Super salutem et omnem pulchritudinem dilecta es a domino et regina caelorum vocari digna es gaudent chori angelorum consortes et concives tui

Paradisi porta per Evam cunctis clausa est et per Mariam virginem iterum patefacta est

Isti sunt sancti qui pro testamento dei sua corpora tradiderunt et in sanguine agni laverunt stolas suas

Tradiderunt corpora sua ad supplicia propter dominum

Salvator mundi salva nos omnes sancta dei genetrix virgo semper Maria ora pro nobis precibus apostolorum martyrumque omium et confessorum atque sanctarum virginum suppliciter petimus ut a malis omnibus eruamur bonisque omnibus nunc et semper perfrui mereamur alleluia

In omnem terram exivit sonus eorum

Et in fines orbis terrae verba eorum

Laetamini in domino et exsultate justi

Et gloriamini omnes recti corde

Constitues eos principes super omnem terra

Memores erunt nominis tui domine

Nimis honorati sunt amici tui deus

Nimis confortatus est principatus eorum

Justi autem in perpetuo vivent