Accessit Jesus et tetigit loculum hi autem qui portabant steterunt et ait adolescens tibi dico surge et resedit qui erat mortuus et coepit loqui alleluia

Adolescens tibi dico surge et resedit qui erat mortuus et coepit loqui et dedit illum matri suae

Accepit autem omnes timor et magnificabant deum dicentes quia propheta magnus surrexit in nobis et quia deus visitavit plebem suam

Dixit Jesus ad legisperitos et pharisaeos si licet sabbato curare hominem at illi tacuerunt ipse vero apprehensum sanavit eum ac dimisit alleluia

Cum vocatus fueris ad nuptias recumbe in novissimo loco ut dicat tibi qui te invitavit amice ascende superius tunc erit tibi gloria coram simul discumbentibus alleluia

Magister quod est mandatum magnum in lege ait illi Jesus diliges dominum deum tuum ex toto corde tuo alleluia

Quid vobis videte Christo cujus filius est dicunt ei omnes David dixit eis Jesus quomodo David in spiritu vocat eum dominum dicens dixit dominus domino meo sede a dexteris meis

Dixit dominus paralytico confide fili remittuntur tibi peccata tua alleluia

Videntes autem turbae timuerunt et glorificaverunt deum qui dedit potestatem talem hominibus

Dicite invitatis ecce prandium meum paravi venite ad nuptias dicit dominus alleluia

Nuptiae quidem paratae sunt sed qui invitati erant non fuerunt digni ite ergo ad exitus viarum et quoscumque inveneritis vocate ad nuptias alleluia