Factumque est ut reverendissimum virum Germanum episcopum is qui missus fuerat jam defunctum reperiret

Cumque sanctus Benedictus in cella consisteret elevatis sursum oculis vidit sororis suae animam de corpore ejus egressam in columbae specie caeli secreta penetrare

Qui tantae ejus gloriae congaudens omnipotenti deo gratias reddidit ejusque obitum fratribus denuntiavit

Sanctissime confessor Christi Benedicte monachorum pater et dux intercede pro nostra omniumque salute

Devotae plebi subveni sancta intercessione ut tuis adjuta precibus regna caelestia consequatur

Intempesta noctis cuncta sub silentio quasi sub solis radio totum mundum conspexit

Puer fletum subsecutae consolatus nutriculae vas ubi prece solidat fugit ne laude pereat

Elongatus a nutrice mansit in solitudine

Servus dei Benedictus stetit misertus illius qui clamitabat o meum o redde redde filium

Orans jacentem suscitat reddit patri qui clamitat