Alleluia Inveni David servum meum oleo sancto meo unxi eum

Alleluia Elegit te dominus sibi in sacerdotem magnum in populo suo

Alleluia Tu es sacerdos in aeternum secundum ordinem Melchisedech

Alleluia Adducentur regi virgines post eam proximae ejus offerrentur tibi in laetitia

Alleluia Loquebar de testimoniis tuis in conspectu regum et non confundebar domine

Alleluia Specie tua et pulchritudine tua intende prospere procede et regna

Alleluia Diffusa est gratia in labiis tuis propterea benedixit te deus in aeternum

Alleluia Audi filia et fide et inclina aurem tuam quia concupivit rex speciem tuam

Alleluia Post partum virgo inviolata permansisti dei genetrix intercede pro nobis

Alleluia Ave Maria gratia plena dominus tecum*

Omnipotentem semper adorant et benedicunt omne per aevum | Astra polorum cuncta chorique solque sororque lumina caeli | Hinc quoque lymphae quaeque supernae ros pluviaeque spiritus omnis | Ignis et aestas cauma geluque frigus et ardor atque pruina | Nix glaciesque noxque diesque lux tenebraeque fulgura nubes | Arida montes germina colles flumina fontes pontus et undae | Omnia viva quae vehit aequor quae vehit aer terraque nutrit | Cuncta hominum gens Israel ipse Christicolaeque servuli quique | Sancti humilesque corde benigno tresque pusilli exsuperantes | Rite camini ignei flammas jussa tyranni temnere prompti

Benedictus es domine deus patrum nostrorum et laudabilis et gloriosus in saecula | Et benedictum nomen gloriae tuae quod est sanctum | Benedictus es in templo sancto gloriae tuae | Benedictus es super thronum sanctum regni tui | Benedictus es super sceptrum divinitatis tuae | Benedictus es qui sedes super cherubim intuens abyssos | Benedictus es qui ambulas super pennas ventorum | Benedicant te omnes angeli et sancti tui | Benedicant te caeli terra mare et omnia quae in eis sunt | Gloria patri et filio et spiritui sancto | Sicut erat in principio et nunc et semper et in …

Protege domine plebem tuam per signum sanctae crucis ab omnibus insidiis inimicorum omnium ut tibi gratam exhibeamus servitutem et acceptabile tibi fiat sacrificium nostrum alleluia

Qui pro mundi salute in ligno crucis innocens pependisti miserere populo quem redemisti ut sacro signaculo insignitus a periculis omnibus sit securus

Salvator mundi salva nos omnes et omnia quae adjuvant benignus nobis impende et cuncta nocentia a nobis procul repelle atque ad protegendum nos dexteram tuae majestatis extende

Cum appropinquaretdominus Jerusalem misit duos ex discipulis suis dicens ite in castellum quod est contra vos et invenietis pullum asinae alligatum super quem nullus hominum sedit solvite et adducite mihi si quis vos interrogaverit dicite opus domini est solventes adduxerunt ad Jesum et imposuerunt illi vestimenta et sedit super eum alii expandebant vestimenta sua in via alii ramos de arboribus exsternebant et qui sequebantur clamabant hosanna benedictus qui venit in nomine domini benedictum regnum patris nostri David hosanna in excelsis miserere nobis fili David

Collegerunt pontifices et pharisaei concilium et dicebant quid facimus quia hic homo multa signa facit si dimittimus eum sic omnes credent in eum | ne forte veniant Romani et tollant nostrum locum et gentem

Unus autem ex ipsis Caiphas nomine dum esset pontifex anni illius prophetavit dicens expedit vobis ut unus moriatur homo pro populo et non tota gens pereat ab illo ergo die cogitaverunt interficere eum dicentes

Cum audisset populus quia Jesus venit Jerusalem acceperunt ramos palmarum et exierunt ei obviam et clamabant pueri dicentes hic est qui venturus est in salutem populi hic est salus nostra et redemptio Israel quantus est iste cui throni et dominationes occurrunt noli timere filia Sion ecce rex tuus venit tibi sedens super pullum asinae sicut scriptum est salve rex fabricator mundi qui venisti redimere nos

Ante sex dies sollemnis paschae quia venit dominus in civitatem Jerusalem occurrerunt ei pueri et in manibus portabant ramos palmarum et clamabant voce magna dicentes hosanna in excelsis benedictus qui venisti in multitudine misericordiae hosanna in excelsis

Gloria laus et honor tibi sit rex Christe redemptor cui puerile decus prompsit hosanna pium | Israel es tu rex Davidis et inclyta proles nomine qui in domini rex benedicte venis | Coetus in excelsis te laudat caelicus omnis et mortalis homo et cuncta creata simul | Plebs Hebraea tibi cum palmis obvia venit cum prece voto hymnis adsumus ecce tibi | Hi tibi passuro solvebant munia laudis nos tibi regnanti pangimus ecce melos | Hi placuere tibi placeat devotio nostra rex pie rex clemens cui bona cuncta placent |

Ante diem festum paschae sciens Jesus quia ejus hora venit ut transeat ex hoc mundo ad patrem et cena facta surrexit linteo praecinxit se misit aquam in pelvem coepit lavare pedes discipulorum venit ad Petrum dicit ei Simon non lavabis mihi pedes in aeternum respondit Jesus si non lavero tibi non habebis partem mecum domine non solum pedes tantum sed manus et caput

Cena facta dixit Jesus discipulis suis amen amen dico vobis unus vestrum est hic qui me traditurus est in hac nocte

Popule meus quid feci tibi aut in quo contristavi te responde mihi quia eduxi te de terra Aegypti parasti crucem salvatori tuo

Quia eduxi te per desertum quadraginta annis et manna cibavi te et introduxi in terram satis optimam parasti crucem salvatori tuo

Quid ultra debui facere tibi et non feci ego quidem plantavi te vineam meam fructu decora et tu facta es mihi satis amara aceto namque siti mea potasti et lancea perforasti latus salvatoris tui

Ecce lignum crucis in quo salus mundi pependit venite adoremus

Crucem tuam adoramus domine et sanctam resurrectionem tuam laudamus et glorificamus ecce enim propter crucem venit gaudium in universo mundo

Crucem tuam adoramus domine et sanctam resurrectionem tuam glorificamus quia venit salus in universo mundo

Cum fabricator mundi mortis supplicium pateretur in cruce clamans voce magna tradidit spiritum et ecce velum templi divisum est monumenta aperta sunt terraemotus enim factus est magnus quia mortem filii dei clamabat mundus se sustinere non posse aperto ergo lancea militis latere crucifixi domini exivit sanguis et aqua in redemptionem salutis nostrae o admirabile pretium cujus pondere captivitas redempta est mundi tartarea confracta sunt claustra inferni aperta est nobis janua regni

Crux fidelis inter omnes arbor una nobilis nulla silva talem profert fronde flore germine dulce lignum dulces clavos dulce pondus sustinet

Pange lingua gloriosi proelium certaminis et super crucis tropaeo dic triumphum nobilem qualiter redemptor orbis immolatus vicerit | De parentis protoplasti fraude factor condolens quando pomi noxialis morsu in morte corruit ipse lignum tunc notavit damna ligni ut solveret | Hoc opus nostrae salutis ordo depoposcerat multiformis perditoris ars ut artem falleret et medelam ferret inde hostis unde laeserat | Quando venit ergo sacri plenitudo temporis missus est ab arce patris natus orbis conditor atque ventre virginali carne factus prodiit | Vagit infans inter arcta positus cubilia Membra pannis involuta virgo mater alligat et pedes manusque crura stricta cingit fascia …

Surrexit enim sicut dixit dominus ecce praecedet vos in Galilaeam ibi eum videbitis alleluia alleluia

In die resurrectionis meae dicit dominus alleluia congregabo gentes et colligam regna et effundam super vos aquam mundam alleluia

Vidi aquam egredientem de templo a latere dextero alleluia et omnes ad quos pervenit aqua ista salvi facti sunt et dicent alleluia alleluia

Sedit angelus ad sepulcrum domini stola claritatis coopertus videntes eum mulieres nimio terrore perterritae astiterunt a longe tunc locutus est angelus et dixit eis nolite metuere dico vobis quia illum quem quaeritis mortuum jam vivit et vita hominum cum eo surrexit alleluia

Recordamini quomodo praedixit quia oportet filium hominis crucifigi et tertia die a morte suscitari

Crucifixum dominum laudate et sepultum propter vos glorificate resurgentemque de morte adorate

Cum rex gloriae Christus infernum debellaturus intraret et chorus angelicus ante faciem ejus portas principum tolli praeciperet sanctorum populus qui tenebatur in morte captivus voce lacrimabili clamaverat advenisti desiderabilis quem exspectabamus in tenebris ut educeres hac nocte vinculatos de claustris te nostra vocabant suspiria te larga requirebant lamenta tu factus es spes desperatis magna consolatio in tormentis alleluia

Ego sum deus patrum vestrorum dicit dominus videns vidi afflictionem populi mei et gemitum ejus audivi et descendi liberare eos alleluia alleluia

Populus Sion convertimini ad dominum deum vestrum et dicite ei potens es domine dimittere peccata nostra ut non inveniant nos iniquitates nostrae deus noster alleluia alleluia

Domine deus noster qui cum patribus nostris mirabilia magna fecisti et nostris glorificare temporibus qui misisti manum tuam de alto et liberasti nos alleluia

Confitemini domino filii Israel quia non est alius deus praeter eum ipse liberavit nos propter misericordiam suam aspicite quae fecit nobiscum et enarremus omnia mirabilia ejus alleluia

Exclamemus omnes ad dominum dicentes peccavimus tibi domine patientiam habe in nobis et erue nos a malis quae cottidie accrescunt super nos alleluia

Parce domine parce populo tuo quem redemisti Christe sanguine tuo ut non in aeternum irascaris nobis alleluia alleluia

Domine imminuti sumus propter peccata nostra hodie sed in animo contrito spiritu humilitatis suscipiamur et fac nobiscum secundum mansuetudinem tuam quia non est confusio confidentibus in te alleluia

Iniquitates nostrae domine multiplicatae sunt super capita nostra delicta nostra creverunt usque ad caelos parce domine et inclina super nos misericordiam tuam alleluia

Domine non est alius deus praeter te et quia tibi de omnibus cura est eo quod omnium dominus es parce populo tuo qui das peccantibus largitatem ut convertatur malitia in bonitatem alleluia

Exaudi domine deprecationem servorum tuorum et miserere populo tuo ut sciant omnes gentes quia tu es deus saeculorum miserere civitati sanctificationis tuae domine deus noster alleluia alleluia

Miserere domine plebi tuae super quam invocatur nomen tuum ut sciant omnes qui habitant terram quia tu es deus populorum tuorum alleluia

Dimitte domine peccata populi tui secundum multitudinem misericordiae tuae sicut propitius fuisti patribus nostris propitius esto et nobis et implebitur gloria tua universa terra alleluia

Exaudi deus deprecationem nostram et propitius esto populo tuo et converte tribulationem nostram in gaudium ut viventes benedicamus te domine alleluia

Deprecamur te domine in omni misericordia tua ut auferatur furor tuus et ira tua a monasterio isto et de domo sancta tua quoniam peccavimus alleluia

Inclina domine aurem tuam et audi respice de caelo et vide afflictionem populi tui exaudi domine propitiare domine intende ne tardaveris quia nomen sanctum tuum invocatur super nos alleluia

Multa sunt domine peccata nostra tibi peccavimus patientia Israel libera nos domine in tempore angustiae nostrae alleluia

Peccavimus domine et tu iratus es nobis et non est qui effugiat manum tuam sed supplicamus ut veniat super nos misericordia tua qui Ninive pepercisti miserere nobis alleluia

Invocantes dominum exclamemus ut respiciat populum suum conculcatum et dolentem et protegat templum ne ab impiis contaminetur sed misereatur nimis afflictae civitatis suae

Domine rex deus Abraham dona nobis pluviam super faciem terrae ut discat populus iste quia tu es dominus deus noster

Numquid est in idolis gentium qui pluat nisi tu deus aut caeli possunt dare pluviam nisi tu volueris tu es dominus deus noster quem exspectamus dona nobis pluviam alleluia alleluia

Exaudi domine populum tuum confitentem nomini tuo et dimitte peccata servorum tuorum et populi tui Israel et dona pluviam super terram quam dedisti patribus nostris domine deus noster

Respice domine quia aruit terra rugiunt jumenta quia defecerunt pascuae et exsiccata sunt flumina jam miserere domine et excita domine pluviam ut non arescat quod plantavit dextera tua

Domine erigans montes de superioribus tuis de fructu operum tuorum domine satiabitur terra quam magnificata opera tua domine omnia in sapientia fecisti repleta est terra creatura tua domine

Inundaverunt aquae domine super capita nostra invocavimus nomen tuum de lacum novissimo ne avertas faciem tuam a singultu nostro

Non nos demergat domine tempestas aquae neque absorbeat nos profundum neque urgeat in nos puteus os suum mitte manum tuam de alto et libera nos de aquis multis

Exaudi nos qui exaudisti Ionam de ventre ceti exaudi nos clamantes qui exaudisti David prostratum et jacentem in cilicio clamantem et dicentem parce parce et defende plasma tuum deus noster

Libera domine populum tuum de manu mortis et plebem istam protegat dextera tua ut viventes benedicamus te domine

Domine miserere nostri te exspectavimus esto bracchium nostrum in fortitudine et salus nostra in tempore tribulationis domine deus noster

Convertere domine aliquantulum et deprecare super servos tuos pro diebus et annis in quibus vidimus mala respice in servos tuos et in opera tua ut sit splendor domini dei nostri super nos et dirige nos

Non in justificationibus nostris prosternimus preces ante faciem tuam domine sed in miserationibus tuis multis placare domine fac ne moreris propter temetipsum deus noster

Annuntiate inter gentes gloriam ejus alleluia quoniam magnus est dominus alleluia gaudebunt campi et omnia quae in eis sunt alleluia

In sanctis gloriosus es deus noster quis similis tibi sanctimonium tuum domine quod praeparaverunt manus tuae domine qui regnas in aeternum et in saeculum et adhuc alleluia

Ecce populus custodiens judicium et faciens veritatem in te speraverunt domine usque in aeternum via justorum recta facta est et iter sanctorum praeparatum est

Cum jucunditate exhibitis et cum gaudio deducimini nam et montes et colles exsilient exspectantes vos cum gaudio alleluia

De Jerusalem exeunt reliquiae et salvatio de monte Sion propterea protectio erit huic monasterio et salvabitur propter David famulum eius

Ingredere benedicite dominio praeparata est habitatio sedis tuae

Ambulate sancti dei ingredimini in civitatem domini aedificata est enim vobis ecclesia nova ubi populus adorare debeat majestatem domini

Ambulate sancti dei ad locum destinatum qui vobis praeparatus est ab origine mundi

Custodit dominus animas sanctorum suorum de manu peccatoris liberavit eos lux orta est justis et rectis corde laetitia alleluia

Deus cujus dextera beatum Petrum in fluctibus ne mergeretur erexit et coapostolum ejus Paulum de profundo pelagi liberavit exaudi nos propitius et concede ut amborum meritis aeternitatis gloriam consequamur

Martyr Christi ille regis semper invicti miles invictissime ora et intercede pro cunctis fidentibus tuis patrocinus ut nobis dominus peccata dimittat pacem tribuat morbos repellat aeris temperiem et fruges nobis terrae concedat seritatem gentium comprimat atque in omni necessitate se invocatibus ad esse dignetur amen

Suffragante domine beato Gallo confessore tuo quaesumus infundatur gratia spiritus sancti in corda nostra ut mala vitare valeamus et bonis omnibus perfruamur alleluia

Homo iste fecit mirabilia in vita sua et probatus perfectus inventus est in gloria aeterna

Oremus dilectissimi nobis deum patrem omnipotentem ut cunctis mundum purget erroribus morbos auferat famem depellat aperiat carceres vincla dissolvat peregrinantibus reditum infirmantibus sanitatem navigantibus portum salutis aperiat et pacem tribuat in diebus nostris insurgentesque depellat inimicos et de manu inferni liberet nos propter nomen suum alleluia

Omnipotens deus maestorum consolatio laborantium fortitudo perveniant ad te praeces de quacumque tribulatione clamantium ut omnes sibi in necessitatibus suis misericordiam tuam gaudeant adfuisse

Dimitte nobis domine et debita nostra sicut et nos dimittimus debitoribus nostris et ne nos inducas in tentationem sed libera nos ab omni malo alleluia

Christe qui regnas in caelis et sedes ad dexteram patris et habitas inter angelos et archangelos thronos dominationes et apostoli tui te laudant et martyres tui hymnum cantant et confessores in paradiso voces concordant et dicunt o beati omnes qui gloriam deo dicunt et habitant cum eo in pace quia omnes qui propter deum laboraverunt in terris illos perducis ad caelestia regna nos autem oportet te laudare et benedicere quia tu nos de terris ad caelos vocare dignatus es alleluia

Super populum tuum domine quaesumus benedictio copiosa descendat indulgentia veniat consolatio tribuatur fides sancta succrescat redemptio sempiterna firmentur

Oportet nos mundum contemnere ut possimus sequi Christum dominum ne perdamus vitam perpetuam propter vanam hujus mundi gloriam te laudamus domine omnipotens qui sedes super cherubim et seraphim exaudi nos te adorant angeli et archangeli te venerantur prophetae et apostoli te adoramus magnum redemptorem quem pater misit ovibus pastorem alleluia alleluia

Monasterium istud circumda domine et angeli tui custodiant portas ejus et famulos tuos exaudi omnipotens

Signum salutis pone domine Jesu non permittas introire angelum percutientem alleluia

Alleluia Sancti spiritus domine corda nostra mundet infusio et sui roris intima aspersione fecundet

Dominus dabit*

Benedixisti domine terram tuam avertisti captivitatem Jacob*

Jerusalem*

Lauda Jerusalem dominum lauda deum tuum Sion

Diffusa est*

Propter veritatem et mansuetudinem et justitiam et deducet te mirabiliter dextera tua

Dicite pusillanimes*

Deus manifeste veniet deus noster et non silebit

Ecce virgo*