Pater Abraham miserere mei et mitte Lazarum ut intinguat extremum digiti sui in aqua ut refrigeret linguam meam

Rogo ergo te pater ut mittas eum in domum patris mei habeo enim quinque fratres ut testetur illis ne et ipsi veniant in hunc locum tormentorum

Fili recordare quia recepisti bona in vita tua et Lazarus similiter mala

Dives ille guttam aquae petiit qui micas panis Lazaro negavit

Malos male perdet et vineam suam locabit aliis agricolis qui reddunt ei fructum temporibus suis

Malos male perdet et vineam suam locabit aliis agricolis

Quaerentes Jesum tenere timuerunt turbas quia sicut prophetam eum habebant

Vadam ad patrem meum et dicam ei pater fac me sicut unum ex mercennariis tuis

Dixit autem pater ad servos suos cito proferte stolam primam et induite illum et date annulum in manu ejus et calceamenta in pedes ejus

Frange esurienti*

Pater peccavi in caelum et coram te jam non sum dignus vocari filius tuus fac me sicut unum de mercennariis tuis

Adoremus dominum qui fecit nos

Videntes Joseph a longe loquebantur mutuo fratres dicentes ecce somniator venit venite occidamus eum et videamus si prosint illi somnia sua

Cumque vidissent Joseph fratres sui quod a patre cunctis fratribus plus amaretur oderant eum nec poterant ei quicquam pacifice loqui unde et dicebant

Dixit Judas fratribus suis ecce Ismaelitae transeunt venite venumdetur et manus nostrae non polluantur caro enim et frater noster est

Cumque abisset Ruben ad puteum et non invenisset eum scissis vestibus pergens ad fratres ait puer non comparet et ego quo ibo

Videns Jacob vestimenta Joseph scidit vestimenta sua cum fletu et ait fera pessima devoravit filium meum Joseph

Vide si tunica filii tui Joseph sit an non et cum vidisset pater ait

Gloria patri et filio et spiritui sancto

Joseph dum intraret in terram Aegypti linguam quam non novit audivit manus ejus in laboribus servierunt et lingua ejus inter principes loquebatur sapientiam

Divertit ab oneribus dorsum ejus

Memento mei dum bene tibi fuerit ut suggeras pharaoni ut educat me de isto carcere quia furtim sublatus sum et hic innocens in lacum missus sum

Tres enim adhuc dies sunt post quos recordabitur pharao ministerii tui et restituet te in gradum pristinum tunc memento mei

Tollite hinc vobiscum munera et ite ad dominum terrae et dum inveneritis adorate eum super terram deus autem meus faciat vobis eum placabilem et remittat et hunc fratrem vestrum vobiscum et eum quem tenet in vinculis

Tollite de fructibus terrae in vasis vestris et deserte viro munera

Gloria patri et filio et spiritui sancto

Iste est frater vester minimus de quo dixeratis mihi deus misereatur tui fili mi festinavitque in domum et ploravit quia erumpebant lacrymae et non poterat se continere

Attollens autem Joseph oculos vidit Benjamin stantem commota sunt omnia viscera ejus super fratre suo

Dixit Ruben fratribus suis numquid non dixi vobis nolite peccare in puerum et non audistis me en sanguis ejus exquiritur

Merito haec patimur quia peccavimus in fratrem nostrum videntes angustiam animae ejus dum deprecaretur nos et non audivimus

Salus nostra in manu tua est domine respiciat super nos misericordia tua ut securi serviamus regi

Vivit anima tua domine ut non videamus mortem neque parvulos nostros deficientes

Gloria patri et filio et spiritui sancto

Merito haec patimur quia peccavimus in fratrem nostrum videntes angustiam animae ejus dum deprecaretur nos et non audivimus idcirco venit super nos tribulatio

Dixit Ruben fratribus suis numquid non dixi vobis nolite peccare in puerum et non audistis me

Dixit Joseph undecim fratribus ego sum Joseph quem vendidistis in Aegypto adhuc vivit pater vester senior de quo dixeratis mihi ite adducite eum ad me ut possit vivere

Biennium est quod fames coepit esse in terra adhuc restant anni quinque

Nuntiaverunt Jacob dicentes Joseph filius tuus vivit et ipse dominatur in tota terra Aegypti quo audito revixit spiritus ejus et dixit sufficit mihi vadam et videbo eum antequam moriar

Cumque audisset Jacob quod filius ejus viveret quasi de gravi somno evigilans ait

Gloria patri et filio et spiritui sancto

Fac benigne in bona voluntate tua ut aedificentur domine muri Jerusalem

Dominus mihi adjutor est non timebo quid faciat mihi homo

Deus misereatur nostri et benedicat nobis

Vim virtutis suae oblitus est ignis ut pueri tui liberarentur illaesi

Sol et luna laudate deum quia exaltatum est nomen ejus solius

Cum ejecisset daemonium locutus est mutus et admirate sunt turbe

Si in digito dei ejicio daemonia profecto venit in vos regnum dei

Dum fortis armatus custodit atrium suum in pace sunt omnia quae possidet

Bonum mihi domine quod humiliasti me bonum mihi lex oris tui super milia auri et argenti

Manus tuae domine fecerunt me et plasmaverunt me da mihi intellectum ut discam mandata tua

Gloria patri et filio et spiritui sancto

Dicet domino susceptor meus es tu

Qui non colligit mecum dispergit et qui non est mecum contra me est

Servus tuus ego sum da mihi intellectum domine

Ut discam mandata tua

Gloria patri et filio et spiritui sancto

Ipse liberavit me de laqueo venantium

Cum immundus spiritus exierit ab homine ambulat per loca inaquosa quaerens requiem et non invenit

Spes mea*

Extollens quaedam mulier vocem de turba dixit beatus venter qui te portavit et ubera quae suxisti at Jesus dixit ei quinimmo beati qui audiunt verbum dei et custodiunt illud

Amen dico vobis quia nemo propheta acceptus est in patria sua

Declara super nos deus tuam misericordiam

Declaratio sermonum tuorum dat intellectum domine

Gloria patri et filio et spiritui sancto

Scapulis suis obumbrabit tibi

Jesus autem transiens per medium illorum ibat

Ubi duo vel tres congregati fuerint in nomine meo in medio eorum sum dicit dominus

Non dico tibi Petre dimittendi septies sed usque septuagies septies

Audite et intellegite traditiones quas dominus dedit vobis

Omnis plantatio quam non plantavit pater meus caelestis eradicabitur dicit dominus

Non lotis manibus manducare non coinquinat hominem

Cum sol autem occidisset omnes qui habebant infirmos variis languoribus ducebant illos ad Jesum et curabantur

Omnes qui habebant infirmos variis languoribus ducebant illos ad Jesum et curabantur

Detinebant turbae Jesum ne discederet ab eis quibus ille dixit quia et aliis civitatibus oportet me evangelizare regnum dei

Dixit dominus Jesus ego sum panis vivus qui venit ad me non esuriet et qui credit in me non sitiet umquam

Aquam quam ego dedero qui biberit ex ea non sitiet umquam

Veri adoratores adorabunt patrem in spiritu et veritate

Domine ut video propheta es tu patres nostri in monte hoc adoraverunt

Meus cibus est ut faciam voluntatem patris mei

Inclinavit se Jesus scribebat in terra si quis sine peccato est mittat in eam lapidem

Mulier nemo te condemnavit nec ego te condemnabo jam amplius noli peccare

Cum videris*

Nemo te condemnavit mulier nemo domine nec ego te condemnabo jam amplius noli peccare

Populus domini et oves pascuae ejus venite adoremus dominum

Locutus est dominus ad Moysen dicens descende in Aegyptum dic pharaoni ut dimittat populum meum induratum est cor pharaonis non vult dimittere populum meum nisi in manu forti

Videns vidi afflictionem populi mei qui est in Aegypto et gemitum ejus audivi et descendi liberare eum

Stetit Moyses coram pharaone et dixit haec dicit dominus dimitte populum meum ut sacrificet mihi in deserto

Dominus deus Hebraeorum misit me ad te ut dicam tibi

Cantemus domino gloriose enim honorificatus est equum et ascensorem projecit in mare adjutor et protector factus est mihi dominus in salutem

Currus pharaonis et exercitum ejus projecit in mare

Gloria patri et filio et spiritui sancto

In mari viae tua et semitae tuae in aquis multis deduxisti sicut oves populum tuum in manu Moysi et Aaron

Illuxerunt coruscationes tuae orbi terrae commota est et contremuit terra

Ecce mitto angelum meum qui praecedat te et custodiat semper observa et audi vocem meam et inimicus ero inimicis tuis et affligentes te affligam et praecedet te angelus meus

Israel si me audieris non erit in te deus recens neque adorabis deum alienum ego enim dominus

Qui persequebantur populum tuum domine demersisti eos in profundum et in columna nubis ductor eorum fuisti domine

Et clamaverunt filii Israel in angustia sua ad dominum et misit eis salvatorem

Gloria patri et filio et spiritui sancto

Moyses famulus domini jejunavit quadraginta diebus et quadraginta noctibus ut legem domini mereretur accipere

Ascendit Moyses in montem Sinai