O admirabile beati Gregorii meritum quo intercedente offa dominici corporis pars digiti auricularis sanguine cruentata inventa ac ostensa est

Ad hujus quoque spectat meritum quod trajani paganissimi animam orationibus ac lacrimis mercatam ex ipsa inferorum conclavi eripuit

Ejus quoque laudabile praeconium est quod Anglorum ecclesia nova semper sobole fecundatur

Ipsius quoque gloriae ascribitur quod suessorum gloria una cum sanctis his quiescentibus ejus precibus constare videtur

Laudemus dominum quod doctrinis beatissimi Gregorii multi per orbem universum de peccato elongati revertuntur ad Christi clementiam

Amavit eum*

Hodie vas electionis et habitaculum spiritus sancti beatissimus Gregorius pontifex ex hac luce subtractus ad aeterni regni caelestis sedem est translatus

Egregio*

O admirabile*

Gaudeamus*

Ejus quoque*

Laudemus*

O admirabile*

Ad hujus quoque*

Ejus quoque*

Laudemus*

O pastor*

Iste est de primoribus theologis unus Gregorius papa inclytus Romulea urbe editus cujus doctrina fulget ecclesia ut sol et luna

Egregio*

Hodie*

Agmina sacra*

Oriens sol justitiae dignatus est illustrare per ministros lucis suae cunctos fines orbis terrae ipsi laus qui dedit Anglis lucernam suae salutis Cuthbertum bonum doctorem ac pro his intercessorem

Miles Christi*

Regi jubilemus in hac sacra sollemnitate pontificis nostri Cuthberti

Iste confessor*

Auctor donorum spiritus inspirans vera vatibus per trinum fatur infantem Cuthbertum fore praesulem

Qui Raphaelem archangelum Tobiae dedit medicum Cuthberti genu languidum suum sanat per angelum

Dum jactantur puppes salo sanctus orans heret solo mox ventorum vis mutata naves vertit ad litora

Edomans corpus juvenis in undis pernoctat maris ibi deo vota laudis ex affectu reddit cordis

Mirum dictu hinc egresso et oranti genu flexo membra refovent rigida aequoris animalia

Adest frater curiosus explorans quid agat justus quem languore et pavore mox correptum sanat prece

Cuthbertus puer bonae indolis pervigil nocturnis insistens hymnis Aidani episcopi animam in caelum ferri vidit ab angelis

Cum pastoribus ovium positus pastor animarum a deo praeelectus mente et vultu supernis intentus

In sanctis crescens virtutibus almus vir Cuthbertus despectis hujus caduci saeculi rebus venerabilis ac per cuncta digne laudabilis factus est monachus

Corpore mente habitu factisque probabilibus castris dominicis associatus

Patriarchae nostri Abrahae exemplo beatus pater Cuthbertus hospitalitatis deditus officio supernum civem gaudens excepit hospicio cui dum terrenum querit ministrare panem recipere meruit caelestem

Digreditur namque vir dei panem cupiens deferre calentem sed rediens nequaquam invenit conviviam

Vir domini Cuthbertus maris tempestate cum sociis praeclusus futuri diem sereni certum praedixit cum quibus eciam cibo sua sibi prece divinitus dato pasci promeruit

Positis namque genibus orationem fudit nautasque in domino fidere jussit

Quamdam vexatam daemone pergit sanctus invisere sed mox dirus fugit hostis fit mulier incolumis

Multos hic sanavit aegros languores depellens saevos multas effugavit larvas virtute crucis territas

Sanctus antistes Cuthbertus vir perfectus in omnibus in turbis erat monachus digne cunctis reverendus

Sancte pater Cuthberte ora pro omnium salute et pace et prosperitate tuorum

Sancte Cuthberte confessor domini gloriose adesto nostris precibus pius ac propitius

Iste est qui ante deum magnas virtutes operatus est et omnis terra doctrina ejus repleta est ipse intercedat pro peccatis omnium populorum

Merito sanctitatis et gradu dignitatis accepto vir dei sacerdotio nomen aequabat officio praebens cunctis monita salutis et exempla bonae actionis

Quod enim verbis docebat operibus adimplebat

Igne fervoris divini succensus sanctus sacerdos Cuthbertus ignes noxios saepe repressit suis sacris precibus

Fantasticum quidem ignem cum auctore suo effugavit materialem vero ab aedibus quas vorabat exstinxit

Verloquus vates Cuthbertus ecclesiae jussis precibus lacrimisque coactus ut ipse ante praedixerat episcopali cathedra sublimatur populisque regendis perficitur

E secretis extrahitur latebris et perfusus genas lacrimis

Caelestium minister donorum Cuthbertus antistes uxorem cujusdam comitis aqua benedicta virginem chrismate perunctam patremfamilias pane a se benedicto pristine reddidit sanitati

Juvenem quoque jam pene moriturum sola oratione puerumque seminecem osculo tantum dato

Gloria patri et filio et spiritui sancto

Alme confessor*

Gloriosus vir*

Magnificavit*

Agmina sacra*

O beatum praesulem Cuthbertum qui gratia divini muneris vigens multiplicium morborum valitudines depulit prophetiae spiritu pollens plurimorum ac sui ipsius obitum et praescivit et praenuntiavit

Admirandus cunctis operibus et verbis divina sapientia vitam composuit

Gloria patri et filio et spiritui sancto

Christi fortis hic athleta ac verus anachoreta mundi tempsit haec infima quo caeli caperet summa

Qui de rupe prompsit aquam post in vinum vertens eam hoc utrumque donum suo caro contulit Cuthberto

In episcopatu suo jam exacto biennio ut soli vacaret deo dilecto se reddit antro

Hinc tanguntur artus sacri corporis morbo letali sciens vero se resolvi confortat ovile Christi

Mox pater suos affatur quisque vestrum temnat mundum amet Christum colat bonum sic supernum sumet regnum

Amavit eum*

Ora pro nobis*

Languor accrescens in dies artus vexabat fragiles ipse sacras fundens preces caelicas praegustat laudes dum terrenus redit dies aeternus Cuthberto dies salutares sumit dapes sic supernas scandit sedes

Oriens*

Oriens*

Sanctus Benedictus*

Ut tuae vitae*

Os justi*

Exsultet omnium turba fidelium in transitu almi patris Benedicti laetentur praecipue catervae monachorum celebrantes ejus festa in terris de cujus societate sancti congaudent in caelis

Alme confessor*

O Cuthberte cui Christe fuit vivere cui mori lucrum perennae dum post mortem vivis vere signis divinis inclyte languicos sanas a labe hoc rogamus pia prece tu pro nobis intercede

Confessorum regem adoremus qui caelestis regni meritum et gloriam contulit sancto suo Benedicto

Magno canentes*

Fuit vir vitae venerabilis gratia Benedictus et nomine

Liberiori genere ex provincia Nursiae natus Romae liberalibus litterarum studiis traditus a parentibus fuerat

Ab ipso pueritiae suae tempore cor gerens senile aetatem quippe moribus transiens nulli animum dedit voluptati

Dum in hac terra esset quo temporaliter libere uti potuisset jam quasi aridum mundum cum flore despexit

Relicta domo rebusque patris soli deo placere cupiens sanctae conversationis habitum quaesivit

Recessit igitur scienter nescius et sapienter indoctus

Amavit eum dominus*

Fuit vir vitae venerabilis gratia Benedictus et nomine ab ipso pueritiae tempore cor gerens senile aetatem quippe moribus transiens nulli animum voluptati dedit

Recessit igitur scienter nescius et sapienter indoctus

Sanctus Benedictus plus appetiit mala mundi perpeti quam laudes atque pro deo laboribus fatigari quam vitae hujus favoribus extolli

Divina namque praeventus gratia magis ac magis ad superna animo suspirabat

Inito consilio venenum vino miscuere quo oblato ex more ad benedicendum patri vir dei signum crucis edidit et vas pestiferi potus ita confractum est ac si pro signo lapidem dedisset

Intellexit protinus vir dei quia potum mortis habuerat quod portare non potuit signum vitae

O beati viri Benedicti sancta praeconia o inaestimabilis dilectio caritatis qui dum saeculi pompam contempsit aeternae vitae conjunctus est

Cui vivere Christus fuit et mori lucrum

Compassus nutrici suae orationem fudit Benedictus puer cum lacrimis capisterium reparavit

Expetitus a fratribus invitus assensum praebuit ut patris eis officio fungeretur

Puer quidam parvulus elephantino morbo percussus ad dei hominem est adductus pristina sanitate recepta incolumis remeavit ad propria

Orabat sanctus Benedictus domine non aspicias peccata mea sed fidem hujus hominis qui rogat resuscitari filium suum et sub oculis omnium viventem puerum reddidit patri suo

Tantam gratiam ei virtus divina contulerat ut sub uno solis radio omnem mundum collectum conspiceret

Sanctissime confessor domini monachorum pater et dux Benedicte intercede pro nostra omniumque salute