Deus iniqui insurrexerunt in me et fortes quaesierunt animam meam

Factus est mihi dominus in refugium et deus meus in auxilium spei meae

Deus ultionum dominus deus ultionum libere egit exaltare qui judicas terram redde retributionem superbis

Spiritu principali confirma cor meum deus

In veritate tua exaudi me domine

Illumina domine vultum tuum super nos

Auditum tuum domine audivi et timui

In tympano et choro in chordis et organo laudate deum

Repleti sumus mane misericordia tua domine

Oriens ex alto redemit nos deus Israel

In conspectu angelorum psallam tibi deus meus

Domine probasti me et cognovisti me

A viro iniquo libera me domine

Domine clamavi ad te exaudi me

Portio mea domine sit in terra viventium

Abraham et semen ejus usque in saeculum magnificet dominum

Dominum deum nostrum venite adoremus

Quia mirabilia fecit dominus

Jubilate deo omnis terra

Clamor meus ad te veniat deus

Benedic anima mea domino

Visita nos domine in salutari tuo

Confitebor domino nimis in ore meo

Domine exaudi orationem meam

Misericordiam et judicium cantabo tibi domine psallam et intelligam in via immaculata quando venies ad me

Perambulabam in innocentia cordis mei in medio domus meae

Domine exaudi orationem meam et clamor meus ad te perveniat quia non spernis deus preces pauperum

De profundis clamavi ad te domine domine exaudi vocem meam

Velociter exaudi me domine quia defecerunt sicut fumus dies mei

Dies mei sicut umbra declinaverunt et ego sicut foenum arui

Gloria patri et filio et spiritui sancto

Benigne fac in bona voluntate tua domine

Bonum est confiteri domino

Metuant dominum omnes fines terrae

Et in servis suis dominus miserebitur

In cymbalis benesonantibus laudate dominum

In viam pacis dirige nos domine

Repleti sumus mane misericordia tua domine

Benedictus dominus deus meus

In aeternum et in saeculum saeculi

Laudabo deum meum in vita mea

Deo nostro jucunda sit laudatio

Lauda Jerusalem dominum

Vespertina oratio ascendat ad te domine

Hymnum cantate nobis alleluia de canticis Sion alleluia quomodo cantabimus canticum domini in terra aliena alleluia septuaginta annos super flumina Babylonis sedimus et flevimus dum recordaremur Sion alleluia ibi suspendimus organa nostra alleluia

Praeoccupemus faciem domini et in psalmis jubilemus ei

In principio fecit deus caelum et terram et creavit in ea hominem ad imaginem et similitudinem suam

Formavit igitur dominus hominem de limo terrae et inspiravit in faciem ejus spiraculum vitae

In principio deus creavit caelum et terram et spiritus domini ferebatur super aquas et vidit deus cuncta quae fecerat et erant valde bona

Igitur perfecti sunt caeli et terra et omnis ornatus eorum

Formavit igitur dominus hominem de limo terrae et inspiravit in faciem ejus spiraculum vitae et factus est homo in animam viventem

Et creavit deus hominem ad imaginem suam ad imaginem dei creavit eum

Plantaverat autem dominus deus paradisum voluptatis a principio in quo posuit hominem quem formaverat

Et fluvius egrediebatur de loco voluptatis ad irrigandum paradysum

Tulit ergo dominus hominem et posuit eum in paradisum voluptatis ut operaretur et custodiret eum

Plantaverat autem dominus deus paradisum voluptatis a principio in quo posuit hominem quem formaverat

Dixit dominus deus non est bonum esse hominem solum faciamus ei adjutorium simile sibi

Adae vero non inveniebatur adjutor similis ejus dixit quoque deus

Immisit dominus soporem in Adam et tulit unam de costis ejus et aedificavit costam quam tulerat dominus de Adam in mulierem et adduxit eam ad Adam ut videret quid vocaret eam et vocavit nomen ejus Virago quia de viro suo sumpta est

Hoc nunc os ex ossibus meis et caro de carne mea

Dixit dominus ad Adam de ligno quod est in medio paradisi ne comedas in quacumque die comederis ex eo morte morieris

Precepit ei dicens ex omni ligno paradisi comede de ligno autem scientie boni et mali ne comedas

Dum deambularet dominus in paradisum ad auram post meridiem clamavit et dixit Adam ubi es audivi domine vocem tuam et abscondi me

Vocem tuam audivi in paradiso et timui eo quod nudus essem

In sudore vultus tui vesceris pane tuo dicit dominus ad Adam cum operatus fueris terram non dabit fructus suos sed spinas et tribulos germinabit tibi

Pro eo quod oboedisti voci uxoris tuae plus quam meae maledicta terra in opere tuo

Ecce Adam quasi unus ex nobis factus est sciens bonum et malum videte ne forte sumat de ligno vitae et vivat in aeternum

Cherubim et flammeum gladium atque versatilem ad custodiendam viam ligni vite

Ubi est Abel frater tuus dixit dominus ad Cain nescio domine numquid custos fratris mei sum ego et dixit ad eum quid fecisti ecce vox sanguinis fratris tui Abel clamat ad me de terra

Maledicta terra in opere tuo quae aperuit os suum et suscepit sanguinem fratris tui de manu tua

Miserere mei deus et a delicto meo munda me quia tibi soli peccavi

Confitebor tibi domine quoniam exaudisti me

Deus deus meus ad te de luce vigilo quia factus es adjutor meus

Benedictus es in firmamento caeli et laudabilis in saecula deus noster

Laudate dominum de caelis

Simile est regnum caelorum homini patrifamilias qui exiit primo mane conducere operarios in vineam suam dicit dominus

Ite et vos in vineam meam et quod justum fuerit dabo vobis

Circa undecimam vero exiit paterfamilias foras et invenit alios ociosos stantes et illis dixit ite et vos in vineam meam

Spes mea domine a juventute mea

In te confirmatus sum ex utero de ventre matris meae tu es meus protector

Gloria patri et filio et spiritui sancto

Ego dixi domine miserere mei

Quid hic statis tota die otiosi responderunt et dixerunt nemo nos conduxit

Esto nobis domine turris fortitudinis

A facie inimici

Gloria patri et filio et spiritui sancto

Jubilate deo omnis terra

Dixit paterfamilias operariis suis quid hic statis tota die otiosi at illi respondentes dixerunt quia nemo nos conducit ite in vineam meam et quod justum fuerit dabo vobis

Da nobis domine auxilium de tribulatione

Quia vana salus hominis tu deus fer opem nobis

Gloria patri et filio et spiritui sancto

Accedite ad eum et illuminamini

Dixit autem paterfamilias amice non facio tibi injuriam nonne ex denario convenisti mecum tolle quod tuum est et vade

Voca operarios et redde illis mercedem suam dicit dominus

Non licet mihi facere quod volo an oculus tuus nequam est quia ego bonus sum dicit dominus

Tolle quod tuum est et vade quia ego bonus sum dicit dominus

Cum autem sero factum esset dicit dominus vineae procuratori suo voca operarios et redde illis mercedem

Hi novissimi una hora fecerunt et pares illos nobis fecisti qui portavimus pondus diei et aestus

Erunt primi novissimi et novissimi primi multi sunt enim vocati pauci vero electi dicit dominus

Multi enim sunt vocati pauci vero electi dicit dominus