Gratias*

Laurentius ingressus est martyr et confessus est nomen domini Jesu Christi

Laurentius bonum opus operatus est qui per signum crucis caecos illuminavit

Adhaesit anima mea post te quia caro mea igne cremata est pro te deus meus

Misit dominus angelum suum et liberavit me de medio ignis et non sum aestuatus

Beatus Laurentius orabat dicens gratias tibi ago domine quia januas ingredi merui

In craticula te deum non negavi et ad ignem applicatus te Christum confessus sum probasti cor meum et visitasti nocte igne me examinasti et non est inventa in me iniquitas

Gratias ago deo meo quia hostia Christi effici merui assatus non negavi et interrogatus Christum confessus sum

Beatus Laurentius clamavit et dixit deum meum colo et illi soli servio et ideo non timeo tormenta tua

Gratias tibi ago domine quia januas tuas ingredi merui

Veni desiderator bone veni suscipiant te angeli mei quoniam assatus non negasti me probatus confessus es me

Beatus Laurentius dum in craticula suprapositus ureretur ad impiissimum tyrannum dixit assatum est jam versa et manduca nam facultates ecclesiae quas requiris in caelestes thesauros manus pauperum deportaverunt

Inclytus martyr Tiburtius cum nudatis plantis super prunas ardentes incederet Fabiano praefecto dixit videtur mihi quod super roseos flores incedam in nomine domini mei Jesu Christi

O Hippolyte si credis in dominum Jesum Christum et thesauros tibi ostendo et vitam aeternam promitto

Isti sunt sancti*

Dixit Hippolytus ad Decium non me exspoliasti sed magis vestisti

Praeses dixit ad Hippolytum factus es insipiens ut nuditatem tuam non erubescis

Dixit Caesar ad Hippolytum nunc magus factus es respondens Hippolytus dixit ad Decium non sum ego magus sed servus domini Jesu Christi

Audita est vox infantium et dicentium gloria deo alleluia

Exemplum merear fieri Laurentii beatissimi martyris

Oravit sanctus Hippolytus voce magna et dixit gratias tibi ago domine meus Jesu Christe quia famulos meos in conspectu tuo pati video

Hortus conclusus est dei genetrix hortus conclusus et fons signatus

Sub tuam protectionem confugimus ubi infirmi acceperunt virtutem et propter hoc tibi psallimus dei genetrix virgo

Descendi in hortum nucum ut viderem poma convallium et inspicerem si floruissent vineae et germinassent mala punica revertere revertere Sunamitis revertere revertere ut intueamur te

Anima mea liquefacta est ut dilectus locutus est quaesivi et non inveni illum vocavi et non respondit mihi invenerunt me custodes civitatis percusserunt me et vulneraverunt me tulerunt pallium meum custodes murorum filiae Jerusalem nuntiate dilecto quia amore langueo

Tota pulchra es amica mea et macula non est in te favus distillans labia tua mel et lac sub lingua tua odor unguentorum tuorum super omnia aromata jam enim hiems transiit imber abiit et recessit flores apparuerunt vineae florentes odorem dederunt et vox turturis audita est in terra nostra surge propera amica mea veni de Libano veni coronaberis

Virgo prudentissima quo progrederis quasi aurora valde rutilans filia Sion tota formosa et suavis es pulchra ut luna electa ut sol

Ecce tu pulchra es amica mea ecce tu pulchra oculi tui columbarum

Sicut lilium inter spinas sic amica mea inter filias

Favus distillans labia tua sponsa et odor vestimentorum tuorum sicut odor thuris

Emissiones tuae paradisus malorum punicorum cum pomorum fructibus

Fons hortorum puteus aquarum viventium quae fluunt impetu de Libano

Talis est dilectus meus et ipse est amicus meus filiae Jerusalem

Veni in hortum meum soror mea sponsa messui myrrham meam cum aromatibus meis

Comedi favum cum melle meo bibi vinum meum cum lacte meo

Veniat dilectus meus in hortum suum ut comedat fructum pomorum suorum

Assumpta est Maria in caelum gaudent angeli laudantes benedicunt dominum

Maria virgo assumpta est ad aethereum thalamum in quo rex regum stellato sedet solio

In odore unguentorum tuorum currimus adolescentulae dilexerunt te nimis

Benedicta filia tu a domino quia per te fructum vitae communicavimus

Pulchra es et decora filia Jerusalem terribilis ut castrorum acies ordinata

Quae est ista quae ascendit sicut aurora consurgens pulchra ut luna electa ut sol terribilis ut castrorum acies ordinata

Exaltata es sancta dei genetrix super choros angelorum ad caelestia regna

Maria virgo semper laetare quae meruisti Christum portare caeli et terrae conditorem quia de tuo utero protulisti mundi salvatorem

Paradisi portae per te nobis apertae sunt quas hodie gloriosa cum angelis triumphas

Tu regis*

Gloria tibi*

Ista est speciosa inter filias Jerusalem

In prole mater in partu virgo gaude et laetare virgo mater domini

Nigra sum sed formosa filia Jerusalem ideo dilexit me rex et introduxit me in cubiculum suum

Oculi tui sancta dei genetrix sicut piscinae in Hesebon quae sunt in porta filiae multitudinis alleluia

Surge aquilo et veni auster perfla hortum meum et fluent aromata illius