Cum natus esset Jesus in Bethleem Judae in diebus Herodis regis ecce magi ab oriente venerunt Jerusalem dicentes

Omnes gentes quascumque fecisti venient et adorabunt coram te domine

Homo natus est*

Adorate dominum alleluia in aula sancta ejus alleluia

Adorate dominum alleluia omnes angeli ejus alleluia

Lux de luce apparuisti Christe cui magi munera offerent alleluia alleluia alleluia

Caeli aperti sunt super eum et vox facta est de caelo dicens hic est filius meus dilectus in quo mihi complacui

Omnes gentes quascumque*

Interrogabat magos Herodes quod signum vidistis super natum regem stellam magnam fulgentem cujus splendor illuminat mundum et nos cognovimus et venimus adorare dominum

Magi veniunt ab oriente inquirentes faciem domini et dicentes

Stella quam viderant magi in oriente antecedebat eos donec venirent ad locum ubi puer erat videntes autem eam gavisi sunt gaudio magno

Et intrantes domum invenerunt puerum cum Maria matre ejus et procidentes adoraverunt eum