Doceam iniquos vias tuas et impii ad te convertentur libera me de sanguinibus deus salutis meae

Domine labia mea aperies et os meum annuntiabit laudem tuam

Si quis sitit veniat et bibat et de ventre ejus fluent aquae vivae

In novissimo autem die magne festivitatis stabat iesus et clamabat dicens si quis sitit veniat ad me et bibat

Vos ascendite ad diem festum hunc ego non ascendam quia tempus meum nondum advenit

Tempus meum nondum advenit tempus autem vestrum semper est paratum

Quidam autem Judaei dicebant quia bonus est alii autem dicebant non sed seducit turbas

Oves meae vocem meam audiunt et ego dominus agnosco eas

Multa bona opera operatus sum vobis propter quod horum vultis me occidere

Magister dicit tempus meum prope est apud te facio pascha cum discipulis meis

Desiderio desideravi hoc pascha manducare vobiscum antequam patiar

Pacifice*

Ne avertas*

Ne perdas*

Appropinquabat autem dies festus et quaerebant principes sacerdotum quomodo Jesum interficerent sed timebant plebem

Principes sacerdotum consilium fecerunt ut Jesum occiderent dicebant autem non in die festo ne forte tumultus fieret in populo

Multiplicati*

Qui custodiebant*

Adjutor*

Clarifica me pater apud temetipsum claritate quam habui priusquam mundus fieret

Nemo tollet a me animam meam sed ego pono eam et iterum sumo eam

Animae impiorum*

Circumdederunt me viri mendaces sine causa flagellis ceciderunt me sed tu domine defensor vindica me

Quoniam tribulatio proxima est et non est qui adjuvet

Ingressus Pilatus cum Jesu in praetorium tunc ait illi tu es rex Judaeorum respondit tu dicis quia rex sum exivit ergo Jesus de praetorio portans coronam et vestem purpuream et cum indutus fuisset exclamaverunt omnes crucifigatur quia filium dei se fecit

Tunc ait illis Pilatus regem vestrum crucifigam responderunt regem non habemus nisi Caesarem

Pater juste mundus te non cognovit ego autem cognovi te quia tu me misisti

Ipsi vero non cognoverunt vias meas quibus juravi in ira mea si introibunt in requiem meam

In die qua invocavi te domine dixisti noli timere Judicasti causam meam et liberasti me deus meus

Deus deus meus eripe me de manu peccatoris et de manu contra legem agentis et iniqui

Fratres mei se elongaverunt a me et noti mei quasi alieni recesserunt a me

Amici mei adversum me appropiaverunt et proximi mei

Attende domine ad me et audi voces adversariorum meorum numquid redditur pro bono malum quia foderunt foveam animae meae

Homo pacis meae in quo sperabam ampliavit adversum me supplantationem

Noli esse mihi domine alienus parce mihi in die mala confundantur omnes qui me persequuntur et non confundar ego

Confundantur omnes inimici mei qui quaerunt animam meam ut auferant eam

Dominus mecum est tamquam bellator fortis propterea persecuti sunt me et intellegere non potuerunt domine probans renes et corda tibi revelavi causam meam

Et vim faciebant qui quaerebant animam meam et qui inquirebant mala mihi locuti sunt vanitates

Deus Israel propter te sustinui improperium operuit reverentia faciem meam extraneus factus sum fratribus meis et hospes filiis matris meae quoniam zelus domus tuae comedit me

Deus deus meus respice in me quare me dereliquisti*

Ingrediente domino in sanctam civitatem Hebraeorum pueri resurrectionem vitae pronuntiantes cum ramis palmarum hosanna clamabant in excelsis

Cumque audissent quia Jesus venit Jerusalem exierunt obviam ei

Osanna rex israhel benedictus qui venit in nomine domini osanna in excelsis

Pueri hebreorum tollentes ramos olyvarum obviaverunt domino clamantes et dicentes

Circumdederunt*

Dominus deus auxiliator meus et ideo non sum confusus

Circumdantes circumdederunt me et in nomine domini vindicabor in eis

Judica causam meam defende quia potens es domine

Cum angelis et pueris fideles inveniantur triumphatori mortis clamantes hosanna in excelsis

Confundantur qui me persequuntur et non confundar ego domine deus meus

Turba multa quae convenerat ad diem festum clamabat domino benedictus qui venit in nomine domini hosanna in excelsis

Coeperunt omnes turbae descendentium gaudentes laudare deum voce magna super omnibus quas viderant virtutibus dicentes benedictus qui venit rex in nomine domini pax in caelo et gloria in excelsis

Occurrunt turbae cum floribus et palmis redemptori domino et victori triumphanti digne dant obsequia filium dei ore gentes praedicant et in laudem Christi voces tonant per nubila hosanna

Pueri Hebraeorum tollentes ramos olivarum obviaverunt domino clamantes et dicentes hosanna in excelsis

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Conclusit vias meas inimicus insidiator factus est mihi sicut leo in abscondito replevit et inebriavit me amaritudine deduxerunt in lacum mortis vitam meam et posuerunt lapides contra me vide domine iniquitatem illorum et judica causam animae meae defensor vitae meae

Omnes inimici mei adversum me cogitabant mala mihi verbum iniquum mandaverunt adversum me

Dixerunt impii apud se non recte cogitantes circumveniamus justum quoniam contrarius est operibus nostris promittit se scientiam dei habere filium dei se nominat et gloriatur patrem se habere deum videamus si sermones illius veri sint et si est verus filius dei liberet illum de manibus nostris morte turpissima condemnemus eum

Viri impii dixerunt opprimamus virum justum injuste et de spoliis ejus sortem mittamus

Opprobrium factus sum nimis inimicis meis viderunt me et moverunt capita sua adjuva me domine deus meus

Persequar inimicos meos et comprehendam illos et non convertar donec deficiant

Faciem meam non averti ab increpantibus et conspuentibus in me

Framea suscitare adversus eos qui dispergunt gregem meum

Appenderunt mercedem meam triginta argenteis quos appretiatus sum ab eis

Inundaverunt aquae super caput meum dixi perii invocabo nomen tuum domine deus

Labia insurgentium et cogitationes eorum vide domine

Non haberes in me potestatem nisi desuper datum tibi fuisset

Infirmata est virtus mea in manibus inimicorum meorum

Viri impii dixerunt opprimamus virum justum injuste et deglutiamus eum tamquam inferus vivum auferamus memoriam illius de terra et de spoliis ejus sortem mittamus inter nos ipsi enim homicidae thesaurizaverunt sibi malum insipientes et maligni oderunt sapientiam et rei facti sunt in cogitationibus suis

Dixerunt impii apud se non recte cogitantes circumveniamus justum quoniam contrarius est operibus nostris

Insurrexerunt in me viri iniqui absque misericordia quaesierunt me interficere et non pepercerunt in faciem meam spuere et lanceis suis vulneraverunt me et concussa sunt omnia ossa mea ego autem aestimabam me tamquam mortuum super terram

Effuderunt furorem suum in me infremuerunt contra me dentibus suis

Synagogae populorum circumdederunt me et non reddidi retribuentibus mihi mala consumetur domine nequitia peccatorum et diriges justum

Tu autem domine susceptor meus es gloria mea et exaltans caput meum

Vide domine et considera quoniam tribulor velociter exaudi me

Discerne causam meam domine ab homine iniquo et doloso eripe me

Dum tribularer clamavi ad dominum de ventre inferi et exaudivit me

Domine vim patior responde pro me quia nescio quid dicam inimicis meis

Dixerunt impii opprimamus virum justum quoniam contrarius est operibus nostris

Potestatem habeo ponendi animam meam et iterum sumendi eam

Nemo tollit a me animam meam sed ego pono eam et iterum sumo eam

Non sis mihi tu formidini spes mea in die afflictionis meae

Contumelias et terrores passus sum ab eis qui erant pacifici mei et custodientes latus meum dicentes decipiamus eum et praevaleamus illi sed tu domine mecum es tamquam bellator fortis cadent in opprobrium sempiternum et videam vindictam in eis quia tibi revelavi causam meam

Omnes inimici mei adversum me cogitabant mala mihi verbum iniquum mandaverunt adversum me

Salvum me fac deus quoniam intraverunt aquae usque ad animam meam ne avertas faciem tuam a me quoniam tribulor velociter exaudi me deus meus

Intende animae meae et libera eam propter inimicos meos eripe me domine

Circumdederunt me*

Libera me de sanguinibus deus deus meus et exsultabit lingua mea justitiam tuam

Contumelias et terrores passus sum ab eis et dominus mecum est tamquam bellator fortis

Ipsi vero in vanum quaesierunt animam meam introibunt in inferiora terrae

Omnes inimici mei audierunt malum meum domine laetati sunt quoniam tu fecisti

Alliga domine in vinculis nationes gentium et reges eorum in compedibus

Simon dormis non potuisti una hora vigilare mecum

Cottidie apud vos eram in templo docens et non me tenuistis et ecce flagellatum ducitis ad crucifigendum

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Exsurge domine judica causam meam memor esto improperiorum meorum eorum quae ab insipiente sunt tota die

In monte Oliveti oravi ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Verumtamen non sicut ego volo sed sicut tu vis pater