Factus est*

Spiritus*

Si diligitis*

Factus est*

Sic deus dilexit mundum ut filium suum unigenitum daret ut omnis qui credit in ipso non pereat sed habeat vitam aeternam alleluia

Ego sum ostium dicit dominus per me si quis introierit salvabitur et pascua inveniet alleluia

Ego sum panis vivus qui de caelo descendi dicit dominus si quis manducaverit ex hoc pane vivet in aeternum alleluia

Ultimo festivitatis die dicebat Jesus qui in me credit flumina de ventre ejus fluent aquae vivae hoc autem dixit de spiritu quem accepturi erant credentes in eum alleluia

Apparuerunt apostolis dispertitae linguae tamquam ignis seditque supra singulos eorum spiritus sanctus alleluia

Si quis diligit me sermonem meum servabit et pater meus diliget eum et ad eum veniemus et mansionem apud eum faciemus alleluia

Spiritus sanctus procedens a throno apostolorum pectora invisibiliter penetravit alleluia

Spiritus paraclitus alleluia docebit vos omnia alleluia

Verba quae locutus sum vobis alleluia spiritus et vita sunt

Spiritus qui a patre procedit alleluia ille me clarificabit alleluia alleluia

Spiritus sanctus docebit vos alleluia quaecumque dixero vobis alleluia

Hi qui linguis loquuntur novis Galilaei sunt et serpentes tollent alleluia

Si diligeretis me gauderetis utique quia ad patrem vado quia pater major me est alleluia

Audistis*

Alleluia*

Alleluia*

Spiritus ubi vult spirat alleluia et vocem ejus audis alleluia et nescis unde veniat aut quo vadat alleluia alleluia

Nisi quis renatus fuerit ex aqua et spiritu non potest introire in regnum dei quia quod natum est de carne caro est et quod natum est de spiritu spiritus est alleluia alleluia

Amen amen dico tibi nisi quis natus fuerit denuo non potest videre regnum dei alleluia

Nemo ascendit in caelum nisi qui de caelo descendit filius hominis qui est in caelo alleluia

Sanctus vir Albanus martyr domini qui pro amore Christi sanguinem suum fudit beatus miles Christi gaudet in caelestibus

Descendit angelus domini ad Zachariam dicens accipe puerum in senectute tua et habebit nomen Joannes Baptista

Ingresso Zacharia templum domini apparuit ei Gabriel angelus stans a dexteris altaris incensi

Priusquam te formarem in utero novi te et antequam progredereris sanctificavi te

Ad omnia quae mittam te dicit dominus ibis ne timeas et quae mandavero tibi loqueris ad eos

Ne timeas a facie eorum quia ego tecum sum dicit dominus

Misit dominus manum suam et tetigit os meum et prophetam in gentibus dedit me dominus

Ecce dedi verba mea in ore tuo ecce constitui te super gentes et regna

Dominus ab utero vocavit me de ventre matris meae recordatus est nomini mei

Posuit os meum dominus quasi gladium acutum sub umbra manus suae protexit me

Formans me ex utero servum sibi dominus in lucem gentium ut sim salus ejus ab extremis terrae

Reges videbunt et consurgent principes et adorabunt dominum deum tuum qui elegit te

Elisabeth Zachariae magnum virum genuit Joannem Baptistam praecursorem domini

Innuebant patri ejus quem vellet vocari eum et scripsit dicens Joannes est nomen ejus