Ecce jam cari noscite quam claro scandit tramite Benedictus ad sidera qui hic reliquit omnia

Accepit ergo centuplum et vitam in perpetuum

Gloria Christe tuo tibi personet in Benedicto quem faciens tecum sanctis regnantibus aequum jam quibus aequasti gaudentibus associasti

Nos ejus norma rege serva terge reforma

Gloria patri et filio et spiritui sancto

Benedictus dei famulus magnum fecit miraculum preces fudit ad dominum rejunxit capisterium

Qui dum eremum pergeret Romanum monachum obviavit cujus cum desiderium cognovisset et secretum tenuit et adjutorium impendit

Cumque in specu positus submitti panem diabolus conspiceret jactavit lapidem et tintinnabulum fregit

Inito consilio fratres venenum vino miscuere quo oblato signavit sicque confractum est ac si pro signo lapidem dedisset

Vir domini Benedictus omnium justorum spiritu plenus fuit ipse intercedat pro cunctis monasticae professionis

Justum deduxit*

Christe sanctorum*

Justus germinabit*

Pater sanctus dum intentas oculorum acies in splendore coruscae lucis habere videretur vidit Germani animam Capuani episcopi in sphaera ignea ab angelis in caelum deferri