Pater fidei nostrae Abraham summus obtulit holocaustum super altare pro filio

Transeunte domino clamabat caecus ad eum miserere mei fili David

Stans autem Jesus jussit eum adduci ad se et ait illi quid vis ut faciam tibi domine ut videam at Jesus ait illi respice fides tua te salvum fecit et confestim vidit et sequebatur eum magnificans deum

Non confundetur cum loquetur inimicis suis in porta

Beati omnes qui timent dominum

Saepe expugnaverunt me a juventute mea

De profundis clamavi ad te domine

Speret Israel in domino

Thesaurizate vobis thesauros in caelo ubi nec aerugo nec tinea exterminat

Domine non sum dignus ut intres sub tectum meum sed tantum dic verbo et sanabitur puer meus

Tu autem cum oraveris intra in cubiculum tuum et clauso ostio ora patrem tuum

Tunc invocabis et dominus exaudiet clamabis et dicet ecce adsum

Tunc assumpsit eum diabolus in sanctam civitatem et statuit eum supra pinnaculum templi et dixit ei si filius dei es mitte te deorsum

Ecce nunc tempus acceptabile ecce nunc dies salutis in his ergo diebus exhibeamus nos sicut dei ministros in multa patientia in jejuniis in vigiliis et iin caritate non ficta

Quod uni ex minimis meis fecistis mihi fecistis dicit dominus

Scriptum est enim quia domus mea domus orationis est cunctis gentibus vos autem fecistis illam speluncam latronum et erat cottidie docens in templo

Sicut fuit Jonas in ventre ceti tribus diebus et tribus noctibus ita erit filius hominis in corde terrae

O mulier magna est fides tua fiat tibi sicut petisti

Qui me sanum fecit ille mihi praecepit tolle gravatum tuum et ambula in pace

Visionem quam vidistis nemini dixeritis donec a mortuis resurgat filius hominis

Domine bonum est nos hic esse si vis faciamus hic tria tabernacula tibi unum Moysi unum et Eliae unum

Visionem *

Qui me misit mecum est et non reliquit me solum quia quae placita sunt ei facio semper

Omnes autem vos fratres estis et patrem nolite vocare vobis super terram est enim pater vester qui in caelis est nec vocemini magistri quia magister vester unus est Christus

Tradetur enim gentibus ad illudendum et flagellandum et crucifigendum

Dives ille guttam aquae petiit qui micas panis Lazaro negavit

Quaerentes eum tenere timuerunt turbam quia sicut prophetam eum habebant

Dixit autem pater ad servos suos cito proferte stolam primam et induite illum et date annulum in manu ejus et calceamenta in pedibus ejus

Si in digito dei ejicio daemonia profecto venit in vos regnum dei

Extollens quaedam mulier vocem de turba dixit beatus venter qui te portavit et ubera quae suxisti at Jesus ait illi Quinimmo beati qui audiunt verbum dei et custodiunt illud

Jesus autem transiens per medium illorum ibat

Ubi duo vel tres congregati fuerint in nomine meo in medio eorum sum dicit dominus

Non lotis manibus manducare non coinquinat hominem

Omnes qui habebant infirmos ducebant illos ad Jesum et sanabantur

Domine ut video propheta es tu patres nostri in monte hoc adoraverunt

Nemo te condemnavit mulier nemo domine nec ego te condemnabo jam amplius noli peccare

De quinque panibus et duobus piscibus satiavit dominus quinque milia hominum

Subiit ergo in montem Jesus et ibi sedebat cum discipulis suis

Solvite templum hoc dicit dominus et post triduum reaedificabo illud hoc autem dicebat de templo corporis sui

Nemo in eum misit manum quia nondum venerat hora ejus

Ille homo qui dicitur Jesus lutum fecit ex sputo et linivit oculos meos et modo video

Propheta magnus surrexit in nobis et quia deus visitavit plebem suam

Domine si fuisses hic Lazarus non esset mortuus ecce jam foetet quatriduanus in monumento

Ego sum qui testimonium perhibeo de meipso et testimonium perhibet de me qui misit me pater

Ego gloriam meam non quaero est qui quaerat et judicet

Abraham pater vester exsultavit ut videret diem meum vidit et gavisus est

Si quis sitit veniat et bibat et de ventre ejus fluent aquae vivae

Vos ascendite ad diem festum hunc ego autem non ascendam quia tempus meum nondum advenit

Multa bona opera operatus sum vobis propter quod opus vultis me occidere

Desiderio desideravi hoc pascha manducare vobiscum antequam patiar

Principes sacerdotum consilium fecerunt ut Jesum occiderent dicebant autem non in die festo ne forte tumultus fieret in populo

Pater juste mundus te non cognovit ego autem novi te quia tu me misisti

Pueri Hebraeorum vestimenta prosternebant in via et clamabant dicentes hosanna filio David benedictus qui venit in nomine domini

Scriptum est enim percutiam pastorem et dispergentur oves gregis postquam autem resurrexero praecedam vos in Galilaeam ibi me videbitis dicit dominus

Non haberes in me potestatem nisi desuper datum tibi fuisset

Potestatem habeo ponendi animam meam et iterum sumendi eam

Ancilla dixit Petro vere tu ex illis es nam et loquela tua manifestum te facit

Zelus domus tuae comedit me et opprobria exprobrantium tibi ceciderunt super me

Avertantur retrorsum et erubescant qui cogitant mihi mala

Deus meus eripe me de manu peccatoris

Avertantur retrorsum et erubescant R. Qui cogitant mihi mala

In monte Oliveti oravit ad patrem pater si fieri potest transeat a me calix iste spiritus quidem promptus est caro autem infirma fiat voluntas tua

Vigilate et orate ut non intretis in tentationem

Tristis est anima mea usque ad mortem sustinete hic et vigilate mecum nunc videbitis turbam quae circumdabit me vos fugam capietis et ego vadam immolari pro vobis

Ecce appropinquat hora et filius hominis tradetur in manus peccatorum

Ecce vidimus eum non habentem speciem neque decorem aspectus ejus in eo non est hic peccata nostra portavit et pro nobis dolens ipse autem vulneratus est propter iniquitates nostras cujus livore sanati sumus

Vere languores nostros ipse tulit et dolores nostros ipse portavit

Liberavit dominus pauperem a potente et inopem cui non erat adjutor

Cogitaverunt impii et locuti sunt nequitiam iniquitatem in excelso locuti sunt

Exsurge domine et judica causam meam

Deus meus eripe me de manu peccatoris R. Et de manu contra legem agentis et iniqui

Amicus meus osculo me tradidit signo quem osculatus fuero ipse est tenete eum hoc malum fecit signum qui per osculum adimplevit homicidium infelix praetermisit pretium sanguinis et in finem laqueo se suspendit

Bonum erat ei si natus non fuisset homo ille

Judas mercator pessimus osculum petiit domino ille ut agnus innocens non negat Judae osculum denariorum numero Christum Judaeis tradidit

Melius illi fuerat si natus non fuisset

Unus ex discipulis meis tradet me hodie vae illi per quem tradar ego melius illi erat si natus non fuisset

Qui intingit mecum manum in parapside hic me traditurus est in manus peccatorum

Dixi iniquis nolite loqui adversus deum iniquitatem

Terra tremuit et quievit dum exsurgeret in judicio deus

In die tribulationis meae deum exquisivi manibus meis

Exsurge domine R. Et judica causam meam

Eram quasi agnus innocens ductus sum ad immolandum et nesciebam consilium fecerunt inimici mei adversum me dicentes venite mittamus lignum in panem ejus et eradamus eum de terra viventium

Omnes inimici mei adversum me cogitabant mala mihi verbum iniquum mandaverunt adversum me dicentes

Una hora non potuistis vigilare mecum qui expectabamini mori pro me vel iudam non videtis quomodo non dormit sed festinat tradere me Judaeis

Quid dormitis surgite et orate ne intretis in tentationem

Seniores populi consilium fecerunt ut Jesum dolo tenerent et occiderent cum gladiis et fustibus exierunt tamquam ad latronem

Collegerunt pontifices et pharisaei consilium

Justificeris domine in sermonibus tuis et vincas cum judicaris

Dominus tamquam ovis ad victimam ductus est et non aperuit os suum

Contritum est cor meum in medio mei contremuerunt omnia ossa mea

Exhortatus es in virtute tua et in refectione sancta tua domine

Oblatus est quia ipse voluit et peccata nostra ipse portavit

Homo pacis meae in quo speravi R. Qui edebat panes meos ampliavit adversum me supplantationem

Traditor autem dedit eis signum dicens quem osculatus fuero ipse est tenete eum

Christus factus est pro nobis oboediens usque ad mortem

Calicem salutaris accipiam et nomen domini invocabo

Cum his qui oderunt pacem eram pacificus cum loquebar illis impugnabant me gratis

Ab hominibus iniquis libera me domine

Custodi me a laqueo quem statuerunt mihi et a scandalis operantium iniquitatem

Considerabam ad dexteram et videbam et non erat qui cognosceret me