Levate capita vestra ecce appropinquat redemptio vestra

Dum ortus fuerit sol de caelo videbitis regem regum procedentem a patre tamquam sponsus de thalamo suo

Christus natus est nobis venite adoremus

Dominus dixit ad me filius meus es tu ego hodie genui te

Tamquam sponsus dominus procedens de thalamo suo

Diffusa est gratia in labiis tuis propterea benedixit te deus in aeternum

Tamquam sponsus R. Dominus procedens

Hodie nobis caelorum rex de virgine nasci dignatus est ut hominem perditum ad regna caelestia revocaret gaudet exercitus angelorum quia salus aeterna humano generi apparuit

Gloria in excelsis deo et in terra pax hominibus bonae voluntatis

Gloria patri et filio et spiritui sancto

Hodie nobis de caelo pax vera descendit hodie per totum mundum melliflui facti sunt caeli

Hodie illuxit nobis dies redemptionis nostrae reparationis antiquae felicitatis aeternae

Quem vidistis pastores dicite annuntiate nobis in terris quis apparuit natum vidimus et choros angelorum collaudantes dominum

Dicite quidnam vidistis et annuntiate Christi nativitatem

Gloria patri et filio et spiritui sancto

Suscepimus deus misericordiam tuam in medio templi tui

Orietur in diebus domini abundantia pacis et dominabitur

Veritas de terra orta est et justitia de caelo prospexit

Speciosus forma prae filiis R. Diffusa est gratia in

O magnum mysterium et admirabile sacramentum ut animalia viderent dominum natum jacentem in praesepio beata virgo cujus viscera meruerunt portare dominum Christum

Ave Maria gratia plena dominus tecum

Beata dei genetrix Maria cujus viscera intacta permanent hodie genuit salvatorem saeculi

Beata quae credidit quoniam perfecta sunt omnia quae dicta sunt ei a domino

Sancta et immaculata virginitas quibus te laudibus efferam nescio quia quem caeli capere non poterant tuo gremio contulisti

Benedicta tu in mulieribus et benedictus fructus ventris tui

Gloria patri et filio et spiritui sancto

Ipse invocavit me alleluia pater meus es tu alleluia

Laetentur caeli et exsultet terra ante faciem domini quoniam venit

Notum fecit dominus alleluia salutare suum alleluia

Ipse invocavit me alleluia R. Pater meus es tu alleluia

Beata viscera Mariae virginis quae portaverunt aeterni patris filium et beata ubera quae lactaverunt Christum dominum quia hodie pro salute mundi de virgine nasci dignatus est

Dies sanctificatus illuxit nobis venite gentes et adorate dominum

Verbum caro factum est et habitavit in nobis et vidimus gloriam ejus gloriam quasi unigeniti a patre plenum gratiae et veritatis

Omnia per ipsum facta sunt et sine ipso factum est nihil

Gloria patri et filio et spiritui sancto

Quem vidistis pastores dicite annuntiate nobis in terris quis apparuit natum vidimus et choros angelorum collaudantes dominum alleluia alleluia

Genuit puerpera regem cui nomen aeternum et gaudium matris habens cum virginitate pudoris nec primam similem visa est nec habere sequentem alleluia

Angelus ad pastores ait annuntio vobis gaudium magnum quia natus est nobis hodie salvator mundi alleluia

Facta est cum angelo multitudo caelestis exercitus laudantium et dicentium gloria in excelsis deo et in terra pax hominibus bonae voluntatis alleluia

Parvulus filius hodie natus est nobis et vocabitur deus fortis alleluia alleluia

Notum fecit dominus alleluia R. Salutare suum alleluia

Gloria in excelsis deo et in terra pax hominibus bonae voluntatis alleluia alleluia

Tecum principium in die virtutis tuae in splendoribus sanctorum ex utero ante luciferum genui te

Redemptionem misit dominus populo suo mandavit in aeternum testamentum suum

Exortum est in tenebris lumen rectis corde misericors et miserator et justus dominus

Apud dominum misericordia et copiosa apud eum redemptio

De fructu ventris tui ponam super sedem tuam

Hodie Christus natus est hodie salvator apparuit hodie in terra canunt angeli laetantur archangeli hodie exsultant justi dicentes gloria in excelsis deo alleluia

Stephanus autem plenus gratia et fortitudine faciebat signa magna in populo

Lapidaverunt Stephanum et ipse invocabat dominum dicens ne statuas illis hoc peccatum

Lapides torrentis illi dulces fuerunt ipsum sequuntur omnes animae justae

Adhaesit anima mea post te quia caro mea lapidata est pro te deus meus

Stephanus vidit caelos apertos vidit et introivit beatus homo cui caeli patebunt

Ecce video caelos apertos et Jesum stantem a dextris dei

Sepelierunt Stephanum viri timorati et fecerunt planctum magnum super eum

Iste est Joannes qui supra pectus domini in cena recubuit beatus apostolus cui revelata sunt secreta caelestia

Valde honorandus est beatus Joannes qui supra pectus domini in cena recubuit cui Christus in cruce matrem virginem virgini commendavit

Virgo est electus a domino atque inter ceteros magis dilectus

Hic est discipulus qui testimonium perhibet de hiis et scripsit haec et scimus quia verum est testimonium ejus

Fluenta evangelii de ipso sacro dominici pectoris fonte potavit

Hic est beatissimus evangelista et apostolus Joannes qui privilegio amoris praecipui ceteris altius a domino meruit honorari

Hic est discipulus ille quem diligebat Jesus qui supra pectus domini in cena recubuit

Gloria patri et filio et spiritui sancto

Qui vicerit faciam illum columnam in templo meo dicit dominus et scribam super eum nomen meum et nomen civitatis novae Jerusalem

Vincenti dabo edere de ligno vitae quod est in paradiso dei mei

Diligebat autem eum Jesus quoniam specialis praerogativa castitatis ampliori dilectione fecerat dignum quia virgo electus ab ipso virgo in aevum permansit

In cruce denique moriturus huic matrem suam virginem virgini commendavit

In medio ecclesiae aperuit os ejus et implevit eum dominus spiritu sapientiae et intellectus

Jucunditatem et exsultationem thesaurizavit super eum

Gloria patri et filio et spiritui sancto

In illum diem suscipiam te servum meum et ponam te sicut signaculum in conspectu meo quoniam ego elegi te dicit dominus

Esto fidelis usque ad mortem et dabo tibi coronam vitae

Iste est Joannes qui supra pectus domini in cena recubuit beatus apostolus cui revelata sunt secreta caelestia

Fluenta evangelii de ipso sacro dominici pectoris fonte potavit

Gloria patri et filio et spiritui sancto

Valde honorandus est beatus Joannes qui supra pectus domini in cena recubuit

Hic est discipulus ille qui testimonium perhibet de hiis et scimus quia verum est testimonium ejus

Hic est discipulus meus sic eum volo manere donec veniam

Sunt de hic stantibus qui non gustabunt mortem donec videant filium hominis in regno suo

Ecce puer meus electus quem elegi posui super eum spiritum meum

Exiit sermo inter fratres quod discipulus ille non moritur et non dixit Jesus non moritur sed sic eum volo manere donec veniam

Hi sunt qui cum mulieribus non sunt coinquinati virgines enim sunt et sequuntur agnum quocumque ierit

Herodes iratus occidit multos pueros in Bethleem Judae civitate David

A bimatu et infra occidit multos pueros Herodes propter dominum

Angeli eorum semper vident faciem patris

Vox in Rama audita est ploratus et ululatus Rachel plorans filios suos

Sub throno dei omnes sancti clamant vindica sanguinem nostrum deus noster

Innocentes pro Christo infantes occisi sunt ab iniquo rege lactentes interfecti sunt ipsum sequuntur agnum sine macula et dicunt semper gloria tibi domine

Dum medium silentium tenerent omnia et nox in suo cursu medium iter perageret omnipotens sermo tuus domine a regalibus sedibus venit alleluia

Puer Jesus proficiebat aetate et sapientia coram deo et hominibus

Propter nimiam caritatem suam qua dilexit nos deus filium suum misit in similitudinem carnis peccati alleluia

Dominus dixit ad me filius meus es tu ego hodie genui te

In sole posuit tabernaculum suum et ipse tamquam sponsus procedens de thalamo suo

Elevamini portae aeternales et introibit rex gloriae

Tamquam sponsus R. Dominus procedens de thalamo

Ecce agnus dei qui tollit peccata mundi ecce de quo dicebam vobis qui post me venit ante me factus est cujus non sum dignus corrigiam calciamenti solvere

Qui de terra est de terra loquitur qui de caelo venit super omnes est

Dies sanctificatus illuxit nobis venite gentes et adorate dominum quia hodie descendit lux magna in terris

Haec dies quam fecit dominus exsultemus et laetemur in ea

Benedictus qui venit in nomine domini deus dominus et illuxit nobis alleluia alleluia