Videntes stellam magi gavisi sunt gaudio magno et intrantes domum invenerunt puerum cum Maria matre ejus et procidentes adoraverunt eum et apertis thesauris suis obtulerunt ei munera aurum thus et myrrham

Ab oriente venerunt magi in Bethleem adorare dominum

Reges Tharsis et insulae munera offerunt reges Arabum et Saba dona domino deo adducent

Omnes de Saba venient aurum et thus deferentes

Videntes stellam magi gavisi sunt gaudio magno et intrantes domum obtulerunt domino aurum thus et myrrham

Adorate dominum*

Dies sanctificatus illuxit nobis venite gentes et adorate dominum quia hodie descendit lux magna in terris

Venite adoremus eum quia ipse est dominus deus noster

Tria sunt munera pretiosa quae obtulerunt magi domino in die ista et habent in se divina mysteria in auro ut ostendatur regis potentia in thure sacerdotem magnum considera et in myrrha dominicam sepulturam

Salutis nostrae auctorem magi venerati sunt in cunabulis et de thesauris suis mysticas ei munerum species obtulerunt

Hic est dies praeclarus in quo salvator mundi apparuit quem prophetae praedixerunt angeli adoraverunt cujus stellam magi videntes gavisi sunt et munera ei obtulerunt