Apparebit in finem et non mentietur si moram fecerit exspecta eum quia veniens veniet

Bethleem civitas dei summi ex te exiet dominator Israel et egressus ejus sicut a principio dierum aeternitatis et magnificabitur in medio universae terrae et pax erit in terra nostra dum venerit

Loquetur pacem gentibus et potestas ejus a mari usque ad mare

Paratus esto Israel in occursum domini quoniam venit formans montes et creans spiritus et annuntians in hominibus Christum esse venturum

Ex Sion species decorum ejus deus noster manifeste veniet

Qui venturus est veniet et non tardabit jam non erit timor in finibus nostris quoniam ipse est salvator noster

Deponet omnes iniquitates nostras et projiciet in profundum maris omnia pecatta nostra

Gloria*

Aegypte noli flere quia dominator tuus veniet tibi ante cujus conspectum movebuntur abyssi liberare populum suum de manu potentium

Ecce veniet dominus exercituum deus tuus in potestate magna

Egredietur dominus et proeliabitur contra gentes et stabunt pedes ejus supra montes Olivarum ad orientem

Et elevabitur super omnes colles et fluent ad eum omnes gentes