Regnum*

Igitur Joseph ductus est in Aegyptum fuitque dominus cum eo per quem erat vir in cunctis prospere agens

Misertus enim est deus illius et omnia ejus opera dirigebat

Gloria patri et filio et spiritui sancto

Dedit pater paenitenti filio stolam primam pariter et annulum nam et calceamenta illi tribuens celebravit magnum convivium habemus stolam primam in lavacro et annulum fidei signaculum

Dominum qui fecit nos venite adoremus

Ex more docti*

Domine in virtute*

Scuto circumdabit*

Videntes Joseph a longe loquebantur mutuo fratres dicentes ecce somniator venit venite occidamus eum et videamus si prosint illi somnia sua

Cumque vidissent Joseph fratres sui quod a patre cunctis fratribus plus amaretur oderant eum nec poterant ei quicquam pacifice loqui unde et dicebant

Dixit Judas fratribus suis ecce Ismaelitae transeunt venite venumdetur et manus nostrae non polluantur caro enim et frater noster est

Cumque abisset Ruben ad puteum et non invenisset eum scissis vestibus pergens ad fratres ait puer non comparet et ego quo ibo

Videns Jacob vestimenta Joseph scidit vestimenta sua cum fletu et dixit fera pessima devoravit filium meum Joseph

Vide si tunica filii tui sit an non et cum vidisset pater ait

Joseph dum intraret in terram Aegypti linguam quam non novit audivit manus ejus in laboribus servierunt et lingua ejus inter principes loquebatur sapientiam

Humiliaverunt in compedibus pedes ejus ferrum pertransit animam ejus donec veniret verbum ejus

Memento mei dum bene tibi fuerit ut suggeras pharaoni ut educat me de isto carcere quia furtim sublatus sum et hic innocens in lacum missus sum

Tres enim adhuc dies sunt post quos recordabitur pharao ministerii tui et revocat te in gradum pristinum tunc memento mei

Merito haec patimur quia peccavimus in fratrem nostrum videntes angustiam animae ejus dum deprecaretur nos et non audivimus idcirco venit super nos tribulatio

Dixit Ruben fratribus suis numquid non dixi vobis nolite peccare in puerum et non audistis me

Dixit Ruben fratribus suis numquid non dixi vobis nolite peccare in puerum et non audistis me en sanguis ejus exquiritur

Merito haec patimur quia peccavimus in fratrem nostrum videntes angustiam ejus dum deprecaretur nos et non audivimus

Tollite hinc vobiscum munera et ite ad dominum terrae et cum inveneritis adorate eum super terram deus autem meus faciat vobis eum placabilem et remittat et hunc fratrem vestrum vobiscum et eum quem tenet in vinculis

Sumite de optimis terrae frugibus in vasis vestris et deserte viro munera

Qui non colligit mecum dispergit et qui non est mecum contra me est

Iste est frater vester minimus de quo dixeratis mihi deus misereatur tui fili mi festinavitque in domo et ploravit quia erumpebant lacrymae et non poterat se continere

Attollens autem Joseph oculos vidit Benjamin stantem commota sunt omnia viscera ejus super fratre suo

Dixit Joseph undecim fratribus ego sum Joseph quem vendidistis in Aegyptum adhuc vivit pater noster senior de quo dixeratis mihi ite adducite eum ad me ut possit vivere

Biennum est quod coepit esse fames in terra adhuc restant alii quinque quibus nec arari poterit nec meti

Nuntiaverunt Jacob dicentes Joseph filius tuus vivit et ipse dominatur in tota terra Aegypti quo audito revixit spiritus ejus et dixit sufficit mihi vadam et videbo eum antequam moriar

Cumque audisset Jacob quod filius ejus viveret quasi de gravi somno evigilans ait

Salus nostra in manu tua est domine respiciat super nos misericordia tua ut securi serviamus regi

Venerunt quoque Aegyptii ad Joseph dicentes da nobis alimenta ut possimus vivere

Fac benigne in bona voluntate tua ut aedificentur domine muri Jerusalem

Dominus mihi adjutor est non timebo quid faciat mihi homo

Deus misereatur et benedicat nobis

Vim virtutis suae oblitus est ignis ut pueri tui liberarentur illaesi

Sol et luna laudate deum quia exaltatum est nomen ejus solius

Erat Jesus ejiciens daemonium et illud erat mittum et dum ejicisset daemonium locutus est mutus et admirate sunt turbae

Si in digito dei ejicio daemonia profecto venit in vos regnum dei

Dum fortis armatus custodit atrium suum in pace sunt omnia quae possidet

Cum immundus spiritus exierit ab homine ambulat per loca inaquosa quaerens requiem et non invenit

Beati qui audiunt verbum dei et custodiunt illud

Extollens quaedam mulier vocem de turba dixit beatus venter qui te portavit et ubera quae suxisti at Jesus dixit ei Quinimmo beati qui audiunt verbum dei et custodiunt illud