Duae pennae singulorum jungebantur et duae tegebant eorum corpora

Facies et pennas per quattuor partes habebant incedentes non revertebantur sed unumquodque ibat ante faciem suam

Pedes eorum pedes recti planta pedis ut planta vituli

Electi sunt in Christo ante mundi constitutionem ut essent sancti et immaculati in conspectu dei in caritate

Sapientiam eorum narrabunt omnes populi et laudem eorum pronuntiat omnis ecclesia sanctorum

Spiritu intellegentiae replevit eos dominus et ipsi tamquam imbres miserunt eloquia sapientiae suae

Collaudabunt multi sapientiam sanctorum et usque in saeculum non delebitur

Non recedet memoria eorum et nomen eorum requiretur a generatione et generatione

Placentes deo facti dilecti quoniam gratia et misericordia est in sanctos ejus et respectus in electos illius

Dedisti hereditatem*

Similitudo aspectus animalium ut carbonum ignis ardentium et velut aspectus lampadarum ubi erat spiritus impetus illuc gradiebantur cum ambularent

Et unumquodque eorum ibat coram facies suas

Quattuor animalia ibant et revertebantur in similitudinem fulguris coruscantis et erat in medio splendor ignis et de igne fulgur egrediens