Domine in virtute*

Aversio parvulorum interficiet eos et prosperitas stultorum perdet illos qui autem me audierit absque terrore quiescet

O viri ad vos clamito et vox mea ad filios hominum

Gloria patri et filio et spiritui sancto.

Observa fili mi praecepta patris tui et ne dimittas legem matris tuae liga eam in corde tuo jugiter

Dominus possedit me initio viarum suarum antequam quicquam faceret a principio necdum erant abyssi et ego parturiebar quando praeparabat caelos aderam cum eo disponens omnia

Omnis sapientia a domino deo est et cum illo fuit semper et est ante aevum

Fili a juventute tua excipe doctrinam et usque ad canos invenies sapientiam

Attingit sapientia ubique propter suam mundiciam et nihil inquinatum in illam incurrit candor est enim lucis aeternae et speculum sine macula

Regnum tuum*

Antequam comedam suspiro et tamquam inundantes aquae sic rugitus meus quia timor quem timebam evenit mihi et quod verebar accidit nonne dissimulavi nonne silui nonne quievi et venit super me indignatio

Ecce non est auxilium mihi in me et necessarii quoque mei recesserunt a me

Gloria patri et filio et spiritui sancto

Dominus dedit dominus abstulit sicut domino placuit ita factum est sit nomen domini benedictum

In omnibus his non peccavit Job labiis suis neque stultum quid contra deum locutus est

Scio quia omnia potes et nulla te latet cogitatio idcirco ipse me reprehendo et ago paenitentiam in favilla et cinere

Noli timere fili mi pauperem quidem vitam gerimus, sed habebimus multa bona si timuerimus Deum

Filii sanctorum sumus et vitam illam exspectamus quam deus daturus est his qui fidem suam numquam mutant ab eo

Gloria patri et filio et spiritui sancto

Ne reminiscaris domine delicta mea vel parentur meorum neque vindictam sumas de peccatis meis

Omni tempore benedic deo et pete ab eo ut vias tuas dirigat

Exaudiat dominus orationes vestras et reconcilietur vobis nec vos deserat in tempore malo

Det vobis cor omnibus ut colatis eum et faciatis ejus voluntatem

Gloria patri et filio et spiritui sancto

Adaperiat dominus cor vestrum in lege sua et in praeceptis suis et faciat pacem

Exaudiat dominus orationes vestras et reconcilietur vobis nec vos deserat in tempore malo

Accingimini et estote filii potentes quoniam melius est nobis mori in bello quam videre mala gentis nostrae et sanctorum sicut fuerit voluntas in coelo sic fiat

Super muros tuos Jerusalem constitui custodes tota die et nocte non tacebunt laudantes nomen domini

Qui reminiscimini domini ne taceatis et ne detis silentium ei

Gloria patri et filio et spiritui sancto

Vidi dominum sedentem super solium excelsum et plena erat omnis terra majestate ejus et ea quae sub ipso erant replebant templum

Super muros tuos Jerusalem constitui custodes tota die et tota nocte non tacebunt laudantes nomen domini

Aspice domine quia facta est desolata civitas plena divitiis sedet in tristitia domina gentium non est qui consoletur eam nisi tu deus noster

Factum est autem ut moreretur mendicus et portaretur ab angelis in sinum Abrahae

Rogo te pater ut mittas Lazarum in domum patris mei habeo enim quinque fratres ut testetur illis ne et ipse veniant in hunc locum tormentorum

Homo quidam fecit cenam magnam et vocavit multos et misit servum suum hora cenae dicere invitatis ut venirent quia omnia parata dicit dominus.

Exi cito in plateas et vicos civitatis et pauperes ac debiles caecos et claudos cumpelle intrare ut impleatur domus mea dicit dominus

Quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat eam dicit dominus

Congratulamini mihi quia inveni ovem meam quae perierat dicit dominus

Estote misericordes sicut et pater vester misericors est dicit dominus

Nolite judicare ut non judicemini nolite condemnare et non condamnabimini

Ascendit Jesus in navem et sedens docebat turbas alleluia

Praeceptor per totam noctem laborantes nihil cepimus in verbo autem tuo laxabo rete

Audistis quia dictum est antiquis non occides qui autem occiderit reus erit judicio

Si offers munus tuum ante altare et recordatus fueris quia frater tuus habet aliquid adversum te relinque ibi munus tuum ante altare et vade prius reconciliari fratri tuo et tunc veniens offerres munus tuum dicit dominus

Misereor super turbam quia ecce jam triduo sustinent me nec habent quod manducent et si dimisero eos jejunos deficient in via dicit dominus.

Si dimisero eos jejunos in domum suam deficient in via quidam enim ex eis de longe venerunt

Non potest arbor bona fructus malos facere neque arbor mala fructus bonos facere

Non omnis qui dicit mihi domine domine intrabit in regnum caelorum sed qui facit voluntatem patris mei qui in caelis est ipse intrabit in regnum caelorum dicit dominus

Dixit dominus villico quid hoc audio de te redde rationem villicationis tuae

Facite vobis amicos de mammona iniquitatis ut cum defeceritis recipiant vos in aeterna tabernacula

Videns dominus civitatem Jerusalem flevit super illam dicens quia si cognovisses et tu quae ad pacem tibi sunt nunc autem abscondita sunt ab oculis tuis

Scriptum est quia domus mea domus orationis est cunctis gentibus vos autem fecistis illam speluncam latronum et erat cottidie docens in templo

Stans a longe publicanus nolebat nec oculos ad caelum levare sed percutiebat pectus suum dicens deus propitius esto mihi peccatori

Omnis qui se exaltat humiliabitur et qui se humiliat exaltabitur

Exiens Jesus de finibus Tyri venit per Sidonem ad mare Galilaeae inter medios fines decapoleos et adducunt ei turbe surdum et mutum et deprecabantur eum ut imponat illi manum

Bene omnia fecit surdos fecit audire et mutos loqui

Beati oculi qui vident quae nos videtis dixit Jesus discipulis suis alleluia

Magister quid faciendo vitam aeternam possidebo at ille dixit ad eum in lege quid scriptum est quomodo legis diliges dominum deum tuum ex toto corde tuo alleluia

Cum ingrederetur Jesus quoddam castellum occurrerunt ei decem viri leprosi qui steterunt a longe et levaverunt vocem dicentes Jesu praeceptor miserere nostri

Nonne decem mundati sunt et novem ubi sunt non est inventus qui rediret et daret gloriam deo nisi hic alienigena vade quia fides tua te salvum fecit dicit dominus

Nolite solliciti esse dicentes quid manducabimus aut quid bibemus scit enim pater vester caelestis quid vobis necesse sit dicit dominus

Quaerite primum regnum dei et justitiam ejus et haec omnia adicientur vobis dicit dominus

Ibat Jesus in civitatem quae vocatur Naim et ecce defunctus efferebatur filius unicus matris suae

Accepit autem omnes timor et magnificabant deum dicentes quia propheta magnus surrexit in nobis et quia deus visitavit plebem suam

Interrogavit Jesus legisperitos et pharisaeos dicens si licet sabbato curare hominem at illi tacuerunt ipse vero apprehensum sanavit eum ac dimisit alleluia

Cum invitatus fueris ad nuptias recumbe in novissimo loco ut dicat tibi qui te invitavit amice ascende superius tunc erit tibi gloria coram simul discumbentibus dicit dominus

Magister quod est mandatum magnum in lege ait illi Jesus diliges dominum deum tuum ex toto corde tuo alleluia

Quid vobis videtur de Christo cujus filius est dicunt ei omnes David dicit eis Jesus quomodo David in spiritu vocat eum dominum dicens dixit dominus domino meo sede a dexteris meis

Dixit dominus paralytico confide fili remittuntur tibi peccata tua

Dixit dominus Jesus quid est facilius dicere dimittuntur tibi peccata tua an dicere surge et ambula

Dicite invitatis ecce prandium meum paravi venite ad nuptias dicit dominus

Nuptiae quidem paratae sunt sed qui invitati erant non fuerunt digni ite ergo ad exitus viarum et quoscumque inveneritis vocate ad nuptias dicit dominus

Domine descende ut sanes filium meum priusquam moriatur dicit ei Jesus vade filius tuus vivit

Cognovit autem pater quia illa hora erat in qua dixit Jesus filius tuus vivit et credidit ipse et domus ejus tota

Dixit autem dominus servo redde quod debes procidens autem servus ille rogabat eum dicens patientiam habe in me et omnia reddam tibi

Serve nequam omne debitum dimisi tibi quoniam rogasti me nonne ergo oportuit et te misereri conservi tui sicut et ego tui misertus sum dicit dominus

Magister scimus quia verax es et viam dei in veritate doces alleluia

Reddite ergo quae sunt Caesaris Caesari et quae sunt dei deo dicit dominus

Dicebat enim intra se si tetigero fimbriam vestimenti ejus tantum salva ero

Confide filia fides tua te salvam fecit et salva facta est mulier ex illa hora

Cum sublevasset oculos Jesus et vidisset maximam multitudinem venientem ad se dixit ad Philippum unde ememus panes ut manducent hi hoc autem dicebat temptans eum ipse enim sciebat quid esset facturus

Accepit ergo Jesus panes et cum gratias egisset distribuit discumbentibus

In omnem terram*

Christe redemptor omnium*

Annuntiaverunt opera dei*

Damasci praepositus gentis Aretae regis voluit me comprehendere a fratribus per murum submissus sum in sporta et sic evasi manus ejus

Ego plantavi Apollo rigavit deus autem incrementum dedit alleluia

Ter virgis caesus sum semel lapidatus sum ter naufragium feci

Damasci praepositus*

Libenter gloriabor in infirmitatibus meis ut inhabitet in me virtus Christi

Bonum certamen certavi cursum consummavi fidem servavi

Annuntiaverunt opera dei*

In omnem terram*

Vos qui secuti estis me sedebitis super sedes judicantes duodecim tribus Israel dicit dominus

Ego plantavi*

Ter virgis*

Constitues eos*

Damasci praepositus*

Annuntiaverunt caeli justitiam ejus*