Exsultabunt sancti in gloria quorum hic corpora congruo venerantur honore

Omnipotens deus qui gloriosa bella certaminis ad immortalitatis triumphum martyribus contulisti da cordibus nostris dignam pro eorum commemoratione laetitiam ut quorum hic pignera pio amore amplectimur eorum precibus adjuvemur

Beata nobis gaudia anni reduxit orbita nam Victorini et Floriani corpora ad nostra hodie venerunt limina

Tamquam aurum*

Exsultent in deo spiritus pretiosorum Victorini et Floriani martyrum quoniam de tyrannis gloriosae triumpharunt unde caelis gaudet curia terra plaudit et laetatur quorum precibus ad aeterna per ducamur gaudia

Iste homo*

Domine deus noster cujus gratia beatus Martinus tres mortuos resuscitavit concede propitius ut per ejus interventum a morte animae resuscitari mereamur

O beatum virum cujus anima paradisum possidet unde exsultant angeli laetantur archangeli chorus sanctorum proclamat turba virginum invitat mane nobiscum in aeternum

Adoremus Christum*

Martinus adhuc catechumenus hac me veste contexit

Sanctae trinitatis fidem Martinus confessus est ac baptismi gratiam percepit

Ego signo crucis non clipeo protectus aut galea ostium cuneos penetrabo securus

Hic est Martinus electus dei pontifex cui dominus post apostolos tantam gratiam conferre dignatus est ut in virtute trinitas deificae mereretur fieri trium mortuorum suscitator magnificus

Sanctae trinitatis fidem Martinus confessus est

Domine si adhuc populo tuo sum necessarius non recuso subire propter eos laborem fiat voluntas tua

Bonum certamen certavi cursum consummavi fidem servavi

O beatum virum Martinum antistitem qui nec mori timuit nec vivere recusavit

Domine si adhuc populo tuo sum necessarius non recuso laborem fiat voluntas tua

Confido in domino quod filia mea precibus tuis reddita sit sanitati

Tetradius cognita dei virtute ad baptismi gratiam pervenit

O ineffabilem virum per quem nobis tanta miracula coruscant

Dum sacramenta offerret beatus Martinus globus igneus apparuit super caput ejus

Oculis ac manibus in caelum semper intentus invictum ab oratione spiritum non relaxabat

Oculis ac manibus in caelum semper intentus invictum ab oratione spiritum non relaxabat

Dum sacramenta offerret beatus Martinus globus igneus apparuit super caput ejus

Beatus Martinus obitum suum longe ante praescivit dixitque fratribus dissolutionem sui corporis imminere atque indicabat se jam resolvi

Viribus corporis coepit repente destitui convocatisque discipulis in unum dixit

Dominus Jesus Christus non se inquit purpuratum nec diademate renitentem se venturum esse praedixit

Sacerdos dei Martine aperti sunt tibi caeli et regnum patris tui

Sacerdos dei Martine pastor egregie ora pro nobis deum

Dixerunt discipuli ad beatum Martinum cur nos pater deseris aut cui nos desolatos relinquis invadent enim gregem tuum lupi rapaces

Scimus quidem desiderare te Christum nostri potius miserere quos deseris

O beatum virum in cujus transitu sanctorum canit numerus angelorum exsultat chorus omniumque caelestium virtutum occurrit psallentium exercitus

Ecclesia domini virtute roboratur sacerdotis revelatione glorificatur quem Michael assumpsit cum angelis

Martinus Abrahae sinu laetus excipitur Martinus hic pauper et modicus caelum dives ingreditur hymnis caelestibus honoratur

Martinus episcopus migravit a saeculo vivit in Christo gemma sacerdotum

Dixerunt discipuli ad beatum Martinum cur nos pater deseris aut cui nos desolatos relinquis invadent enim gregem tuum lupi rapaces

O virum ineffabilem nec labore victum nec morte vincendum qui nec mori timuit nec vivere recusavit

Martinus Abrahae sinu laetus excipitur Martinus hic pauper et modicus caelum dives ingreditur hymnis caelestibus honoratur

Sacerdotes dei benedicite domino servi domini hymnum dicite deo alleluia

Martinus episcopus migravit a saeculo vivit in Christo gemma sacerdotum

O quantus luctus omnium quanta praecipue lamenta monachorum et virginum chorus quia et pium est gaudere Martino et pium est flere Martinum

Martinus Abrahae*

O beatum pontificem qui totis visceribus diligebat Christum regem et non formidabat imperii principatum o Martine dulcedo medicamentum et medice o sanctissima anima quam etsi gladius persecutoris non abstulit tamen palmam martyrii non amisit

Iste homo*

Post decessum beatissimi Martini episcopi beatus Briccius cathedram episcopalem suscepit

Trigesimo ordinationis suae anno oritur contra eum lamentabile crimen nam quaedam mulier quae cubiculariis vestimenta abluebat concepit et peperit et omne crimen super episcopum objecit

Illo quoque negante jussit afferri sibi infantem cumque oblatus fuisset triginta ab ortu habens dies ait ad eum Briccius adjuro te per deum ut si ego te generavi coram cunctis edicas

Respondens autem infans coram omni populo beato viro dixit non es tu inquit pater meus

Sanctus Briccius satisfaciens populo prunas ardentes ab urbe in birro suo deferens et ante sepulcrum beati Martini coram populo proiciens vestimentum ejus inustum apparuit

Populis autem non credentibus et ab episcopatu eum proicientibus Romam petiit flens et ejulans atque dicens merito haec patior quia peccavi in sanctum dei

Laetare Germania claro felix germine nascentis Elisabeth ex regali semine

Quae nexu conjugii data viro socia suave jugum domini tulit ab infantia

Apta tandem viri votis sicut crevit viribus ita piis sic devotis excrevit virtutibus

Sic fulgebat in aspectu exculta decentius paupertatem in affectu colebat attentius

Quanto sese deprimebat humilis nobilitas tanto magis elucebat nobilis humilitas

Benedictus sit dominus deus omnis gratiae qui coronavit ad portas paradisi hodie pauperculam sed exortam regum ex progenie

Mulieres opulentae audite et facite secundum hanc ex divite factam voluntariae

Gloria patri et filio et spiritui sancto

Gaude caelum terra plaude dies adest digna laude plena dies gloria qua Elisabeth antiquum castitatis inimicum elisit victoria pia mater et matrona tuis sacris precibus interventrix et patrona sis pro nobis omnibus

Regi deo jubilantes laudum per insignia exsultemus venerantes Elisabeth sollemnia

Ex ore lactentium laudem deo perficit infantes egentium dum quasi nutrix reficit

A calore caritatis calefacti pauperes juxta prunas nuditatis laetantur immemores

Inquinari manus sorde reputans delicias infirmorum mundo corde tractat immunditias

De paupertatis palea dum quasi granum germinat Elisabeth insignis haereses ab area fidei disterminat meritis et signis

Aures surdis reserat caecis visum reparat et claudis incessum

Ista regis filia haec contemptibilia mundi non elegit sed se ipsa fortior seseque sublimior se sibi subegit

Spiritum jejunio carnem sub cilicio jugiter castigans

O mirandam mulieris hujus fortitudinem qua in se vitae veteris sic occidit hominem et potestates aeris vertit in formidinem

Haec pugnatura stadio mente virum induit femur cingens gladio

Gloria patri et filio et spiritui sancto

Ab intus regis filiae omnis decor gloriae nihil foris appetit laudis et honoris

Domini refugio fortiter adhaeret dum viri solatio vidua careret

Habens caelo fundamentum aurum super et argentum prudenter aedificat dum pauperes laetificat

Aspernata saeculum generosi sanguinis parvipendit titulum apprehendens enim fusum manuum consilio victus quaerit usum

In gazophylacium vidua cum vidua totum mittens pretium

Egens egenis largiens sibi nil retinuit caeleste regnum ambiens hic praesens omne respuit

Fide grandis spe secura manum mittit ad futura

Caeco nato cui nec sedes erant oculorum instrumenta lucis dedit et naturae decus redit per momenta temporum

Novum hoc spectaculum idem isti vetus Christi renovat miraculum

Gloria patri et filio et spiritui sancto

Deo decantent omnia qui vitam reddit mortuis Elisabeth suffragiis et fugat daemonia

Justis lux orta gratiae late spargens radium rectis corde studium ingerit laetitiae

Deus palam omnibus revelans justitiam salutarem gentibus per hanc infundit gratiam

Famulis se famulam fecit haec beata coquinae squaloribus gaudens deturpata et cor gerens indefessum debiles debilior portat ad secessum

Sic sedula paupercula lavit istos illis stravit

Aman in patibulo cum Esther appendit holofernis dexteram in caput extendit et suum periculo populum defendit

Manum mittens ad fortia sic vincit innocentia

O lampas ecclesiae rivos fundens olei medicina gratiae nutrimentum fidei tutelam presta pavidis calorem minus fervidis languidis medelam

Tu dei saturitas oliva fructifera cujus lucet puritas et resplendent opera

Gloria patri et filio et spiritui sancto

Dominus Elisabeth induit decore cujus nunc parata est sedes in honore

Deo cum laetitia serviens puella sub magistri manibus sustinet flagella

Haec ad deum sitiens et currens in siti carnis desideriis didicit reniti

Domo rebus dum ablatis mendicat hospitium in camino paupertatis benedicit dominum

In tantis virtutibus famulae fidelis laudet omnis spiritus dominum de caelis

Cornu salutis hodie in turribus ecclesiae dominus erexit quo de manu Philistaei castra protexit fidei ac in viam gratiae pacis et laetitiae plurimos direxit

Exsultet vox ecclesiae nam caput superbiae Elisabeth contrivit quae non exaudivit vocem exactoris cujus intercessio nos ab hoc exsilio revertentes societ angelorum choris

Vergentis ad vesperam mundi vitam prosperam Elisabeth despiciens nec retro respiciens ad ea se extendit quae jam apprehendit

Virgo gloriosa semper evangelium Christi gerebat in pectore suo non diebus neque noctibus a colloquiis divinis et oratione cessabat