Interrogante rege si sacrificaret legio responderunt minime unde et decimum in ea feriri jubebat

Turmis inde euntibus sanctorum societatem Italiae finibus transgressis gubernante deo ad illuminationem suae sanctae ecclesiae dignatus est mittere et die noctuque ad intercessionem christianorum

Sanctorum sempiterna augetur gloria quia deus semper adest orationibus eorum

Beatae turbae alpes praetergressae appropiaverunt diram Franciam per pietatis societatem divisi finibus civitatis Veronae residentes duo cum septenis fuerunt ibi interempti

Cassium cum Florentio milites regis insecuti sunt et eos ibi trucidaverunt

Benigna mater ecclesia gaudet per orbem in qua semper manet gratia septiformis spiritus eo tenore cum pio Cassio et Florentio ipsa eadem hodie transvexit septem ad superos

Exsultent justorum animae in beatitudine sanctorum et in caelestibus ibunt de virtute in virtutem

Christiani nominis rex inimicus ut audivit a suis in Christum credere sanctos spiculatore cum satellitibus misso iterum eos necari jussit

Tunc praecepit eos omnes gladio consumi at illi devote laetantes colla sua subdiderunt inimicis

Sanctus occidebatur Mauritius cum sociis sacris collegionibus sparsim per vestigia gradientibus ierunt spatiose usque ad Rheni partes

Beato Gereone Agrippinam cum trecentis decem et octo appropiante et in terminis ejus confidente affuerunt regis insecuto res qui eos gladio interemerunt jactantes ibidem in puteum

Veronam Gereone ingresso consodales pacifice admonuit ut essent stabiles in fide una cum fratribus in agone

Sancto Victore per pelagus Rheni recto tramite cum sociis gradiente Troiae confines et per prata amoena extendentibus tabernacula aderant illis iniquorum vires qui eos callide mortificaverunt

Ibique trecenti triginta decollati sunt membra eorum in palustria projecerunt loca

O gloriosi*

Ista sanctorum pia societas decrevit omnino magis mori quam relinquere christianitatem et abnuere salutiferam fidem

Aeternae trinitatis gloria amplior crescit honoris decus cum triumphantium victoria sublimatur ante suae majestatis sedem

Inter agmina colligitur angelorum concors societas sanctorum et adducuntur istorum animae beatorum ubi in aevum fruuntur suavi dei claritatis visione

Hymnum deo semper jubilemus et laudes ubique sonemus cum voce triumphantium hodiernae festivitatis

Hodie est jucunditas supernorum civium ac penes nos gaudia ab eis super nos stillantia unde et sempiterna in istis amplior manet beatitudo

Gloriam deo in excelsis populi concinunt qui est semper mirabilis in suis sanctis et quos hodie ecclesia mater transmisit ad caelestia regna

O veneranda martyrum gloriosa certamina qui in suis corporibus pro Christo immania pertulerunt tormenta et ideo percipere meruerunt immarcescibilem aeternae gloriae coronam

Dum steteritis*

Cives apostolorum*

Ecce ego Joannes*

O quam pulchra virginum casta generatio quas auctoris criminum non vicit exactio

Quid in istis nisi choros videas castrorum quae non norunt viri thoros hostes viciorum

In odore tuo Christe sic ad poenas currunt iste ut quasi deliciis gaudeant suppliciis

Gustaverunt et viderunt quod dulcis es domine et libenter impenderunt se pro tuo nomine

Gaude regina caelorum tecum rege saeculorum circumdant rosae lilia undena florum milia per saecula jubilantia alleluia

O caelestis aulae rosae super solem speciosae cum dilecto repausantes sublevate vos laudantes ad aeterna gaudia

Omnis homo vestrum sentiat auxilium

Gloria patri et filio et spiritui sancto

Insignes athletae quae per patientiam hominum potentiam hodie vicistis et comprehendistis bravium coronae nobis subvenite adhuc in hujus vitae positis agone

Ecclesiae sponso laus regi virgine nato qui undena virginum coronavit milia

Nova bella virginum dominus elegit ab extremis hominum quas sibi collegit

Pugnant sexu fragiles caelitus imbutae sed insuperabiles fidei virtute

Beata militia quae pro rege gloriae de mundi malitia triumphavit hodie

Virgo desiderium habens castitatis meditatur et miratur rem quasi mysterium suae voluntatis

Deo secum disponente quod tractabat firmamente

Dum statutum nuptiis acceptis induciis tempus prorogatur pro undenis millibus votis consimilibus classis praeparatur

Duce regis filia haec ducuntur milia et unam sequuntur

O felices hostium fortium victrices quibus dum ad sanguinem usque restitistis oleo non vacuae nec segnes ut fatuae ad caelestes nuptias simul introistis

O beatae quae repente cum clamore veniente domino paratae

Gloria patri et filio et spiritui sancto

Non armis sed animis istas bellatrices efficit unanimes gratia victrices

Fortiores hostibus feminae fuerunt quae contemptis omnibus omnia vicerunt

Unus enim spiritus acies caelestes fidei divinitus adunavit testes

Visionis Ursulae caelitus ostense sacramento credule sperant in offense agone precurso fieri participes debite coronae

Caritate vulneratae mori Christo sunt paratae

Opportuni temporis sic hora captata terga findit aequoris juventus optata datis vento ratibus et velis in flatis

Advehunter littori quo se rhenus equori serenus infundit

Gloriosa trinitas virginalis dignitas in tua fulget gloria singulari gratia tibi laus per saecula

Sanctis nos socia factor fautrice Maria

Gloria patri et filio et spiritui sancto

Sponsi currit in odore jucunda societas quam attraxit ex amore praegustata suavitas

Ut rosae tot milia rutilant cruore et florent ut lilia ni vio candore

Digne gaudent homines angeli laetantur dum victrices virgines caelo coronantur

Hinc ad locum passionis ducit eas dux agonis florem suae juventutis parvipendunt spe salutis euntes coloniam

Lupina hinc barbaries agninas necat acies electas dei virgines

Isti flores hodie de terra succisi complantati liliis virent in deliciis florum paradysi

Electus ex milibus inter ista pascitur lilia dilectus

Effuderunt sanguinem sanctorum sicut aquam in circuitu coloniae horum mors est pretiosa et triumphis gloriosa dante dei dextera

O lignum admirabile tortoribus terribile quos ut armati milites caese terrebant virgines

Gloria patri et filio et spiritu sancto

Laudes regnanti jubilans animo vigilanti sanctorum meritis decantet spiritus omnis

Arae dei stans insertus sanctus praesul cunibertus missam caelo per columbam Ursulae cognovit tumbam

Hae puellae regiae sponsi commensales agni tympanistriae angelis equales

Trium virginum reliquiae quibusdam dono traditae sed minus dignae habitae reponunt se coloniae

Benedicamus ergo deum caelorum cum omni creatura qui tam pretioso locum illum decoravit martyrio

Benedictus es rex gloriae qui palmam victoriae dedisti fragilibus et sexum sine viribus vincere fecisti daemonis virtutem quarum pie precibus nobis supplicantibus tribuas salutem

Angelorum cum regina gloria frete divina sponse dilecto canticum jubilant virgine um laureate gemmis rosis margaritis preciosis et corona aurea alleluia

O dux gloriosa o dux admiranda o Ursulae pretiosa et venerabilis dei sponsa per quam et immanis ursus est victus et virgines Christi sanguine redempte alleluia

Laetis canamus vocibus tot paradisi floribus quos virginitas lilium rosas fecit martyrium quarum prece da domine ut flore pudicitiae caro nostra refloreat ne in aeternum pereat

Iste homo*

Chrysanthus illustris viri filius artibus liberalibus plene fuit eruditus

Ardentis ingenii et tenacis memoriae quod cito didicit diu tenuit

In credendis vir dei instruitur et post septem dies a suscepto baptismate praedicator constituitur

Doctus a domino docet alios et quod hausit feliciter effudit fideliter

Istis proficit virtutum passibus quem patris et filii inflammat spiritus

Haec est vere*

Chrysanthe et Daria deo pro nobis fundite precamina deo frui meruistis Christum imitando deum nobis placate nos adjuvando

Laudemus regem martyrum cujus aspirante gratia per Chrysanthum conversa est Daria

Tenebroso in loco filius a patre clauditur artatus cibo modico ignescit ardore caelito

Duris succedunt mollia ut qui viriliter restitit tormentis enerviter succumbat blandimentis

Intrant puellae ut juvenem decipiant ingressas ligat sopor ne quod volunt efficiant

In Chrysantho et Daria vasis praedestinatis estum extinguit carnis ardor caritatis

A domino factum est istud et est mirabile in oculis nostris

Chrysanthi et Darie dulcescit me moria quorum mentes pietate conduit divina misericordia

Transcendunt fines meritorum quae in patria servantur praemia sanctorum

Casta conversatio juvenis cum virgine non naturae opus est sed divine gratiae

Juveni virgo sociatur et flos virgineus non periclitatur

Mira dei potentia foris somnus amovetur intus manet ne vir dei inquinetur

Virgo Daria auro et gemmis radians ad juvenem ingreditur sed victa feliciter per juvenem convertitur

Ambos inflammat ardor caritatis in ambobus permanet decor castitatis

Felix societas caste se amantium in quibus castitatis lilio successit martyrium

Tua sunt haec Christe opera qui vere mirabilis es in sanctis tuis

Sudant in agone gloriosi martyres et ut magis rutilet martyrium ambo manent virgines

Chrysanthus et Daria patiendo passi sequuntur vestigia

Pede utroque Christum sequuntur qui caste vivendo fructum centesimum consequuntur