Deus et pater domini nostri Ihesu Christi scit quia non mencior

Cum sederit filius hominis in sede majestatis suae

Et factum est in die octavo venerunt pater et mater et cognati eius ad circumcisionem pueri et vocabant eum nomine patris sui Zachariam et responditit mater eius nequaquam sed vocabitur Iohannes

In lege*

Magnificemus dominum salvatorem omnium in spiritu exultantes hoc festum celebrantes beate Margarete ancille humilis sue nos ut eiusdem precibus criminum expurgemur fecibus

Hec virgo predicans nomen tuum Ihesu bone a te meruit coronari gloria et honore

Testimonium domini fidele sapienciam prestitit parvule hostis ideo sevissimus non dominatus est ei

Innocentiam retinens mundumque cor diligens per poenas temperales portas introivit aeternales

Felix igitur Margareta sacrilego sanguine progenita fidem quam spiritu sancto percepit viciorum maculis minus infecit

Quadam die Olibrius molestus deo et hominibus dum transiens visum in illam sparsit mox in concupiscenciam eius exarsit

Sed hanc qui desponsaverat non ita Christus preordinaverat

Dum tyrannus intellexit quod eum virgo despexit iussit eandem iratus suis presentari tribunalibus

In populis annunciemus mirabilia que fecit deus hac in beata martire quia vixit absque crimine

Tubis in ductilibus psallat omnis populus iudicaturo cuncta secula in quo iam exultat hec agni pedissequa

Sancta martyre precatibus

Martir insignis Margareta iuxta prefecti decreta ocius carceris subtrahitur eiusque conspectibus asistitur

Cumque nullis blandimentis ad consensum molliretur iudicis furore nimio inflammatus precepit eam accendi lampadibus

Ministri statim tenelle corpus comburebant puelle sed hec oracione facta in igne permansit intacta

Vas inmensum aqua plenum preses imperavit afferri et in illud virginem ligatam demergi

Sanctum nomen domini magnificent omnes populi qui Margarete fusa ad deum ultima prece repromisit se daturum vite premia eius digne recolentibus sollempnia quorum nos consortes in devocione/dileccione fortes faciat ad suam laudem per infinita secula seculorum amen

Diligebat autem Jesus Martham et sororem ejus Mariam et Lazarum domine ecce quem amas infirmatur infirmitas haec ait dominus deus non est ad mortem sed pro gloria dei ut glorificetur filiis dei per eam

Fidelis sermo et omni accepcione dignus quia Christus Ihesus venit in hunc mundum peccatores salvos facere et qui nasci dignatus est de Maria virgine tangi non dedignatus est de Maria peccatrice hec est illa Maria cui dimissa sunt peccata multa quia dilexit multum hec est enim illa Maria que resurgentem a mortuis prima omnium videre meruit dominum nostrum Ihesum Christum quem pro nostris reatibus oret quesumus in eternum

Stans retro Maria secus pedes domini Ihesu lacrimis cepit rigare pedes ipsius et capillis capitis sui tergebat et osculabatur pedes eius et unguento ungebat

Videns autem phariseus qui vocaverat eum ait intrase dicens hic si esset propheta sciret utique que et qualis mulier que tangit eum quia peccatrix est

Maria Magdalena quae fuerat in civitate peccatrix amando veritatem lavit maculas criminum et vox veritatis impletur qua dicitur dimissa sunt ei peccata multa quoniam dilexit multum

Que enim prius frigida peccando permanserat post modum amando fortiter ardebat

Cuius ergo vel saxeum pectus ille huius peccatricis lacrime ad exemplum penitendi non emoliant consideravit namque quid fecit et noluit moderari quid faceret super convivantes ingressa est non iussa venit inter epulas lacrimas obtulit

Hanc vero quam Lucas peccatricem mulierem Iohannes Mariam nominat illam esse Mariam credimus de qua Marcus septem demonia eiecta fuisse testatur septem enim demonia habuit que universis viciis plena fuit sed ecce quia turpitudinis sue maculas aspexit lavanda ad fontem misercordie cucurrit

Videns hec phariseus dicebat intra se hic si esset propheta sciret utique que et qualis est mulier que tangit eum quia peccatrix est