Domine descende ut sanes filium meum priusquam moriatur dicit ei Jesus vade filius tuus vivit alleluia

Cognovit autem pater quia illa hora erat in qua dixit Jesus filius tuus vivit et credidit ipse et domus ejus tota

Dixit autem dominus servo redde quod debes procidens autem servus ille rogabat eum dicens patientiam habe in me et omnia reddam tibi

Serve nequam omne debitum dimisi tibi quoniam rogasti me nonne ergo oportuit et te misereri conservi tui sicut et ego tui misertus sum alleluia

Magister scimus quia verax es et viam dei in veritate doces alleluia

Interrogatus a Judaeis dominus si licet censum dari Caesari quibus ille respondebat dicens reddite ergo quae sunt Caesaris Caesari et quae sunt dei deo alleluia

Dicebat enim intra se si tetigero fimbriam vestimenti ejus tantum salva ero

Confide filia quia fides tua te salvum fecit et salva facta est mulier ex illa hora

Cum sublevasset oculos Jesus et vidisset maximam multitudinem venientem ad se dicit ad Philippum unde ememus panes ut manducent hii hoc autem dicebat temptans eum ipse enim sciebat quid esset facturus

Cum vidissent turbae signum quod fecerat Jesus dicebant vere hic est propheta qui venit in mundum