeste angelum dei dicentem sibi Corneli mitte et accersi Simonem qui cognominatur Petrus hic dicet tibi quid te oporteat facere

Aperiens Petrus os suum dixit in veritate comperi quoniam non est personarum acceptor deus sed in omni gente qui timet deum et operatur justitiam acceptus est illi

Adhuc loquente Petro cecidit spiritus sanctus super omnes qui audiebant verbum et erant loquentes linguis et magnificantes deum tunc Petrus jussit eos baptizari in nomine domini Jesu Christi

Simon Bar Jona tu vocaberis cephas quod interpretatur Petrus janitor caeli pulsantibus aperi supra modum peccavimus omnes dimitte septuagies septies

Martyr sancta*

Gloriosa et beatissima Christi martyr Afra quae per florem paradisi pretiosum praesulem Narcissum divinitus medicata mortiferos idolatriae et priscae turpitudinis morbos evasisti teque ipsam vivum et illibatum domino holocaustum per ignem passionis obtulisti nos quaesumus quamvis sordidos quamvis peccatores tui nunc memoriam venerantes sereno vultu respice et cum beatis martyrii tui consortibus pro nostris reatibus intercede

Vigili corde dominum adorantes venite qui a sordibus purgatam sanctis martyribus beatam sociavit Afram

Cum sub Diocletiano tyranno saeva persecutionis tempestas Christi turbaret ecclesias beatus praesul Narcissus domino favente vindelicam venit Augustam

In qua civitate cum puellis suis Veneris sacris dedita tunc turpis sed postmodum sanctissima habitavit Afra

Cujus prostibulum cum Felice diacono suo sanctus praesul ignorans ingressus pacem domui imprecatur benigneque quasi pro turpi amatore suscipitur

Cum psalmis deo et hymnis sancti viri vota persolverent Afra stupens et tremebunda insoliti quid sibi hospites velint est admirata

Audiens vero beatum virum christianorum esse antistitem pedibus ejus prosternitur se turpem se peccatricem talique indignam hospite profitetur

Quam vir sanctus verbis evangelicis consolatus ad paenitentiam et conversionem cohortatur eique si credere et baptizari velit veniam et vitam aeternam pollicetur

Beatus pontifex Narcissus cum beatas feminas gratia divina praeventas capaces verbi persensisset toto nisu fructices errorum exstirpare et veritatis frugem studuit inserere

Domino pro ipsis supplicans et verbum vitae eis annuntians

Sancto praesule precibus obnixius insistente daemon nigerrimus et horrore plenus apparuit ac se injuriam suis e sedibus pelli proclamabat

Mundi cordis amatorem nil in tam sordidis habere vasis protestatur

Hostis antiquus caelesti virtute et rationum veritate confutatus victus tandem aufugit et deditas jam Christo feminas ejulans reliquit

Coactus a sancto pontifice mortiferum in faucibus alpium draconem perimere

Gloria patri et filio et spiritui sancto

Laetamini in domino*

Sancto pontifice in divinis laudibus pernoctante lux caelitus emissa et tenebras noctis excussit et cor Afrae splendore fidei illuminavit

Cumque dulcem sanae doctrinae saporem praegustasset Afra puellas suas allocuta promptas eas ad viam vitae pedisequas invenit

Afra priscam Rahab Jerichontem secuta veri Jesu legatos ad supplicia a persecutoribus requisita sub lini fasciculis supernae civitatis futura civis occultavit

Imbuta verae fidei rudimentis Afra quaeque a sancto hospite salutaria percepit matri suae Hilariae fideliter indicavit

Quae beatum virum noctu ad se transmissum gratulabunda suscipiens pedes ejus amplectitur vitaeque prioris miseros errores confitetur

Auditis praesul sanctus turpissimis ab Hilaria daemonum culturis gemens et lacrimas fundens pias cum diacono suo pro tanto errore domino preces effudit

Propulso post longum conflictum prisci erroris persuasore vir domini Narcissus beatas mulieres fide Christi plenius instruxit et salutari lavacro paenitentia et jejuniis praeparari fecit

Familiam totam cognatos affines et amicos

Cum fontem vitae sitientes et fide alacres perspexisset sanctus pontifex domino gratias referens Christi baptismo gaudentes abluit omnes

Vasa prius irae in vasa emundans misericordiae

Mox omnibus in fide Christi confortatis avunculum Afrae Dionysium episcopum eis praefecit et domum Hilariae ecclesiam dedicavit

Ut ubi spurca pridem commercia Christi deinceps frequentarentur mysteria