Gaudebunt labia mea dum cantavero tibi et anima mea quam redemisti domine
Sed et lingua mea meditabitur justitiam tuam tota die laudem tuam
Cogitavi dies antiquos et annos aeternos in mente habui et meditatus sum nocte cum corde meo et dixi miserere deus
Illuxerunt coruscationes tuae orbi terrae vidit et commota est terra
Domine deus propitius esto populo tuo et converte tribulationem nostram in gaudium
Adjuva nos deus salutaris noster propter gloriam nominis tui domine libera nos
Devastavit vineam tuam aper de silva et singularis ferus depastus est eam vide domine et excita potentiam tuam ne pereat quod plantavit dextera tua
Domine deus virtutum convertere respice de caelo et vide et visita vineam istam
Confitebor tibi domine deus in toto corde meo et honorificabo nomen tuum in aeternum quia misericordia tua domine magna est super me
Et eripuisti animam meam ex inferno inferiori