Sicut enim per me civitas Catinensium sublimatur a Christo ita per te civitas Syracusana decorabitur

Per ipsam te deprecor mater quae te suis salvavit precibus ne aliquando mihi in terris nomines sponsum nec velis de corporis mei posteritate fructum mortalitatis inquirere

Quae datura eras pro corruptionis meae auctore da mihi eunti ad integritatis meae auctorem Christum

Si tibi gratum vis esse deum vivens et salutem tui corporis habens da Christo quae possides moriens enim ideo das quia tecum auferre non praevales

Non satis deo carus est qui dat quod frui non potest unde et mihi spoponderas incipe tradere Christo

Grata facta est a domino in certamine quia apud deum et apud homines glorificata est in conspectu principum loquebatur sapientiam et dominus omnium dilexit eam

Erecta namque in virtutis culmine tormenta derisit

Fiebat interea praediorum ac gemmarum distractio et cottidie pauperum necessitatibus expendebantur

Tandem ad sponsi notitiam pervenitur proponit ergo litem in judicio sponsam suam christianissimam contra leges vivere augustorum

Paschasius proconsularis Luciam corripiens coepit ad sacrificia daemonum cogere

Beata Lucia dixit Paschasio sacrificium mundum et immaculatum apud deum et patrem hoc est visitare viduas et orphanos in tribulatione eorum

Ego per istos tres annos nihil aliud egi nisi deo vivo sacrificavi jam enim quia nihil superest meipsam offero

Tu principum leges attendis ego dei leges attendo tu principes times ego deum timeo tu illis placere desideras ego ut Christo soli placeam concupisco

Lucia virgo judici dixit patrimonium meum tuto loco constitui corruptores autem nec corporis nec mentis meae aliquando suscepi

Hostiam sanctam viventem deo vivo meipsam offero

Paschasius dixit cessabunt verba dum fuerit perventum ad verbera Lucia respondit verba dei cessare non poterunt ancilla dei sum et ideo dixi verba dei

Non vos inquit Christus loquimini in conspectu judicium sed spiritus sanctus

Numquam inquinatur corpus nisi de consensu mentis nam si invitam me feceris violari castitatis mihi duplicabitur ad coronam

De sensibus enim et de voluntatibus judicat deus

Jussu impii paschasii ubi beatam virginem coeperunt trahere velle ad lupanar tanto pondere eam fixit spiritus sanctus ut tamquam mons immobilis penitus moveri non posset

Impellunt plurimi nec movetur immissis funibus admotis boum paribus multis ita solo haerens manebat

Gloria patri et filio et spiritui sancto

Soror mea Lucia virgo deo devota quid a me petis quod ipsa poteris praestare continuo matri tuae

Quae sunt haec maleficia tua consularis dixit ut puella fragilis a mille tracta hominibus non movearis ista inquit maleficia mea non sunt sed sunt beneficia dei

Si alia decem milia adduxeris audies mihi dicentem spiritum sanctum quod cadent a latere meo mille et decem milia a dexteris meis

Quid cruciaris quid per diversa mentis tuae tormenta vexaris templum dei esse si probasti jam crede si non probasti disce

Caste viventes apostolus Christi esse asserit templum dei et habitare in eis spiritum sanctum

Rogavi dominum meum Jesum Christum ut ignis iste non dominetur mihi et impetravi a domino inducias martyrii mei

Ut credentibus timorem auferrem passionis et non credentibus autem vocem insultationis auferrem

Lucia martyr invictissima sponsa agni hostia dei templum spiritus sancti hoste jam triumphato visceribus patefactis instantius dominum Jesum diutissime praedicabat dum Christi sumptis mysteriis vitae incorruptibili virgo incorrupta successit

Judice confuso et cuncto terrore devicto igne superato gladio quoque transverberata loco omnino non est mota

Torquebatur animo paschasius et ignem pice resina ac ferventi oleo injecto copiosum circa dei famulam fecit accendi

In mediis flammis martyr invicta in nomine domini Jesu Christi exsultans et turbis Christum annuntians manebat immobilis

Ego rogavi dominum meum Jesum Christum ut ignis iste non dominetur mihi quatenus tibi insultent confidentes in Christo

Ideo petivi indutias martyrii mei ut credentibus timorem auferem passionis et non credentibus vocem insultationis auferem

Tunc in viscera ejus gladium mergi fecerunt at illa constantior populum circumstantem diutius allocuta pacem ecclesiae dei redditam nuntiabat

Sicut civitas Catanensium habet intervenientem praedecessorem meam beatam Agathem ita me sciatis a domino huic civitati datam esse si voluntatem ejus facientes susceperitis fidem

Justum deduxit*

Copiosae*

Torquebatur*

In tua patientia*

Ideo petivi*

Tunc in viscera*

Lucia*

Columna es immobilis Lucia martyr Christi quia omnis plebs te exspectat ut accipias coronam regni alleluia

Columna*

In tua*

Sicut civitas*

In omnem terram*

O Thoma Christi*

O Thoma Didyme per Christum quem meruisti tangere te precibus rogamus altissonis succurre nobis miseris ne damnemur cum impiis in adventu judicis

Caeli enarrant*

Regem apostolorum*

Cives apostolorum*

Qui sunt isti*

Invocantem*

Beati eritis*

Thomas qui dicitur*

Invocantem*

O rex justitiae qui Thomam apostolico fastu sullimatur ad sedes sidereas enexisti venturum te mundi judicem sentiamus placabilem ope tanti apostoli

Haec virgo*

Haec est virgo*

Diffusa est*

Amavit*

Ecce sacerdos*

Ora pro*

In circuitu*

Sint lumbi*

Exsultent justi*

Ave praesul*

Alme confessor*

Sancti per*

Praesul insignis*

Sancte Wulstane*

Ave pater Wulstane pastor egregie dirige nos in viam justitiae refove in loco caelestis pascue ut cum sponso cubantes in meridie introduci mereamur in hortum gloriae

Psallentes Christo Christum veneremur in isto qui sanctis donat quod in ipsis ipse coronat

Praeclara festivitas quam celebramus hodie circumcinxit gaudio orbem brittanniae

In Wulstano cujus aetas adhuc lactis particeps virginalis vite metas tenuit et deinceps

Quem parentes litterarum tradidere studiis ne quid esset quo dolerent indulgentem ociis

Florem mundi adolescens spernens ut deciduum totum sibi danti totum vite dat residuum

Relinquens Wulstanus pallium Aegyptiae regularis ritu vestis militat justitiae

Vita verbo est Wulstanus speculum in populis scriba doctus ad astellas os retorquens turturis

Amavit eum dominus*

Celebremus diem istum in Wulstano nobis venerabilem qui in Christo transmigravit ad locum admirabilem sanctificatis sanctificandis sanctis habitabilem

Est ubi vera quies perpes sine murmure merces

Ecce virum a virtute virum plenum gratia fides cujus de salute bene sibi conscia hunc de mundo absolute levant ad caelestia

Seminavit in benedictionibus et ecce metit vitam aeternam

Naufragantis carnis pudor ubi sexus frangitur in spinetum egit virum ubi dolor carpitur numquam flecti lenocinio sic Wulstanus meruit aspirante domino

Causa salutis erant spinae que causa doloris

Pro te Jesu Christe morte afficitur tota die sanctus iste diebus in hebdomada tribus non manducans ceteris paucis vitam sustentans inde domine consigna meritum qui se sic mactavit vivum ut vivat tecum

A domino factum est istud et est mirabile in oculis nostris

Gloria patri et filio et spiritui sancto

Quam salubre invocatum Wulstani nomen fuerit norunt illi fervor maris fere quos absorbuit

Febres fugat tactu manus caecus videt claudus sanus surgit ejus meritis

Reddit muto consonantis verbum quod amiserat et contractae linguae motum sono vocis reparat

De sublimi praeceps lapsus membris ne quid conteri quia sanctus benedixit et subtraxit funeri

Dum oraret sanctus vigil lucis in crepusculo dolens hostis ejus pedem fodit ignis jaculo

Perseverans ulcus illud multos visu teruit et hostilis lucte sancto argumentum prebuit

Justum deduxit dominus*