Prope est ut veniat tempus ejus et dies ejus non elongabuntur miserebitur dominus Jacob et Israel salvabitur
Revertere virgo Israel revertere in civitates tuas
Festina ne tardaveris domine et libera populum tuum
Veni domine et noli tardare relaxa facinora plebis tuae
Ite dicite Joanni caeci vident et surdi audiunt claudi curantur leprosi mundantur
Descendet dominus sicut pluvia in vellus orietur in diebus ejus justitia et abundantia pacis
Et adorabunt eum omnes reges terrae omnes gentes servient ei
Veni domine et noli tardare relaxa facinora plebis tuae et revoca dispersos in terram suam
Excita domine potentiam tuam et veni ut salvos facias nos
Radix Jesse qui exsurget judicare gentes in eum gentes sperabunt et erit nomen ejus benedictum in saecula
Super quem continebunt reges os suum ipsum gentes te deprecabuntur
Ecce radix Jesse ascendet in salutem populorum ipsum gentes deprecabuntur et erit nomen ejus gloriosum
Exsurget rex immense pietatis et per virginem nascetur mundi salus