Erat autem visio discurrens in medio quattuor animalium
Cum aspicerem animalia apparuit rota una juxta ea quattuor habens facies et una similitudo ipsarum quattuor
Aspectus rearum et opus erat quasi visio maris
Statura erat rotarum et altitudo horribilis totumque corpus plenum oculis et aspectus earum et opera velut si sit rota in medio rotae
Per quattuor partes euntes ibant et non revertebantur cum ambularent
Sapientiam antiquorum exquisierunt sancti evangelistae et prophetarum dictis narrationem suam confirmaverunt
Annuntiaverunt opera dei*
Cum ambularent animalia ambulabant et rotae juxta ea quocumque ibat spiritus illuc pariter et rotae elevabantur sequentes ea
Cum elevarentur animalia de terra elevabantur et rotae juxta ea
Euntibus animalibus ibant pariter et rotae et cum stantibus stabant et cum elevatis pariter levabantur quia spiritus vitae erat in rotis