Haec dies quam fecit dominus exsultemus et laetemur in ea

Gloria patri et filio et spiritui sancto

Speciosus forma prae filiis hominum diffusa est gratia in labiis tuis

Homo natus est in ea et ipse fundavit eam altissimus

Exsultabunt omnia ligna silvarum ante faciem domini quoniam venit

Speciosus forma prae filiis hominum R. Diffusa est gratia

Congratulamini mihi omnes qui diligitis dominum quia cum essem parvula placui altissimo et de meis visceribus genui deum et hominem

Beatam me dicent omnes generationes quia ancillam humilem respexit deus

Confirmatum est cor virginis in quo divina mysteria angelo nuntiante concepit tunc forma prae filiis hominum castis suscepit visceribus et benedicta in aeternum deum nobis protulit et hominem

Domus pudici pectoris templum repente fit dei intacta nesciens virum verbo concepit filium

Beata et venerabilis virgo quae sine tactu pudoris inventa est mater salvatoris jacebat in praesepio et fulgebat in caelo

Domine audivi auditum tuum et timui consideravi opera tua et expavi in medio duorum animalium

Gloria patri et filio et spiritui sancto

In principio et ante saecula deus erat verbum et ipse natus est hodie salvator mundi

Ante luciferum genitus et ante saecula dominus salvator noster hodie nasci dignatus est

Nato domino angelorum chorus canebat dicens salus deo nostro sedenti super thronum et agno

Notum fecit dominus alleluia R. Salutare suum alleluia

Continet in gremio caelum terramque regentem virgo dei genetrix proceres comitantur herilem per quos orbis ovans Christo sub principe pollet

Virgo dei genetrix quem totus non capit orbis in tua se clausit viscera factus homo

Nesciens mater virgo virum peperit sine dolore salvatorem saeculorum ipsum regem angelorum sola virgo lactabat ubere de caelo pleno

Domus pudici pectoris templum repente fit dei intacta nesciens virum verbo concepit filium

Gloria patri et filio et spiritui sancto

O admirabile commercium creator generis humani animatum corpus sumens de virgine nasci dignatus est et procedens homo sine semine largitus est nobis suam deitatem

Quando natus es ineffabiliter ex virgine tunc impletae sunt scripturae sicut pluvia in vellus descendisti ut salvum faceres genus humanum te laudamus deus noster

Rubum quem viderat Moyses incombustum conservatam agnovimus tuam laudabilem virginitatem dei genetrix intercede pro nobis

Germinavit radix Jesse orta est stella ex Jacob virgo peperit salvatorem te laudamus deus noster

Ecce Maria genuit nobis salvatorem quem Joannes videns exclamavit dicens ecce agnus dei ecce qui tollit peccata mundi alleluia

Mirabile mysterium declaratur hodie innovantur naturae deus homo factus est id quod fuit permansit et quod non erat assumpsit non commixtionem passus neque divisionem

Magnum hereditatis mysterium templum dei factus est uterus nesciens virum non est pollutus ex ea carnem assumens omnes gentes venient dicentes gloria tibi domine

Magi videntes stellam dixerunt ad invicem hoc signum magni regis est eamus et inquiramus eum et offeramus ei munera aurem thus et myrrham

Afferte domino filii dei adorate dominum in aula sancta ejus

Fluminis impetus laetificat alleluia civitatem dei alleluia

Psallite deo nostro psallite psallite regi nostro psallite sapienter

Omnis terra adoret R. Psalmum dicat

Hodie in Jordane baptizato domino aperti sunt caeli et sicut columba super eum spiritus mansit et vox patris intonuit hic est filius meus dilectus in quo mihi complacui

Descendit spiritus sanctus corporali specie sicut columba in ipsum et vox de caelo facta est

In columbae specie spiritus sanctus visus est paterna vox audita est hic est filius meus dilectus in quo mihi bene complacui

Caeli aperti sunt super eum et vox patris intonuit

Reges Tharsis et insulae munera offerent reges Arabum et Saba dona domino deo adducent

Omnes de Saba venient aurum et thus deferentes

Gloria patri et filio et spiritui sancto

Omnis terra adoret te et psallat tibi psalmum dicat nomini tuo domine

Reges Tharsis et insulae munera offerrent regi domino

Omnes gentes quascumque fecisti venient et adorabunt coram te domine

Reges Tharsis R. Reges Arabum

Illuminare illuminare Jerusalem venit lux tua et gloria domini super te orta est

Et ambulabunt gentes in lumine tuo et reges in splendore ortus tui

Omnes de Saba venient aurum et thus deferentes et laudem domino annuntiantes alleluia alleluia alleluia

Reges Tharsis et insulae munera offerrent reges Arabum et Saba dona adducent

Magi veniunt ab oriente Jerusalem quaerentes et dicentes ubi est qui natus est cujus stellam vidimus et venimus adorare dominum

Vidimus stellam ejus in oriente

Gloria patri et filio et spiritui sancto

Venite adoremus eum quia ipse est dominus deus noster

Venite exsultemus domino jubilemus deo salutari nostro | Praeoccupemus faciem ejus in confessione et in psalmis jubilemus ei | Quoniam deus magnus dominus et rex magnus super omnes deos | Quoniam non repellet dominus plebem suam quia in manu ejus sunt omnes fines terrae et altitudines montium ipsius sunt | Quoniam ipsius est mare et ipse fecit illud et siccam manus ejus formaverunt | Et nos populus pascuae ejus et oves manus ejus hodie si vocem ejus audieritis nolite obdurare corda vestra | Sicut in irritatione secundum diem tentationis in deserto | Ubi tentaverunt me patres vestri probaverunt et viderunt opera mea | Quadraginta annis proximus fui generationi illi et dixi semper hi errant corde | Et isti non cognoverunt vias meas ut juravi in ira mea si introibunt in requiem meam | Gloria | Sicut

Adorate dominum alleluia in aula sancta ejus alleluia

Adorate deum alleluia omnes angeli ejus alleluia

Adorate dominum alleluia R. In aula sancta ejus alleluia

Stella quam viderant magi in oriente antecedebat eos donec venirent ad locum ubi puer erat videntes autem eum gavisi sunt gaudio magno

Et intrantes domum invenerunt puerum cum Maria matre ejus et procidentes adoraverunt eum

Videntes stellam magi gavisi sunt gaudio magno et intrantes domum invenerunt puerum cum Maria matre ejus et procidentes adoraverunt eum et apertis thesauris suis obtulerunt ei munera aurum thus et myrrham

Stella quam viderant magi in oriente antecedebat eos usque dum veniens staret supra ubi erat puer

Gloria patri et filio et spiritui sancto

Ante luciferum genitus et ante saecula dominus salvator noster hodie mundo apparuit

Venit lumen tuum Jerusalem et gloria domini super te orta est et ambulabunt gentes in lumine tuo alleluia

Apertis thesauris suis obtulerunt magi domino aurum thus et myrrham alleluia

Maria et flumina benedicite domino hymnum dicite fontes domino alleluia

Stella ista sicut flamma coruscat et regem regum deum demonstrat magi eam viderunt et magno regi munera obtulerunt

Hodie caelesti sponso juncta est ecclesia quoniam in Jordane lavit Christus ejus crimina currunt cum muneribus magi ad regales nuptias et ex aqua facto vino laetantur convivae alleluia

Tribus miraculis ornatum diem sanctum colimus hodie stella magos duxit ad praesepium hodie vinum ex aqua factum est ad nuptias hodie a Joanne Christus baptizari voluit ut salvaret nos alleluia

Videntes stellam magi gavisi sunt gaudio magno et intrantes domum obtulerunt domino aurum thus et myrrham

Lux de luce apparuisti Christe cui magi munera offerent alleluia alleluia alleluia

Interrogabat magos Herodes quod signum vidistis super natum regem stellam vidimus fulgentem cujus splendor illuminat mundum

Omnes de Saba venient aurum et thus deferentes alleluia alleluia

Remansit puer Jesus in Jerusalem et non cognoverunt parentes ejus existimantes illum esse in comitatu et requirebant eum inter cognatos et notos

Fili quid fecisti nobis sic ego et pater tuus dolentes quaerebamus te et quid est quod me quaerebatis nesciebatis quia in his quae patris mei sunt oportet me esse

Descendit spiritus sanctus corporali specie sicut columba in ipsum et vox de caelo facta est hic est filius meus dilectus alleluia

Baptizat miles regem servus dominum suum Joannes salvatorem aqua Jordanis stupuit columba protestatur paterna vox audita est hic est filius meus

Caeli aperti sunt super eum et vox facta est de caelo dicens hic est filius meus dilectus in quo mihi complacui

Christo datus est principatus et honor regni omnis populus tribus et linguae servient ei in aeternum

Fontes aquarum sanctificati sunt Christo apparente in gloria orbis terrarum haurite aquas de fonte salvatoris sanctificavit enim nunc omnem creaturam Christus deus noster

Vox de caelo sonuit et vox patris audita est hic est filius meus in quo mihi complacui ipsum audite

Praecursor Joannes exsultat cum Jordane baptizato domino facta est orbis terrarum exsultatio facta est peccatorum nostrorum remissio sanctificans aquam ipsi omnes clamemus miserere nobis

Super ripam Jordanis stabat beatus Joannes indutus est splendore baptizans salvatorem baptiza me Joannes baptiza benedicam te et tu Jordanis congaudens suscipe me

Suscepit deus Israel puerum suum sicut locutus est ad Abraham et semen ejus exaltare humiles usque in saeculum

Alleluia alleluia alleluia

Dixit dominus domino meo sede a dextris meis

Fidelia omnia mandata ejus confirmata in saeculum saeculi

In mandatis ejus cupit nimis

Sit nomen domini benedictum in saecula

Nos qui vivimus benedicimus domino

Deficiente vino jussit Jesus implere hydrias aqua quae in vinum conversae sunt alleluia

Domine si tu vis potes me mundare et ait Jesus volo mundare

Domine salva nos perimus impera et fac deus tranquillitatem

Colligite primum zizania et alligate ea fasciculos ad comburendum triticum autem congregate in horreum meum dicit dominus

Dixit dominus ad Adam de ligno quod est in medio paradisi ne comedas in qua hora comederis morte morieris

Ite et vos in vineam meam et quod justum fuerit dabo vobis

Dixit paterfamilias operariis suis quid hic statis tota die otiosi at illi respondentes dixerunt quia nemo nos conduxit ite in vineam meam et quod justum fuerit dabo vobis

Dixit dominus ad Noe finis universae carnis venit coram me fac tibi arcam de lignis levigatis ut salvetur universum semen in ea

Qui verbum dei retinent corde perfecto et optimo fructum afferunt in patientia

Vobis datum est nosse mysterium regni dei ceteris autem in parabolis dixit Jesus discipulis suis