Cui vivere Christus fuit et mori lucrum

Compassus nutrici suae orationem fudit Benedictus puer cum lacrimis capisterium reparavit

Expetitus a fratribus invitus assensum praebuit ut patris eis officio fungeretur

Puer quidam parvulus elephantino morbo percussus ad dei hominem est adductus pristina sanitate recepta incolumis remeavit ad propria

Orabat sanctus Benedictus domine non aspicias peccata mea sed fidem hujus hominis qui rogat resuscitari filium suum et sub oculis omnium viventem puerum reddidit patri suo

Tantam gratiam ei virtus divina contulerat ut sub uno solis radio omnem mundum collectum conspiceret

Sanctissime confessor domini monachorum pater et dux Benedicte intercede pro nostra omniumque salute

Justum deduxit*

Domine non aspicias peccata mea sed fidem hujus hominis qui rogat resuscitari filium suum et redde in hoc corpusculo animam quam tulisti et completa oratione revixit et sanum reddidit patri suo

Et regrediente anima corpusculum omne contremuit et sub oculis omnium qui aderant vivus apparuit

Pater sanctus dum intentas oculorum acies in splendore coruscae lucis habere videretur vidit Germani animam Capuani episcopi in sphaera ignea ab angelis in caelum deferri