Gloriosi rutilat Lamberti victoria laudes deo jubilat mater Sion ecclesia

Vere digna recolatu martyris memoria saeculi prostrato statu palme freti gloria

Lambertus is patriae praesul et lucerna viam suis gratiae monstrat ad superna

Quam diversa per hunc mira portendisti domine qui pro tuo mortis dira libens tulit nomine

Praesul sanctus adhuc auctus puerili gremio viridio semper pio coherebat studio

O coruscans margarita bone dux Lamberte te canentes ab hac vita peccati converte per tuam virtutem mentem piam miseris nobis tuis posteris donans et salutem

Omni clero cultu vero sub hoc die melodiae psallenti praeconia tibi fer auxilia vultu diligenti

Gloria patri et filio et spiritui sancto

Magna vox laude sonora te decet per omnia quo poli chorea gaudet aucta tali compare terra plaudit et resultat digna tanto praesule o sacer Lamberte martyr nostra vota suscipe

Christo regi jubilemus regnanti per omnia et Lamberto decantemus psalmorum celebria

Lambertus insignium ortus est ex genere terre trajectensium claro micans sidere

Hic a pueritia datus sacris artibus cunctos in scientia vincit et virtutibus

Tot et tantis dotum titulis beat istum natura quod se felicem subolis jactat hujus figura

Claruerunt dignitates in Lamberto varie parentum sublimitates rare forme venustates et quam plures alie

Fide quidem arduus erat spe conspicuus caritate strenuus

Puer hic ferule jugum jam exutus disciplinas est divinas a theodardo praesule summe consecutus

Quem antistes ob amorem optat sibi successorem

Virum hunc egregium sedis trajectensium vacante pastoratu cleri desiderium per assensum regium sublimat praesulatu

Idem poscunt fieri optimates liberi senes atque pueri

Gloria patri et filio et spiritui sancto

Pastor iste sacrae legis normam suam edocens semper curam dati gregis gerit fraudis innocens

Nati quidam scelerum sanctum persequuntur nec eventum prosperum patris patiuntur

Hinc collecto consilio jactus sedis ab honore secedit absque vitio exul deo conductore

Exsul orbis in stadio ne cursum extendat stabula o cenobio fratrum se commendat abbatis imperium colens sue nolens esse voluntatis

Annis septem Christe tibi sub hac forma servit ibi

Nocte surgit media sanctus ad officia precum properatur sotular dilabitur manu fragor redditur abbas excitatur

Cruci stare mittitur nudis plantis incedit nix ad terram funditur jussis tamen oboedit

O Christi clemens bonitas quem compungis mox visitas juxta pii patris morem nam surrogatus pellitur praesulisque reducitur sedis thronum in priorem

Et regresso praesuli pangunt laudes jubili subditorum singuli

Gloria patri et filio et spiritui sancto

Hoc patrono convalescit mens aucta fidelium et malorum contabescit vis et vigor omnium

Errorem idolatriae qui dudum relictus est terrae Taxandriae damnat vi invictus

Istos monet quaerere bonum aeternale jubet illos fugere malum gehennale

Hinc ulturus proximorum dodo sanguinem suorum in Lambertum sevit ira vallans edem turma dira quam sanctus ingreditur

Aptos bello conglutinat praesulem morti destinat et eum mox prosequitur

Sanctus in cubiculo dum orat intente fossus caput jaculo deo disponente sic martyr effectus ad perennem et sollemnem thronum est subvectus

Angelorum coetibus et sanctis caelestibus aggregatur civibus

Quanta fulget dignitate signorum hic claret late qui cum regnet jam in caelis corpus hujus angelis commendatur et servatur mira vocum dulcedine functum terre tegmine

Vere dignus hac opera qui temnens vite prospera martyr scandit aethera

Gloria patri et filio et spiritui sancto

Regnanti laudum modulos Christo profiteamur et sancti virtutum titulos martyris exequamur

Ad cujus tumbae refugium currentes egroti salutis praesidium sumunt spe devoti

Sic deus per miracula quae frequenter ostendit se virtus in saecula pontificis ostendit

Mutis linguam reserat caecis lumen condonat claudis gressum alterat punctos fide coronat

Hinc ad viri gloriam eodem in statu struit plebs ecclesiam pulchro tabulatu

Congratemur hodie Lamberti memoriae triumphum agentes ut ab hostis acie nos ereptos gratiae die pie commendet petentes

Magna vox laude*

Dum steteritis*

Ad apostolatus*

Ecce ego*

Vidit Jesus levi Matthaeum nomine et ait illi sequere me et surgens secutus est eum parans illi magnum convivium in domo sua

Triumphant sancti martyres Christi qui sub Maximiano mortem decreverunt suscipere et cum sancto Mauritio regna caelestia assumpserunt

Christum regem adoremus cum sanctis qui sub throno dei clamant in albis

Quanta excolendus est reverentia sacer ille locus in quo tot pro Christo martyrum milia ferro caesa referuntur

Hi sancti viri in rebus bellicis strenui virtute nobiles sed fide nobiliores permanserunt

Si quis veri dei cultum profiteri audebat statim ad supplicia saeva et necem rapiebatur

Magnum est praemium unius martyris quantum latius beati Mauricii cum sociis suis qui dum tyranni contempserunt imperium sex milia sexcenti coronati martyrio

Ab inspirante sancto spiritu intercede pro nobis martyrum multitudo

Incitamentum tamen maximum fidei in illo tempore paene sanctus Mauritius fuit primicerius

Sub Maximiano qui Romanae rei publicae cum Diocletiano conlega imperium tenuit

Sanctus Mauritius legionem sanctam praemonuit ut ad caelestia regna properaret beatus Exuperius miles candidus et Victor et beatus Innocentius junctis meritis se sociaverunt

Ecce quam bonum et quam jucundum habitare fratres in unum

Omnes unanimes unum aeternitatis deum se colere professi sunt et ideo jugulati coronas regni perceperunt

Cumque missi ad sanctam legionem venissent strinxerunt in sanctos martyres crudeles impium ferrum

Nos pugnare adversus impios scimus laniare pios et concives penitus ignoramus

Beatus Mauritius dux legionum sacrae militiae in via inventus christianitatis gratia respondit dicens christiani sumus christianos persequi non possumus

Milites sumus imperator tui sed tam servi quam liberi comitemur deo

Operta est terra illic procumbentibus in morte corporibus piorum fluxeruntque pretiosi sanguinis rivi

Sub Maximiano qui Romanae rei publicae cum Diocletiano collega imperium tenuit

Beatus Mauritius cum juberet pios pergere iter confodales insecuti sunt carnifices eorum vestigia cedentes donec tertius eorum per ordinem sententia consumeretur captali

O martyrum pretiosus cruor quem fuderunt pro Christi nomine in Rhodani alveo

Tenemus ecce arma et non resistimus quia magis mori quam occidere parati sumus

Hac igitur crudelitate confectus est sanctorum populus qui contempsit rem praesentium ob spem futurorum

Haec sacra legio cum sanctis angelorum legionibus jam collaudat in caelis dominum deum sabaoth

Flagrabat in beatissimis martyribus gloriosus ardor quia trucidati ferro collis submissis

Quos multitudo angelorum cum gaudio susceperunt

Vir inclytus Mauritius martyr domini gloriosus succensus igne divini amoris constanter sustinuit supplicia passionis et per immanitatem tormentorum pervenit ad societatem angelorum

Cujus intercessio in perpetuum nobis obtineat veniam qui per tormenta passionis aeternam meruit palmam et sempiternam coronam

O gloriosi martyres Christi qui meruistis fieri defensores sanctae plebis intervenite pro cuncto clero pacem ferte humili populo qui a vestra nomina in libro vitae scripta manent

Fulget in gloria pretiosus sanguis vester et deus sabaoth in vitae speculo reget vos

Sanctus Mauritius legionem sanctam praemonuit ut ad caelestia regna properaret beatus Exuperius miles candidus et Victor junctis meritis se sociaverunt

Sancta legio Agaunensium martyrum dum resisteret adversariis sacro duce Mauritio interveniente immortalitatis compendia acquisivit

Ecce factus est sacer ille Agaunensium locus per suffragia sanctorum salus praesentium praesidium futurorum

Pretiosa sunt Thebaeorum martyrum vulnera sancti Mauritii et sociorum ejus qui sub Maximiano mortem decreverunt suscipere

Sanctorum corpora sacri sanguinis unda perfudit pretiosorum corpora societas consecravit quae nobis Rhodanus inundando refudit

Flagrabat in beatissimis martyribus gloriosus ardor quia trucidandi ferro colla submittunt qui sub Maximiano perempti sunt quos multitudo angelorum cum gaudio susceperunt

Sanctus Mauritius*

In sanctorum devotionibus sanctus Mauritius triumphavit sanctorum gloriam beatus Exuperius ordinavit spem immortalitatis sanctus Candidus et Victor fide armaverunt

Gaudent in caelis*

Isti sunt sancti*

Beati martyres Christi Cosma et Damiane qui regi caelesti semper adhaesistis et ejus gratia et opitulatione saeculi blandimenta respuistis intercedite pro nobis ad dominum

Cosmas et Damianus quasi ex uno ore Lisie praesidi respondentes dixerunt tormenta tua valde contemnentes non timemus fac ergo quid vis nam idola surda et muta non adoramus

Audiens haec praeses praecepit eos vinctos manibus et pedibus fortiter torqueri

Sancti martyres dum torquerentur dixerunt domine Jesu Christe libera nos a laqueo diaboli et a filio ejus Lisia praeside

Orantes autem sancti manebant illaesi et dicebant ad praesidem si habes aliqua crudeliora tormenta infer in nobis ut cognoscas quia nihil nobis possunt tormenta tua adjuvante nos Christo

Sancti vero Cosmas et Damianus dixerunt nos imperatoris tui jussa contemnimus habemus enim verum regem in caelis Christum filium dei

Accedentes carnifices gladio amputaverunt capita eorum et sic in pace consummantes terrae corpus animas sanctas Jesu Christo domino reddiderunt suscipientes victoriae palmam ab aeterno principe alleluia

Iste homo*

Sint lumbi*

Iste est qui*