Sancta Maria succurre miseris juva pusillanimes refove flebiles ora pro populo interveni pro clero intercede pro devoto femineo sexu sentiant omnes tuum levamen quicumque celebrant tuum nomen

O quam pulchra es casta generatio cum claritate

Vulnerasti cor meum soror mea sponsa vulnerasti cor meum alleluia alleluia

Sanctus Symphorianus extra murum ductus et a percussore prostratus votum vovit deo

Gloriosa genetrix Symphoriano dixit sursum cor suspende fili tibi vita non tollitur sed mutatur in melius

Resume constantiam fili timere non possumus mortem quae sine dubio perducit ad vitam

Tu vir Symphoriane mentem et oculos tuos ad astra suspende in tormenta fortis inventus in infantia meruit coronam de manu domini

Symphorianus traditur ad coronam martyrii beata mater sua votum vovit deo

Dum beatus vir duceretur ad victimam venerabilis mater sua de muro sedule illum voce commonuit dicens nate nate Symphoriane in mente habe deum tuum

Tu vir Symphoriane mentem et oculos tuos ad astra suspende

Illustrabat enim eum caelestis sapientia et spiritalibus gemmis ornata simplicitas

Resume constantiam fili timere non possumus mortem quae sine dubio perducit ad vitam alleluia